Jeremaia 17:2 - Vakavakadewa Makawa

² ni ra sa nanuma tiko ko ira na luvedra na nodra i cabocabo-ni-soro kei na nodra kalou yalewa e ruku ni kau bulabula mai na veiulu-ni-vanua.

Ai Vola Tabu (Vakadewa Makawa Vakavoutaki 2021)

² ni ra sa vakananuma tiko ko ira na luvedra na nodra i cabocabo-ni-soro kei na nodra kalou yalewa e na ruku ni kau bulabula mai na veiulunivanua.

AI VOLA TABU

² ni ra sa nanuma tiko ko ira na luvedra na nodrai cabocabo-ni-soro kei na nodra kalou alewa e ruku ni kau bulabula mai na veiulu-ni-vanua.

Vakavakadewa Vou kei na iVola tale eso

² Era sa nanuma tiko na luvemuni na veicabocabonisoro kei na veiduru tabu era a vakaduri cake vua na kalou yalewa o Asera ena veivunikau drokadroka, ena veidelana,

Ai Vola Tabu Ena Vakavakadewa Vou

² Era sa nanuma tiko na luvemuni na veicabocabonisoro kei na veiduru tabu era a vakaduri cake vua na kalou yalewa o Asera ena veivunikau drokadroka, ena veidelana,

Jeremaia 17:2 Iomraidhean Croise

2 Veigauna 24:18

Ka ra sa biuta na vale i Jiova na Kalou ni nodra qase, ka qaravi ira na kalouyalewa ni veikau kei na matakau; ka sa yaco na cudru kivei ira na Juta kei ira mai Jerusalemi e na vuku ni nodra caka cala oqo.

2 Veigauna 33:19

A nona masu talega, kei na nona vakarogoci, kei na nonai valavala ca kecega, kei na nona caka cala, kei na veiyasana sa tara kina ko koya na veitikina cecere, ka vakaduria kina na kalouyalewa ni veikau kei na matakau ceuceu, ni sa bera ni vakamalumalumutaki koya; raica, sa volai vata kei na nodra vosa na rairai.

2 Veigauna 33:3

Ni sa tara tale ko koya na veiyasana cecere ka basuka sobu ko Esekaia na tamana, ka sa vakaduria nai cabocabo-ni-soro me nodra na Peali, ka cakava eso na kalouyalewa ni veikau, ka sorova na kalokalo kecega ni lomalagi, ka qaravi ira.

NA SAME 78:58

A ra sa vakacudrui koya e nodra veiyasana cecere, Ka vakauqeta na nona vuvu e na vuku ni nodra matakau ceuceu.

Lako Yani 34:13

ia mo dou vakacacana na nodra i cabocabo-ni-soro, ka musumusuka na nodra matakau, ka taya laivi na nodra kalouyalewa ni veikau:

Aisea 1:29

Ni ra na maduataka na oki dou sa daudomona, dou na taqaya talega e na vuku ni veiwere dou sa digitaka.

Aisea 17:8

Ia ena sega ni goleva ko koya nai cabocabo-ni-soro, na cakacaka ni ligana, se rai ki na ka sa cakava nai qaqalo ni ligana, se na matakau i Aseteroci, se na matakau ni mata-ni-siga.

Jeremaia 2:20

Ka'u a musuka mailiu na kemui vua, ka drutia na kemui vau; ia ko a kaya, Au na sega ni talaidredre; ia e na ulu-ni-koro cecere kecega kei na ruku ni kau bulabula kecega ko sa lako sese kina, ka ia na dautagane.

Jeremaia 3:23

E dina sa ka lasu na veiyasana cecere, na ulu-ni-vanua e vuqa; e dina sa maivei Jiova na neimami Kalou na neimami bula na Isireli.

Jeremaia 3:6

A sa kaya vei au ko Jiova e na gauna i Josaia na tui, Ko sa raica li na ka sa cakava ko Isireli na dauvuki? sa lako ko koya ki na ulu-ni-vanua kecega kei na ruku ni kau bulabula kecega, ka sa ia kina na dautagane.

Jeremaia 7:18

na gone, era ca buka; na tamadra, era tutuvaka na buka; ko ira na yalewa, era natuka na madrai droka, me ra cakava na kena keki na ranadi ni lomalagi, ka ra sova nai sevu me medra na kalou tani, me ra vakacudrui au.

Isikeli 20:28

Ia ni'u a kauti ira ki na vanua, ka'u a dulaka cake kina na ligaqu me'u solia vei ira, era sa qai raica na veiulu-ni-koro cecere kecega, kei na kau rugurugua kecega, a ra vakacabora maikea na nodra i soro, kei na nodra i madrali talega sa ka ni veivakacudrui: ka ra sa tauca maikea na nodra ka boi vinaka, ka sova maikea na nodra i sevu.

Vakarua 12:2

Mo ni vakacacana sara na tikina kecega era a qarava kina na nodra kalou na veimatanitu kemuni na taukena, e dela ni veiulu-ni-vanua cecere, kei na dela ni veivanua cecere, kei na ruku ni kau drokadroka kecega:

Dauveilewai 3:7

Ia era sa kitaka na ka ca e na mata i Jiova ko ira na Isireli, ka guilecavi Jiova na nodra Kalou, ka qaravi ira na Peali kei ira na kalouyalewa ni veikau.