Jeremaia 17:4 - Vakavakadewa Makawa

⁴ Ia ko iko talega, ko na kua so ni tiko e na nomu i tikotiko ka'u a solia vei iko, ia ka'u na lewai iko mo qaravi ira na nomu meca e na vanua ko sa lecava: ni sa dua na buka dou sa tutuvaka e na noqu cudru, ena waqa ka sega ni mudu.

Ai Vola Tabu (Vakadewa Makawa Vakavoutaki 2021)

⁴ Ia ko iko talega, ko na kua so ni tiko e na nomu i tikotiko ka'u a solia vei iko, ia ka'u na lewai iko mo qaravi ira na nomu meca e na vanua ko sa lecava, ni sa dua na buka dou sa tutuvaka e na noqu cudru, ena waqa ka sega ni mudu.”

AI VOLA TABU

⁴ Ia ko iko talega, ko na kua so ni tiko e na nomui tikotiko kaʼu a solia vei iko, ia kaʼu na cakavi iko mo qaravi ira na nomu meca e na vanua ko sa lecava: ni sa dua na buka dou sa tutuvaka e na noqu cudru, ena waqa ka tawa mudu.

Vakavakadewa Vou kei na iVola tale eso

⁴ O ni na biuta tu mai na nomuni vanua au a solia vei kemuni. Au na cakava mo ni qaravi ira na kemuni meca ena dua na vanua o ni sega ni kila, baleta ni sa vaka na buka na noqu cudru, ena kama tiko ka tawa mudu.

Ai Vola Tabu Ena Vakavakadewa Vou

⁴ O ni na biuta tu mai na nomuni vanua au a solia vei kemuni. Au na cakava mo ni qaravi ira na kemuni meca ena dua na vanua o ni sega ni kila, baleta ni sa vaka na buka na noqu cudru, ena kama tiko ka tawa mudu.

Jeremaia 17:4 Iomraidhean Croise

1 Tui 9:7

au na qai muduki ira tani na Isireli mai na vanua ka'u a solia vei ira; ia na vale oqo ka'u sa vakatabuya ki na yacaqu, au na biuta tani e mataqu; ena daucavuti talega e nai bole ko ira na Isireli, ka na vosabecitaki vei ira na veimatanitu kecega:

2 Tui 25:21

A sa mokuti ira ko tui Papiloni, ka vakamatei ira mai Ripila e na vanua ko Emaci. A sa kau vakabobula tani ko ira na Juta mai na nodra vanua.

Niemaia 9:28

Ia ni ra sa vakacegu oti, era sa caka ca tale e matamuni: o koya ko ni a laivi ira kina ki na liga ni nodra meca, a ra sa veitalia vei ira: ia ni ra sa saumaki mai, ka tagi vei kemuni, ko ni a rogoca mai lomalagi; ia ko ni a vakabulai ira vakavuqa, me vaka na nomuni loloma;

Aisea 14:3

Ia ena yaco e na siga sa vakacegui iko kina ko Jiova mai na nomu rarawa, kei na nomu rere, kei na oca dredre ka lavaki vei iko,

Aisea 30:33

Ni sa vakarautaki mailiu ko Tofeci: io, sa vakarautaki oqori me nona na tui; sa cakava me titobu ka rabailevu; a kenai binibini bukawaqa kei na buka droka sa levu; ai cegu i Jiova me vaka na sulifure sa dave tu, ena tutuvaka.

Aisea 5:25

O koya oqo sa waqa kina na cudru i Jiova vei ira na nona tamata, ka sa dodoka yani na ligana vei ira, ka cudruvi ira: ka sa sautaninini na ulu-ni-vanua, ia na yagodra ka mate no sa vaka na soqosoqo e loma ni saqata ni koro. Ia ni sa caka kece oqo sa sega ni mudu kina na nona cudru, sa dodo tikoga na ligana.

Aisea 50:11

Raica, koi kemudou kece sa tutuvaka na buka, ka vauci kemudou e na lidi ni bukawaqa: dou lako voli ga e na rarama ni nomudou bukawaqa, kei na lidi ni bukawaqa dou sa tutuvaka. Dou na rawata na ka oqo; mai na ligaqu; dou na koto sobu ga e na rarawa.

Aisea 66:24

A ra na lako yani, ka raica na yago ni tamata era sa mate era vuki tani vei au: ni na sega ni mate na kedra baca, ena sega talega ni bokoci na kedra bukawaqa; ka ra na ka vakasisila vei ira na tamata kecega.

Jeremaia 12:7

Au sa biuta na noqu vale, au sa vakalaiva na noqu i votavota; au sa soli koya ka'u sa lomana e na vu ni yaloqu ki na ligadra na nona meca.

Jeremaia 15:14

ia ka'u na vakauti kemudou kei na nomudou meca ki na vanua dou sa sega ni kila: ni sa dua na buka sa tutuvaki e na noqu cudru, ena kati kemudou.

Jeremaia 16:13

o koya oqo ka'u na biuti kemudou tani kina e na vanua oqo ki na vanua dou sa sega ni kila, se koi kemudou se ko ira na nomudou qase; ia dou na qaravi ira na kalou tani maikea e na siga kei na bogi; ka'u na sega ni lomani kemudou maikina.

Jeremaia 18:23

Io koi kemuni, Jiova, ko ni sa kila kece na nodra veretaki au me'u mate: mo ni kakua ni buluta na nodra caka cala, ia na nodra i valavala ca mo ni kakua ni bokoca tani mai na matamuni, ia me ra vakabalei sobu ga e matamuni; mo ni vakayacora vei ira e na gauna ni nomuni cudru.

Jeremaia 2:14

Sa bobula beka ko Isireli? se na luve ni bobula beka ko koya? a cava sa qai vakacacani kina?

Jeremaia 21:12

koi kemudou na mataqali i Tevita, sa kaya vakaoqo ko Jiova: Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani, na noqu cudru me vaka na bukawaqa, ka sa waqa tiko, me sega e dua e bokoca, e na vuku ni kena ca na nomudou i valavala.

Jeremaia 22:28

Sa dua beka na matakau beci ka cataki na tamata oqo ko Konaia? se dua na bilo sa sega ni vinakati? a cava era sa biu tani kina ko koya kei na nona kawa, ka vakasevi ki na vanua eratou sa sega ni kila?

Jeremaia 5:19

Ia ena yaco, ni dou na kaya, A cava sa cakava kina na ka kece oqo vei keda ko Jiova na noda Kalou? Mo qai kaya vei ira, Me vaka dou sa biuti au, ka qarava na kalou tani e na nomudou vanua, ena vakakina, dou na qarava na kai tani e na vanua sa sega ni nomudou.

Jeremaia 5:29

Me'u sega beka ni sauma na veika oqo? sa kaya ko Jiova: ia me'u sega beka ni cudruvi ira na matanitu sa vakaoqo?

Jeremaia 7:20

O koya sa kaya kina na Turaga ko Jiova; Raica, na noqu cudru, ia na noqu cudru waqawaqa ena sova yani ki na yasana oqo, ki na tamata, kei na manumanu, kei na kau ni vanua, kei na vuata ni vanua; ia ena kama, ka sega ni bokoci.

Lele i Jeremaia 1:12

Sa ka wale beka vei kemudou koi kemudou kece sa lako voli yani? Dou mai raica, ka kila se dua na rarawa sa vaka na noqu rarawa, sa caka vei au, Ni sa qai vakararawataki au ko Jiova e na siga ni nona cudru katakata.

Lele i Jeremaia 5:2

A neimami vanua, sa soli me nodra na kai tani; A neimami veivale, sa soli me nodra na vulagi.

Isikeli 21:31

Ia ka'u na sovaraka vei iko na noqu cudru, ka'u na uvuci iko e na bukawaqa ni noqu cudru, ka soli iko ki na ligadra na dauvakacaca, era daukila na veivakarusai.

Isikeli 7:24

O koya oqo ka'u na kauti ira mai era ca sara vei ira na iceni, a ra na taukena na nodra veivale: ia ka'u na vakaotia na nodra viavialevu na kaukauwa: ena vakacacani talega na nodra veiyasana tabu.

Vakarua 28:25

Ena soli kemuni ko Jiova mo ni moku e na matadra na nomuni meca; ko ni na lako yani e na dua na sala me vala kei ira, ka kubu e na sala e vitu e matadra: ia ko ni na veikauyaki ki na matanitu kecega e vuravura.