Jeremaia 2:15 - Vakavakadewa Makawa

¹⁵ a luve ni laioni era sa tagici koya, era sa tabalaka na domodra, ka vakalalataka na nona vanua: na nona veikoro sa kama, sa sega e tiko kina.

Ai Vola Tabu (Vakadewa Makawa Vakavoutaki 2021)

¹⁵ A luve ni laione era sa tagici koya, era sa tabalaka na domodra; ka vakalalataka na nona vanua; na nona veikoro sa kama, sa sega e tiko kina.

AI VOLA TABU

¹⁵ a laioni cauravou era sa tagici koya, era sa tabalaka na domodra, ka vakalalataka na nona vanua: a nona Veikoro sa kama, sa sega e tiko kina.

Vakavakadewa Vou kei na iVola tale eso

¹⁵ Era sa tagi vaka na laione ki vua; Era sa cakava na nona vanua me dravuisiga. Sa vakacacani sara vakaca nona veikoro, Ka sa lala tu.

Ai Vola Tabu Ena Vakavakadewa Vou

¹⁵ Era sa tagi vaka na laione ki vua; Era sa cakava na nona vanua me dravuisiga. Sa vakacacani sara vakaca nona veikoro, Ka sa lala tu.

Jeremaia 2:15 Iomraidhean Croise

Jope 4:10

Na tagi ni laioni, kei na domo ni laioni veikata, Kei na batidra na luve ni laioni sa vorolaki.

NA SAME 57:4

Sa tiko na yaloqu e na kedra maliwa na laioni: Au sa koto vata kei ira sa waqa tu na lomadra, Io, kei ira na tamata sa moto ga ka gasau ga na batidra, Ka sai seleiwau gata na yamedra.

Aisea 1:7

A nomudou vanua sa lala; a nomudou veikoro sa kama e na bukawaqa; ko ira na kai tani era sa kania na nomudou veiwere e na matamudou, a sa lala didi me vaka ni sa dauvukica ko ira na kai tani.

Aisea 24:1

Raica, sa vakalalataka na vanua ko Jiova, sa vakatoboicutaka, ka sa dui vakasevi ira era tiko kina.

Aisea 5:29

Era na tagi me vaka na laioni, era na tagi me vaka na luve ni laioni: io era na kudru, ka toboka na kedra, ka kauta vakavinaka, ka na sega me vakabula.

Aisea 5:9

Sa kaya tiko e na daligaqu ko Jiova ni lewe vuqa, E dina ena lala mai na veivale e vuqa, na veivale lelevu ka vinaka, ka me sega e tiko kina.

Aisea 6:11

Au a qai kaya, Kemuni na Turaga, Me cava na kena dede? A sa kaya ko koya, Me lala mada na veikoro me sega na lewena, kei na veivale me sega na tamata e tiko kina, kei na vanua me lala didi,

Jeremaia 10:22

Raica, sa rogo mai na domo ni rogorogo, ia e dua na ue levu mai na vanua mai na tokalau, me vakalalataka na veikoro vaka-Juta, ka me qara ni gata lelevu.

Jeremaia 25:30

Ia ko iko mo parofisaitaka na vosa kece oqo vei ira, ka kaya vei ira, Ko Jiova, ena kurukuru maicake, ia mai na nonai tikotiko tabu ena vakarogoya mai na domona; ena kurukuru vakaukauwa ki na nonai tikotiko; na kaila, me vaka na nodra era sa sikaraka na vua ni vaini, ena rogo ga yani vei ira kece era tiko e vuravura.

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 26:9

A cava ko sa ia kina na parofisai e na yaca i Jiova, ka vaka, Ena vakataki Sailo na vale oqo, ia na koro oqo ena lala me sega e tiko kina? A ra sa soqoni vata vakaca vei Jeremaia ko ira na tamata kecega e na vale i Jiova.

Jeremaia 33:10

Sa kaya vakaoqo ko Jiova; Ena rogoci tale e na yasana oqo, dou sa kaya kina, Sa lala ga ka sega kina na tamata se na manumanu, io e na veikoro vaka-Juta, kei na sala ni koro ko Jerusalemi, sa lala tu ga, ka sega kina na tamata, se na manumanu,

Jeremaia 34:22

Raica, au na vakarota, sa kaya ko Jiova, ka vakalesui ira tale mai ki na koro oqo; ka ra na mai kaba, ka rawa, ka vakama e na bukawaqa; ia na veikoro vaka-Juta ka'u na vakalalataka, me sega e dua e tiko kina.

Jeremaia 4:7

Sa lako cake mai na kena veikau e dua na laioni, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Jeremaia 5:6

O koya oqo ena vakamatei ira e dua na laioni mai veikau, na wolifa ni lekutu ena vakacacani ira, e dua na lepate ena yadrava na nodra veikoro: ko ira kecega era sa lako ki nai bili era na basuraki: ni sa ka levu na nodra talaidredre, ka sa tubu tiko na nodra dauvuki.

Jeremaia 50:17

Ko Isireli na sipi dauvakasavi; ko ira na laioni era sa vakasavi koya: sa liu ko tui Asiria ka sa kani koya; a sa muri ko Nepukanesa na tui Papiloni oqo ka sa musuka na suina.

Jeremaia 51:38

Era na tagi vata me vaka na laioni: era na kudrukudru me vaka na luve ni laioni:

Jeremaia 6:8

Mo vakavulici mada, Jerusalemi, de lako tani vei iko na yaloqu; de'u vakalalataki iko mo vanua e sega ni tawa.

Jeremaia 9:10

E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Jeremaia 9:11

Ia ka'u na qisi Jerusalemi me koro rusa, me qara ni gata lelevu; ia na veikoro vaka-Juta ka'u na vakalalataka, me sega e tiko kina.

Isikeli 36:3

o koya oqo mo parofisai kina, ka vaka ne, Sa kaya vakaoqo na Turaga ko Jiova; Ni ra sa vakacacani kemudou, ka tilomi kemudou e na veiyasana, mo dou nodra vanua na veimatanitu sa vo, ni dou sa cavuti tiko e na gusudra na dauvosa, ka vakarogocataki vei ira na tamata:

Isikeli 5:14

Ia ka'u na soli iko mo vakalalataki, ka vakalialiai e na kedra maliwa na veimatanitu era tiko voliti iko, e na matadra kece era lako tu yani.

Osea 11:10

Era na muri Jiova, ena qai tagi ko koya me vaka na laioni: ni sa tagi ko koya, era na qai lako rerere mai ko ira na luvena mai ra.

Osea 5:14

Ni'u na vaka na laioni vei ira na Ifireimi, ka vaka na laioni sa gone vei ira na mataqali i Juta: oi au, io koi au, ka'u na ia na veidresulaki ka lako tani; au na kauta tani, ka sega e dua me na kaliraki koya.

Emosi 3:12

Sa kaya vakaoqo ko Jiova; Me vaka nai vakatawa sa kaliraka mai na gusu ni laioni e rua na yava ni sipi, se na tiki ni daligana; ena kaliraki vakakina na Isireli era tiko mai Samaria e na tutu ni mocemoce, kei ira mai Tamasiko e nai davodavo.

Emosi 3:4

Me na tagi li na laioni mai veikau, ni sa sega na kena e kunea? me na tabalaka li na domona na luve ni laioni mai na nonai kotokoto, kevaka sa sega ni rawata e dua na kena?

Emosi 3:8

Sa tagi na laioni, ko cei me na sega ni rere? sa vosa na Turaga ko Jiova, o cei me na sega ni parofisai?

Neumi 2:11

Sa evei na nodra i tikotiko na laioni, kei na nodra i kanakana na luve ni laioni, na yasana ka lako voli kina na laioni, na laioni yalewa, kei na luve ni laioni, ka sa sega e dua me vakarerea?

Sefanaia 1:18

Io, na nodra siliva kei na nodra koula ena sega ni vakabulai ira rawa e na siga ni cudru i Jiova; ia ena kania na vanua taucoko na bukawaqa ni nona vuvu: ni na vakidacala sara na nona vakaoti ira laivi na lewe ni vanua.

Sefanaia 2:5

E ca vei ira sa tiko mai baravi, na matanitu vaka Kireci! a vosa i Jiova sa tauci kemudou; I Kenani, na vanua ni kai Filisitia, au na vakarusai iko, me kakua e dua me tiko kina.

Sefanaia 3:6

Au sa muduka laivi na veimatanitu: sa vakacacani na nodra veivale ni valu; au a vakalalataka na sala ni nodra koro, me sega e dua e lakova: sa rusa na nodra veikoro, sa sega ga na lewena, sa sega e tiko kina.

Sakaraia 11:3

Sa rogo mai na nodra qoqolou nai vakatawa; ni sa vakacacani na nodra lagilagi: sa rogo mai na nodra tagi na luve ni laioni: ni sa vakacacani na kena vinaka kei Joritani.

Dauveilewai 14:5

A ratou sa lako sobu vata ko Samisoni kei na tamana kei tinana, ki Timinaca; a sa yaco ki na veiwere-ni-vaini kei Timinaca, ka raica, sa dua na laioni sa tagi ni sa tavaki koya.