Jeremaia 18:11 - Vakavakadewa Makawa

¹¹ Ia oqo, mo vosa vei ira na Juta, kei na lewe i Jerusalemi, ka kaya, Sa kaya vakaoqo ko Jiova; Raica, au sa tulia na ca kivei kemudou, ia ka'u sa vakananuma e dua na lewa e na vukumudou: dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.

Ai Vola Tabu (Vakadewa Makawa Vakavoutaki 2021)

¹¹ Ia oqo, mo vosa vei ira na Juta, kei na lewe i Jerusalemi: ka kaya, ‘Sa kaya vakaoqo ko Jiova: Raica, au sa tulia na ca kivei kemudou, ia ka'u sa vakananuma e dua na lewa e na vukumudou. Dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.’

AI VOLA TABU

¹¹ Ia o qo, mo mani vosa vei ira na kai Juta, kei na lewe i Jerusalemi, ka kaya, Sa vosa vakaoqo ko Jiova; Raica, au sa tulia na ca kei kemudou, ia kaʼu sa vakananuma e dua na lewa e na vukumudou: dou dui lesu mada mai na nomudou sala ca, ka vakavinakataka na nomudou sala kei na nomudoui valavala.

Vakavakadewa Vou kei na iVola tale eso

¹¹ Ia oqo mo tukuna vei ira na Juta kei ira mai Jerusalemi ni'u sa nakita me'u cakava na veika me vorati ira ka vakarau me'u vakaitotogitaki ira. Tukuna vei ira me ra muduka na nodra i tovo ca, me ra veisautaka na nodra i tovo kei na nodra i valavala.

Ai Vola Tabu Ena Vakavakadewa Vou

¹¹ Ia oqo mo tukuna vei ira na Juta kei ira mai Jerusalemi ni'u sa nakita me'u cakava na veika me vorati ira ka vakarau me'u vakaitotogitaki ira. Tukuna vei ira me ra muduka na nodra i tovo ca, me ra veisautaka na nodra i tovo kei na nodra i valavala.

Jeremaia 18:11 Iomraidhean Croise

Vakatekivu 11:7

tou ia mada, tou lako sobu, ka vakasesea na nodra vosa, me ra kakua kina ni veikilaki vosa.

1 Tui 22:23

Ia oqo, sa vakacuruma ko Jiova na yalo lasulasu ki na gusudra kecega na nomu parofita oqo, a sa tukuna ko Jiova, ni sa yacovi kemuni na ka ca.

2 Tui 17:13

A sa vakarota matua ko Jiova vei ira na Isireli, kei ira na Juta, e na gusudra na nona parofita kecega, kei ira kecega na rairai, ka kaya, Dou lesu mada mai na nomudou i valavala ca, ka vakabauta na noqu vunau, kei na noqu i lesilesi, me vaka na vunau kece ka'u a vakarota vei ira na nomudou qase, ka'u a tukuna talega vei kemudou e na gusudra na noqu i talatala na parofita.

2 Tui 22:13

Dou lako, dou taroga vei Jiova e na vukuqu, e na vukudra talega na tamata, e na vukudra kece talega na Juta, na vosa ni vola oqo sa qai kune, ni sa ka levu na cudru i Jiova sa waqa mai kivei keda, ni ra sa sega ni vakarorogo ki na vosa ni vola oqo ko ira na noda qase, me cakacaka me vaka na ka kecega sa volai kivei keda.

2 Tui 5:5

A sa kaya ko tui Siria, Mo vakarau, mo lako sara, ia ka'u na vola e dua nai vola mo kauta vua na tui Isireli. A sa lako yani ko koya, ka kauta vata kaya e tini na taledi siliva, ka ono na udolu na koula, kei nai sulu me rauta vakatini.

Aisea 5:5

Ia oqo; ka'u na tukuna mada vei kemudou na ka ka'u na cakava ki na noqu were-ni-vaini: au na kauta tani na kena bai soni, ena qai laukana; au na talaraka sobu na kena bai vatu, ena qai buturaki:

Aisea 57:1

Sa yali na tamata yalododonu, ka sa sega e dua sa vakasara ki lomana; ia na tamata yalololoma era sa kau tani, ka sa sega e dua sa vakananuma ni sa kau tani kina na yalododonu mai na ca sa bera mai.

Jeremaia 11:11

O koya oqo sa kaya kina ko Jiova, Raica, au na vakayacora vei ira na ca, ka ra na sega ni dro tani rawa maikina, era na qai tagi vei au, ia ka'u na sega ga ni rogoci ira.

Jeremaia 11:19

Ia koi au ka'u a vaka na lami se na pulumokau sa kau mai me vakamatei; ka'u a sega ni kila ni ra sa buki qau vere, ka vaka, Me da vakacataka na kau kei na vuana, ia me da muduki koya tani mai na vanua ni bula, me kakua ni nanumi tale na yacana.

Jeremaia 18:18

Era sa qai kaya, Me da mai bukia na vere kei Jeremaia; ni sa sega ni yali na vunau mai vua na bete, se nai vakavuvuli mai vua na vuku, se na vosa mai vua na parofita. Me da mai vakacataki koya e na yameda, ia me da kakua ni vakarorogo ki na dua na nona vosa.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 19:3

ka kaya, Dou rogoca na vosa i Jiova, koi kemudou na tui Juta, kei na kai Jerusalemi; Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora na ca ki na tikina oqo, ia ko ira kecega era rogoca, ena qasikanunu kina na daligadra:

Jeremaia 25:2

ka sa vosataka ko Jeremaia na parofita vei ira kecega na Juta, vei ira kece talega na kai Jerusalemi, ka vaka,

Jeremaia 25:5

Era daukaya, Dou dui lesu yadua edaidai mai na nonai tovo ca, kei na ca ni nonai valavala, ka tiko ga e na vanua sa solia ko Jiova vei kemudou kei ira na nomudou qase me sega ni mudu:

Jeremaia 26:13

o koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

Jeremaia 26:3

era na vakarorogo beka, ka lesu na tamata yadua mai na nonai tovo ca, me'u veivutunitaka na ca, ka'u sa nakita me'u cakava vei ira ni sa ca na nodra i valavala.

Jeremaia 3:1

Sa kainaki, Kevaka e dua na tagane sa biuta na watina, a sa lako tani vua, ka sa yaco me nona na tagane tani, ena lesu tale beka vua ko koya na tagane? ena sega beka ni vakadukadukalitaki sara kina na vanua ko ya? ia ko iko ko sa cala kei ira e lewe vuqa; ia mo lesu ga vei au, sa kaya ko Jiova.

Jeremaia 3:22

Dou lesu mai, na gone sa dauvuki, ka'u na buluta na nomudou dauvuki. Mo ni raica, keimami sa lako mai vei kemuni; ni sai kemuni ko Jiova na neimami Kalou.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 36:3

Era na rogoca beka ko ira na mataqali i Juta na ca kecega ka'u sa nakita me'u cakava vei ira; me ra dui lesu kina ko ira yadua mai na nona sala ca; ia me'u bokoca kina na nodra caka cala kei na nodra i valavala ca.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 4:1

Kevaka ko na lesu mai, na Isireli, sa kaya ko Jiova, mo lesu mai vei au: ia kevaka ko na biuta tani na nomu ka vakasisila e mataqu, ko na qai sega ni lako tani:

Jeremaia 4:14

Mo vuya tani na ca mai na lomamu, Jerusalemi, mo bula kina. A cava na kena dede me tiko e lomamu na nanuma ca?

Jeremaia 4:23

Au a raici vuravura, ka raica, sa sega ni vakarautaki, ka sa lala tu, kei na lomalagi, ka sa sega na kena rarama.

Jeremaia 4:6

Dou vakarewataka na kuila vaka ki Saioni: dou dro, kakua ni berabera: ni'u na vakayacora mai na tokalau, na ka ca kei na veivakarusai levu.

Jeremaia 51:11

Dou vagatara na gasau; kumuna vata nai sasabai: sa vakauqeta ko Jiova na yalodra na tui Mitia: ni sa nanumi Papiloni ko koya, me vakarusa; ni sa kena veisausaumi i Jiova oqo, na nona cudrutaka na nona vale tabu.

Jeremaia 7:3

Sa kaya vakaoqo ko Jiova ni lewe vuqa, na Kalou ni Isireli, Dou cakava me vinaka na nomudou i tovo kei na nomudou i valavala, ka'u na qai lesia mo dou tiko ga e na yasana oqo:

Isikeli 13:22

Ka ni dou a vakararawataka na lomana na yalododonu e na nomudou lasu, ia koi au, ka'u a sega ni vakararawataka; ka dou sa vakaukauwataka na ligana na tamata ca, me kakua ni lesu mai ko koya mai na nonai valavala ca, ni dou sa yalataka vua na bula:

Isikeli 18:23

Me'u vinakata vakalailai na nona mate na tamata ca, sa kaya na Turaga ko Jiova: au sega beka ni vinakata cake ni sa saumaki ko koya mai na nona sala ca, ka me bula?

Jona 3:8

ia me ra vakaisulu e nai sulu taga na tamata kei na manumanu, ka tagi sara vua na Kalou: ka me ra dui lesu talega ko ira yadua mai na nonai tovo ca, ka mai nai valavala kaukauwa talega sa ra dauia e na ligadra yadua.

Maika 2:3

O koya oqo sa kaya kina ko Jiova; Raica, au sa bukia na kedra ca na mataqali oqo, dou na sega ni kauta rawa maikina na domomudou; dou na sega talega ni lako voli vakaviavialevu: ni sa gauna ca oqo.

Sakaraia 1:3

O koya oqo mo kaya kina vei ira, Sa kaya vakaoqo ko Jiova ni lewe vuqa; Dou lesu mai vei au, sa kaya ko Jiova ni lewe vuqa, au na qai lesu vei kemudou, sa kaya ko Jiova ni lewe vuqa.

Cakacaka 26:20

ia ka’u sa tukuna mada eliu vei ira mai Tamasiko, kei Jerusalemi, kei na yasayasa kece vaka-Jutia, vei ira talega na veimatanitu tani, me ra veivutuni ka saumaki mai kivua na Kalou, ka kitaka nai valavala e kilikili kei na veivutuni.

Jemesa 4:13

Dou lako mai, oi kemudou sa daukaya, Edaidai se na mataka eda na lako ki na koro ko ya, ka tiko kina ka yabaki dua, ka veivoli kina, ka rawata nai yau:

Jemesa 5:1

Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.