Jeremaia 19:7 - Vakavakadewa Makawa

⁷ Ia ka'u na vakatawayagataka na lewa i Juta kei Jerusalemi e na yasana oqo, ka'u na lewa me ra bale e nai seleiwau e na matadra na nodra meca, e na ligadra talega era segata me ra vakamatei ira: ia ka'u na solia na yagodra me kedra na manumanu vuka, kei na manumanu ni vanua.

Ai Vola Tabu (Vakadewa Makawa Vakavoutaki 2021)

⁷ Ia ka'u na vakatawayagataka na lewa i Juta kei Jerusalemi e na yasana oqo, ka'u na lewa me ra bale e nai seleiwau e na matadra na nodra meca, e na ligadra talega era segata me ra vakamatei ira. Ia ka'u na solia na yagodra me kedra na manumanu vuka, kei na manumanu ni vanua.

AI VOLA TABU

⁷ Ia kaʼu na vakatawayagataka na lewa i Juta kei Jerusalemi e na yasana o qo, kaʼu na cakava me ra bale e nai seleiwau e na matadra na nodra meca, e na ligadra talega era qarai ira me ra vakamatea: ia kaʼu na solia na yagodra me kedra na manumanu ni lomalagi, kei na manumanu ni vanua.

Vakavakadewa Vou kei na iVola tale eso

⁷ Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Ai Vola Tabu Ena Vakavakadewa Vou

⁷ Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Jeremaia 19:7 Iomraidhean Croise

2 Tui 21:14

Ia ka'u na biuta na kena vo ni noqu i votavota, ka soli ira ki na ligadra na nodra meca; me ra vakacacani, ka vakabobulataki vei ira na nodra meca;

Vosavakaibalebale 21:30

Sa sega na vuku, se na yalomatua, Se na bose me gumatua vei Jiova.

Aisea 29:14

o koya oqo raica, ka'u na ia mada e dua na cakacaka vakurabui vei ira na tamata oqo, io e dua na cakacaka vakurabui vakaidina sara: ia ena yali na nodra vuku na nodra tamata vuku, ka na tabonaki na nodra yalomatua na yalomatua.

Aisea 8:10

Dou bose vata mada, ena vukici ga; dou tukuna na vosa, ena sega ga ni yaco: ni sa tiko vata kei keimami na Kalou.

Jeremaia 15:2

Ia kevaka era taroga vei iko, Me keimami lako yani kivei? mo qai kaya vei ira, Sa kaya vakaoqo ko Jiova; Ko ira sa lesi ki na mate, ki na mate ga; kei ira sa lesi ki nai seleiwau, ki nai seleiwau ga; kei ira sa lesi ki na viakana, ki na viakana ga; kei ira sa la'ki vakabobulataki, ki na veivakabobulataki ga.

Jeremaia 15:9

Sa malumalumu mai ko koya sa vakasucuma e lewe vitu: sa ciba ko koya: sa dromu na nona mata-ni-siga ni sa siga toka: sa madua ka taqaya ko koya: ia na kedra vo ka'u na solia ki nai seleiwau e na matadra na nodra meca, sa kaya ko Jiova.

Jeremaia 16:4

Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Jeremaia 18:21

O koya mo ni solia kina na luvedra me ra viakana, ka vakadavea na kedra dra e na kaukauwa ni seleiwau; ia me yali vei ira na watidra na luvedra, ka me ra yada talega; ka me ra vakamatei na nodra tagane; ia na nodra cauravou, me ra mate e nai seleiwau e nai valu.

Jeremaia 21:7

ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe ni vanua, kei ira sa vo e na koro oqo mai na mate dauveiveitauvi, kei nai seleiwau, kei na viakana, ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea: ia ena yaviti ira ko koya e nai seleiwau; ena sega ni vosoti ira, ena sega talega ni yalovinaka, se yalololoma.

Jeremaia 22:19

Ena buluti ga vaka na asa, ni sa yarataki ka biu ki taudaku ni matamata-ni-koro ko Jerusalemi.

Jeremaia 22:25

ia ka'u na soli iko ki na ligadra era sa segata me ra vakamatei iko, ki na ligadra talega ko sa rerevaka, io ki na liga i Nepukatiresa na tui Papiloni, kei na ligadra na kai Kalitia.

Jeremaia 32:28

O koya oqo sa kaya ko Jiova; Raica, au na solia na koro oqo ki na ligadra na kai Kalitia, kei na liga i Nepukanesa na tui Papiloni, ia ena rawa ko koya:

Jeremaia 34:20

ia ka'u na soli ira ki na ligadra na nodra meca, kei na ligadra era sa segata me ra vakamatei ira: ia na yagodra ka mate ena yaco me kedra na manumanu vuka, kei na manumanu ni vanua.

Jeremaia 46:26

ia ka'u na soli ira ki na ligadra era sagai ira me ra vakamatea, io ki na liga i Nepukanesa na tui Papiloni, kei na ligadra na nona tamata: ka oti, ena tawa tale me vaka e na gauna eliu, sa kaya ko Jiova.

Jeremaia 7:33

na yagodra talega na tamata oqo ena kedra na manumanu vuka, kei na manumanu ni vanua; ka sega e dua me varea tani.

Jeremaia 8:2

ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa daulakova, oqori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Jeremaia 8:8

Dou sa kaya vakacava, Keimami sa vuku, ia na vunau i Jiova sa tu vei keimami? Ia raica mada, na nodra peni lasu na vunivola sa vola ga na ka lasulasu.

Jeremaia 8:9

Era sa madua mai ko ira na tamata vuku, era sa taqaya ka tacori: raica, era sa biuta na vosa i Jiova; ia na vuku cava sa tu vei ira?

Lele i Jeremaia 3:37

E dua li sa vosa, ka sa mana na nona vosa, ni sa sega ni vakarota ko koya na Turaga?

Vunau ni Soro 26:17

Ia ka'u na rai vakatani vei kemudou, ia dou na vakamatei e na matadra na nomudou meca: a ra na lewai kemudou ko ira era sa cati kemudou; ia dou na dro ni sa sega e vakasavi kemudou.

Vunau ni Soro 26:25

ia ka'u na vakayacora vei kemudou nai seleiwau, sa na cudrutaka na veiyalayalati, ka dou na soqoni vata kina e na nomudou loma ni veikoro; ia ka'u na tala na mate ca vei kemudou; ia dou na soli ki na ligadra na meca.

Roma 3:31

Keitou sa qai vakatawayagataka na vunau e na vakabauta, se segai? E segai sara: keitou sa vakataudeitaka ga na vunau.

Roma 4:14

ni sa mai vakatawayagataki na vakabauta, ia sa ka wale talega na vosa ni yalayala, kevaka sa taukena ko ira era sa muria na vunau:

1 Samuela 17:46

E na siga oqo ena soli iko ko Jiova ki na ligaqu; ia ka'u na yaviti iko, ka tamusuka laivi na ulumu; au na solia talega na yagodra nai valu ni kai Filisitia e na siga oqo ki na manumanu vuka, kei na manumanu tawa lasa ni vanua; me ra kila ko ira kecega na kai vuravura ni sa dua na nodra kalou na Isireli: