Jeremaia 17:23 - Vakavakadewa Makawa

²³ ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

Ai Vola Tabu (Vakadewa Makawa Vakavoutaki 2021)

²³ Ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

AI VOLA TABU

²³ ia ka ra sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se vakavulici.

Vakavakadewa Vou kei na iVola tale eso

²³ Era a sega ni vakarorogo, se talairawarawa vei au na nodra qase. Ia era a yalo kaukauwa; era sega ni via talairawarawa vei au se vuli mai vei au.

Ai Vola Tabu Ena Vakavakadewa Vou

²³ Era a sega ni vakarorogo, se talairawarawa vei au na nodra qase. Ia era a yalo kaukauwa; era sega ni via talairawarawa vei au se vuli mai vei au.

Jeremaia 17:23 Iomraidhean Croise

NA SAME 50:17

Ni ko sa cata tiko nai vakavuvuli, Ka sa biuta ki dakumu na noqu vosa.

Vosavakaibalebale 1:3

Me rawa kina nai vakavuvuli ni vuku, Kei na yalododonu, kei na lewa, kei na cakacaka dodonu;

Vosavakaibalebale 1:5

Ena vakarorogo na lomavuku, ka na tubu cake kina na nona vuku; Ia na tamata daukila ka, ena rawata nai vakavuvuli vuku:

Vosavakaibalebale 29:1

O koya sa dauvunauci ia sa vakadomoqataki koya, Ena vakarusai vakasauri, ka sega na ka me bula kina.

Vosavakaibalebale 5:12

Ka kaya, Ulei! ni'u a cata na veivakatavulici, Ka beca na vunau na lomaqu;

Vosavakaibalebale 8:10

Dou vinakata na noqu i vakavuvuli, ka cata na siliva; Kei na vuku, ka cata na koula talei;

Aisea 48:4

Ni'u a kila ni ko sa yalokaukauwa, ni sa dali aironi na domomu, ka parasa na yadremu;

Jeremaia 11:10

era sa lesu tani ki nai valavala ca ni nodra qase eliu, era sa bese ni vakarogoca na noqu vosa, ka ra sa muria ga na kalou tani, me ra qaravi ira: era sa vakacacataka, ko ira na mataqali i Isireli kei na mataqali i Juta, na noqu veiyalayalati o koya ka'u a cakava kei ira na nodra qase.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 5:3

Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Jeremaia 6:8

Mo vakavulici mada, Jerusalemi, de lako tani vei iko na yaloqu; de'u vakalalataki iko mo vanua e sega ni tawa.

Jeremaia 7:28

Ia mo kaya vei ira, Oqo na matanitu sa sega ni vakarorogo ki na vosa i Jiova na nodra Kalou, ka ra bese ni vakavulici: sa oti na vosa dina, ka sa mudu mai na gusudra.

Isikeli 20:13

Ia sa talaidredre vei au na mataqali ni Isireli mai na vanua liwa lala; ka ra sega ni muria na noqu vunau, ka ra sa beca na noqu lewa, o koya ke cakava e dua na tamata, ena bula kina; ia na noqu siga tabu era sa vakacacana sara: au a qai kaya, Au na sovaraka na noqu cudru vei ira e na vanua liwa lala, me'u vakarusai ira.

Isikeli 20:16

ka ni ra sa beca na noqu lewa, ka ra sega ni muria na noqu vunau, ka ra vakacacana na noqu siga tabu: ia e na lomadra era sa goleva na nodra matakau.

Isikeli 20:21

Ia ka sa talaidredre vei au ko ira na luvedra: ka ra sega ni muria na noqu vunau, ka ra sega ni vakabauta na noqu lewa, me ra cakava, ia ke sa cakava e dua na tamata, ena bula kina; era sa vakacacana talega na noqu siga tabu; au a qai kaya, Au na sovaraka na noqu cudru vei ira, me'u vakayacora na noqu cudru vei ira e na vanua liwa lala.

Sefanaia 3:7

Au a kaya, Ko na rerevaki au ga, ko na vakavulici; me kakua kina ni muduki tani na nodra i tikotiko, me vaka na ka kece ka'u a lesia me yaco vua: e na mataka ga era souta, era sa cakava kecega na nodra cakacaka me ca.

Cakacaka 7:51

Oi kemudou na yalokaukauwa, ka sega ni cili na yalomudou, kei na daligamudou, dou sa dauvorata tikoga na Yalo Tabu; ia koi kemudou dou sa kitaka me vakataki ira na nomudou qase.

Dauveilewai 6:10

ia ka'u a kaya vei kemudou, Koi au ko Jiova na nomudou Kalou; kakua ni rerevaki ira na nodra kalou na Amoraiti, a nodra vanua dou sa tiko kina: ia dou sa sega ni vakarorogo ki na noqu vosa.