Jeremaia 17:3 - Vakavakadewa Makawa

³ Ko iko na noqu ulu-ni-vanua mai vanua, na nomu i yau, kei na nomu ka talei kece ka'u na solia me tokitaki ga, ia na nomu veiyasana cecere sa ia kina nai valavala ca, e na nomu i yalayala kecega.

Ai Vola Tabu (Vakadewa Makawa Vakavoutaki 2021)

³ Ko iko na noqu ulunivanua mai vanua, na nomu i yau, kei na nomu ka talei kece ka'u na solia me tokitaki ga, ia na nomu veiyasana cecere sa ia kina nai valavala ca, e na nomu i yalayala kecega.

AI VOLA TABU

³ Noqu ulu-ni-vanua mai lekutu, na nomui yau, kei na nomu ka talei kece kaʼu na solia me tokitaki ga, ia na nomu veiyasana cecere mei valavala ca kina, e na nomui yalayala kecega.

Vakavakadewa Vou kei na iVola tale eso

³ Kei na dela ni veiulunivanua, ena loma ni vanua. Au na solia vei ira na nomuni meca me ra tokitaka na nomuni yau kei na nomuni veika talei me baleta na veivalavala ca o ni sa vakayacora ena nomuni vanua.

Ai Vola Tabu Ena Vakavakadewa Vou

³ Kei na dela ni veiulunivanua, ena loma ni vanua. Au na solia vei ira na nomuni meca me ra tokitaka na nomuni yau kei na nomuni veika talei me baleta na veivalavala ca o ni sa vakayacora ena nomuni vanua.

Jeremaia 17:3 Iomraidhean Croise

2 Tui 24:13

A sa kauta tani maikea nai yau kecega mai na vale i Jiova, kei nai yau mai na vale ni tui, ka tamusuka nai yaya koula kecega ka cakava ko Solomoni na tui Isireli e na vale i Jiova, me vaka ka kaya ko Jiova.

NA SAME 78:58

A ra sa vakacudrui koya e nodra veiyasana cecere, Ka vakauqeta na nona vuvu e na vuku ni nodra matakau ceuceu.

Aisea 27:9

E na ka oqo ena sava tani kina na caka cala i Jekope; ia oqo na vuana kecega me na kauta tani na nonai valavala ca; ni sa cakava ko koya na vatu kecega ni cabocabo-ni-soro me tautauvata kei na lase sa kakavorovoro, me sega ni tu cake tale na matakau i Asetoreci kei na mata-ni-siga.

Jeremaia 12:12

era sa lako mai ki na veitikina cecere kecega mai veikau ko ira na dauvakacaca: ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua: ena sega e dua na tamata me vakacegu.

Jeremaia 15:13

na nomu i yau kei na nomu ka talei ka'u na solia ga me tokitaki wale, me sega na kenai voli, io e na vuku ni nomu i valavala ca kecega e na nomu i yalayala kecega:

Jeremaia 20:5

Ia ka'u na solia na kaukauwa kecega ni koro oqo, kei na kena cakacaka kecega, kei na kena ka talei kecega, io, na nodra i yau kece talega na tui Juta ka'u na solia ki na liga ni nodra meca, a ra na tokitaka, ka taura, ka kauta ki Papiloni.

Jeremaia 21:13

Raica, au sa veivala kei iko, ko iko sa tiko e na buca, e na uluvatu ni buca, sa kaya ko Jiova; koi kemudou ka kaya, Ko cei ena lako sobu mai me veivala kei keimami? se ko cei me mai curu ki na neimami tikotiko?

Jeremaia 26:18

Ko Maika na kai Moreseci, sa ia na parofisai e na gauna i Esekaia na tui Juta, ka sa vosa vei ira kece na Juta, ka kaya, Sa vosa vakaoqo ko Jiova ni lewe vuqa; Ko Saioni, ena cukiti me vaka na were; kei Jerusalemi ena yaco me bukebuke walega; kei na ulu-ni-vanua ni vale tabu, ena vaka na veitikina cecere ni veikau.

Lele i Jeremaia 1:10

Sa dodoka na ligana na meca me taura na nona ka domoni kecega: Ni sa raici ira na iceni ko koya ni ra sa curu ki na nona vale tabu, Io ko ira ko a vakatatabuya me ra kakua ni curu ki na nomuni soqosoqo.

Isikeli 16:39

ka'u na soli iko talega ki na ligadra, ka ra na talaraka sobu na nomu bure cecere, ka basuka sobu na nomu veiyasana cecere: ka ra na luvata tani vei iko na nomu i sulu, ka kauta tani na nomu i yaya vakaiukuuku, ka biuti iko mo luvawale tu ka sega ni vakaisulu:

Isikeli 23:46

Ni sa kaya vakaoqo na Turaga ko Jiova; Au na kauta cake mai kivei rau e dua nai vavakoso, ka soli rau me rau kau tani ka vakacacani.

Isikeli 6:3

ka kaya, Oi kemudou na veiulu-ni-vanua ni Isireli, dou rogoca na vosa ni Turaga ko Jiova; Sa kaya vakaoqo na Turaga ko Jiova ki na veiulu-ni-vanua, kei na veiulu-ni-koro, ki na veiuciwai, kei na veibuca; Raica, oi au, ka'u na vakayacora vei kemudou nai seleiwau, ia ka'u na vakarusa na nomudou veiyasana cecere;

Vunau ni Soro 26:30

Au na vakarusa talega na nomudou veitikina cecere, ka taya sobu na nomudou veimatakau e vaka na mata-ni-siga, ka biuta na yagomudou ni sa mate ki dela ni yagodra na nomudou matakau: ia ena cati kemudou na yaloqu.

Maika 3:12

O koya oqo ena cukiti kina ko Saioni me vaka na were e na vukumudou, ia ko Jerusalemi ena yaco me bukebuke walega, kei na ulu-ni-vanua ni vale tabu ena vaka na veitikina cecere ni veikau.

Sefanaia 1:13

Ia na nodra i yau ena tauri mei toki ni valu, kei na nodra veivale sa na rusa: ka ra na tara vale, ka ra na sega ni tiko kina; ka ra na tea na veiwere-ni-vaini, ka ra na sega ni gunuva na kena waini.