Jeremaia 19:15 - Vakavakadewa Makawa

¹⁵ Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Ai Vola Tabu (Vakadewa Makawa Vakavoutaki 2021)

¹⁵ Sa kaya vakaoqo ko Jiova-ni-lewevuqa, na Kalou ni Isireli; “Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.”

AI VOLA TABU

¹⁵ Sa vosa vakaoqo ko Jiova ni lewe vuqa, na Kalou nei Isireli; Raica, au na vakayacora ki na koro o qo, kei na kena veikoro kecega na ca kecega kaʼu a vosa kina e na vukuna, e na vuku ni ra sa vakadomoqataki ira, me ra kakua ni rogoca na noqu vosa.

Vakavakadewa Vou kei na iVola tale eso

¹⁵ Ni sa kaya na Turaga o Jiova ni lewevuqa na nodra Kalou na Isireli. “Au na kauta mai ki na koro levu oqo kei na kena veikoro kece na i totogi au a tukuna ni'u na cakava baleta ni o ni sa rui yalo kaukauwa ka sega ni via rogoca na noqu vosa.”

Ai Vola Tabu Ena Vakavakadewa Vou

¹⁵ Ni sa kaya na Turaga ko Jiova ni lewevuqa na nodra Kalou na Isireli. “Au na kauta mai ki na koro levu oqo kei na kena veikoro kece na i totogi au a tukuna ni'u na cakava baleta ni o ni sa rui yalo kaukauwa ka sega ni via rogoca na noqu vosa.”

Jeremaia 19:15 Iomraidhean Croise

Niemaia 9:17

ka sa bese ni talairawarawa, ka sega ni nanuma na nomuni cakacaka mana ko ni a kitaka e na kedra maliwa; a ra sa vakadomoqataki ira ga, ka lesia e na nodra talaidredre e dua na turaga, ka me ra lesu kina me ra bobula tale: ia koi kemuni na Kalou sa dauviabokoca na ca, ka dauloloma ka yalovinaka, sa dauberabera ni cudru, ka levu na nomuni yalololoma, ka sega kina ni biuti ira:

Niemaia 9:29

ka vunauci ira, mo ni vakalesui ira tale mai ki na nomuni vunau: a ra sai valavala vakaviavialevu ga, ka sega ni vakarorogo ki na nomuni vunau ka ra caka cala ga ki na nomuni lewa, (o koya ena bula kina na tamata kevaka sa cakava;) ka vakasuka na tabadra, ka vakadomoqataki ira, ka sega ni vakarorogo.

Jeremaia 11:11

O koya oqo sa kaya kina ko Jiova, Raica, au na vakayacora vei ira na ca, ka ra na sega ni dro tani rawa maikina, era na qai tagi vei au, ia ka'u na sega ga ni rogoci ira.

Jeremaia 11:17

Ia ko Jiova ni lewe vuqa ko koya ka tei iko, sa kaya me yacovi iko na ca, e na vuku ni nodra ca na mataqali i Isireli kei na mataqali i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.

Jeremaia 13:11

me vaka sa kabita na tolo ni tamata nai vau, ka'u sa vakabita vakakina vei au na mataqali kecega i Isireli kei na mataqali kecega i Juta, sa kaya ko Jiova; me ra yaco me noqu tamata, me'u rogo kina, ka vakavinavinakataki, ka vakarokorokotaki: ia era bese ga ni vakarorogo.

Jeremaia 17:23

ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

Jeremaia 18:11

Ia oqo, mo vosa vei ira na Juta, kei na lewe i Jerusalemi, ka kaya, Sa kaya vakaoqo ko Jiova; Raica, au sa tulia na ca kivei kemudou, ia ka'u sa vakananuma e dua na lewa e na vukumudou: dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.

Jeremaia 19:3

ka kaya, Dou rogoca na vosa i Jiova, koi kemudou na tui Juta, kei na kai Jerusalemi; Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora na ca ki na tikina oqo, ia ko ira kecega era rogoca, ena qasikanunu kina na daligadra:

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 25:3

Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Jeremaia 25:4

Ia sa tala vei kemudou ko Jiova na nonai talatala kecega na parofita, ka sou e na mataka me tala; ia dou sa sega ni vakarorogo, se vakatu daligamudou mo dou rogoca.

Jeremaia 25:7

Ia dou a sega ni vakarorogo vei au, sa kaya ko Jiova; mo dou sa vakacudrui au kina e na cakacaka ni ligamudou mo dou ca.

Jeremaia 25:8

O koya oqo sa kaya kina vakaoqo ko Jiova ni lewe vuqa; Ni dou sa sega ni rogoca na noqu vosa,

Jeremaia 36:31

Ia ka'u na sauma vua vei ira talega na nona kawa kei ira na nona tamata na nodra i valavala ca; ia ka'u na vakayacora vei ira, kei ira na lewe i Jerusalemi, kei ira na Juta, na ca kecega ka'u sa cavuta vei ira; ia era sa sega ni vakarorogo.

Jeremaia 5:3

Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Jeremaia 6:19

Rogoca mada, na vuravura: raica, ka'u na vakayacora na ca vei ira na tamata oqo, io na vua ni nodra nanuma, ni ra sa sega ni rogoca na noqu vosa, se na noqu vunau; era sa biuta ga.

Jeremaia 7:26

ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Lele i Jeremaia 2:2

Sa tiloma kecega ko koya na Turaga na nodra i tikotiko na Jekope, ka sega ni lomana: Sa talaraka sobu ko koya e na nona cudru na bai ni valu ni goneyalewa ni Juta; Sa biuta sobu ki na qele: Sa vakacacana na matanitu kei ira na kena turaga.