Jeremaia 2:17 - Vakavakadewa Makawa

¹⁷ A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Ai Vola Tabu (Vakadewa Makawa Vakavoutaki 2021)

¹⁷ A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

AI VOLA TABU

¹⁷ A ka o qo ko sa vakayacora vei iko, se segai, ni ko sa biuti Jiova na nomu Kalou, ni sa kauti iko e na sala?

Vakavakadewa Vou kei na iVola tale eso

¹⁷ Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Ai Vola Tabu Ena Vakavakadewa Vou

¹⁷ Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:17 Iomraidhean Croise

1 Veigauna 28:9

Ia ko iko, Solomoni na luvequ, mo kila na Kalou i tamamu, ka qaravi koya e na yalo dina, kei na loma e marautaka: ni sa vakatovolea na yalo kece ko Jiova, ka kila kece na nanuma ni lomada: kevaka ko na vakasaqarai koya, ko na kunei koya; ia kevaka ko sa biuti koya, ena biuti iko ko koya ka tawa mudu.

2 Veigauna 15:2

a sa curu yani me tavaki Esa, ka sa kaya vua, Ni rogoci au mai, kemuni Esa, kei kemuni kecega na Juta kei na Penijamini: Sa na tiko kei kemuni ko Jiova, kevaka kemuni sa tiko kei koya; ia kevaka kemuni sa vakasaqarai koya, ena kune vei kemuni ko koya, ia kevaka kemuni sa biuti koya, ena biuti kemuni ko koya.

Jope 34:27

Ni ra lesu tani me ra kua ni muri koya, Ka sega ni via nanuma na nona sala:

Jope 4:8

E vaka ga oqo na ka ka'u sa dauraica, ko ira era sa daucuki e na caka ca, Ka kaburaka nai valavala ca, era sa tamusuka ga na ka ko ya.

NA SAME 107:7

Sa tuberi ira e na sala dodonu, Me ra lako ki na koro me ra tiko kina.

NA SAME 136:16

Vua ka kauti ira voli na nona tamata e loma ni lekutu: Ni sa sega ni mudu na nona loloma.

NA SAME 77:20

O ni a tuberi ira na nomuni tamata me vaka na qele ni sipi. E na liga i Mosese kei Eroni.

Vosavakaibalebale 15:10

Ai vakavuvuli sa ka ca vua sa biuta na sala: Ko koya sa cata ni vunauci ena mate.

Aisea 1:4

Ulei na matanitu ca, ko ira na tamata sa bitaki e na caka cala, na kawa ni valavala ca, na gone dauvakacaca: era sa biuti Jiova, era sa vakacudrui Koya na Yalosavasava i Isireli, era sa vuki tani tale.

Aisea 59:13

keimami sa talaidredre ka lasu vei Jiova, ka sa lesu tani me vakanadakui koya na neimami Kalou; ka sa vosataka na veivakasaurarataki kei na vuki, ka sa vakananuma ka cavuta mai na vu ni yalo i keimami na vosa lasu:

Jeremaia 13:22

Ia kevaka ko sa kaya e lomamu, A cava beka sa yacovi au kina na ka oqo? Ni sa levu na nomu caka cala sa luvati kina na bui ni nomu i sulu, ka dresulaki tani sara mai na bukubuku-ni-yavamu.

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 2:13

ni sa rua na ka ca era sa cakava, ko ira na noqu tamata; era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca, ka sa lu tikotikoga.

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 4:18

A nomu i valavala kei na nomu cakacaka sa vakayacora na ka oqo vei iko; oqo na nomu caka ca ga, ka sa gaga sara, sa lau sara ki na vu ni yalomu.

Jeremaia 44:3

e na vuku ni nodra ca era sa cakava me vakacudrui au, ni ra sa la'ki vakama nai madrali boi vinaka, ka me ra qaravi ira na kalou tani, era sa sega ni kila, ko ira, se koi kemudou, se ko ira na nomudou qase.

Jeremaia 5:25

ia na nomudou caka cala sa vakadaroya na veika oqo, ia na nomudou i valavala ca sa tarova na ka vinaka maivei kemudou.

Isikeli 39:24

Me vaka na nodra sega ni yalosavasava kei na nodra talaidredre ka'u a cakacaka vakakina vei ira, ka tabonaka vei ira na mataqu.

Osea 13:9

Ko iko ga Isireli, ko sa vu ni nomu rusa; ia sa vu ga vei au na nomu i vukevuke.

Maika 1:5

Sa yaco na ka kecega oqo ni sa talaidredre ko Jekope, io, e na vuku ni nodra i valavala ca na mataqali i Isireli. A cava na nodra talaidredre na Jekope? ko Samaria, se segai? a cava talega na nodra veiyasana cecere na Juta? ko Jerusalemi, se segai?

Tiko mai na Lekutu 32:23

Ia kevaka kemuni na sega ni kitaka vakakina, raica, kemuni sa na cala vei Jiova: ia mo ni kila ena talevi kemuni tale na nomuni cala.

Vakarua 32:10

Sa kunei ira ko koya e na vanua sa lala, E na vanua liwa sa levu kina na tagi; Sa kauti ira voli, sa vakavulici ira, Sa maroroi ira me vaka na loa ni matana.

Vakarua 32:19

A sa raica ko Jiova, ka vakasisilataki ira, E na vuku ni nodra vakacudrui koya na luvena tagane, kei na luvena yalewa.