Jeremaia 17:13 - Vakavakadewa Makawa

¹³ Koi kemuni Jiova, era dauvakararavi kina na Isireli, ko ira kece era biuti kemuni era na madua ga, ko ira era lako tani vei au era na volai ga e na qele, ka ni ra sa biuti Jiova na mata-ni-wai bula.

Ai Vola Tabu (Vakadewa Makawa Vakavoutaki 2021)

¹³ Koi kemuni Jiova, era dauvakararavi kina na Isireli, ko ira kece era biuti kemuni era na madua ga; ko ira era lako tani mai vei kemuni era na volai ga e na qele, ka ni ra sa biuti Jiova na mata-ni-wai bula.

AI VOLA TABU

¹³ O iko Jiova, era dauvakararavi kina na Isireli, o ira kece era biuti iko era na madua ga, o ira era lako tani vei au era na volai ga e na qele, e na vuku ni ra sa biuti Jiova na mata-ni-wai bula.

Vakavakadewa Vou kei na iVola tale eso

¹³ O Jiova na i nuinui i Isireli; O ira kece era biuti koya Era na vakamaduataki. Era na yali Me vaka na yaca era volai Ena dela ni qele Baleta ni ra sa vakanadakuya na Turaga Na i vurevure ni wai ni bula.

Ai Vola Tabu Ena Vakavakadewa Vou

¹³ Ko Jiova na i nuinui i Isireli; O ira kece era biuti koya Era na vakamaduataki. Era na yali Me vaka na yaca era volai Ena dela ni qele Baleta ni ra sa vakanadakuya na Turaga Na i vurevure ni wai ni bula.

Jeremaia 17:13 Iomraidhean Croise

NA SAME 22:4

Sa vakararavi vei kemuni ko ira na tama i keimami. E ra a vakararavi vei kemuni, ia ko ni a vakabulai ira.

NA SAME 69:29

Ia koi au ka'u sa malumalumu ka rarawa: Me vakatoroi au ki cake, na bula sa maivei kemuni na Kalou.

NA SAME 71:5

Ni sai kemuni ga, na Turaga Jiova, ka'u sa nuinui tiko kina: Oi kemuni ga ka'u a vakararavi kina ni'u a cauravou ka yacova na gauna oqo.

NA SAME 73:27

Raica, era na rusa ko ira kecega era sa tiko vakayawa vei kemuni: O ni sa vakarusai ira kecega era sa biuti kemuni me ra gole tani.

NA SAME 97:7

Me ra vakamaduataki ko ira kecega era sa qarava na matakau ceuceu, O ira sa daudokai ira e na matakau: Dou cuva vua, na kalou kecega.

Vosavakaibalebale 10:7

A kedrai nanumi na yalododonu sa ka ni veivakalougatataki: Ia na yacadra nai valavala ca ena rusa ga.

Vosavakaibalebale 14:14

O koya sa suka tani tale na lomana ena vakamamautaki e na nonai valavala: Ia ena vu maivei koya na tamata vinaka na nona vakacegui.

Aisea 1:28

Ia na nodra rusa na dautalaidredre kei ira nai valavala ca ena yaco vata ga, ia ko ira era sa biuti Jiova era na vakarusai.

Aisea 66:5

Dou rogoca na vosa i Jiova, koi kemudou sa rerevaka na nona vosa; Ko ira na wekamudou, ka cati kemudou, ka biuti kemudou tani e na vuku ni yacaqu, era sa kaya, Me vakarokorokotaki ko Jiova: ia ena rairai ga ko koya mo dou reki kina, ka ra na madua ga ko ira.

Jeremaia 14:8

Kemuni ga era dauvakararavi kina na Isireli, na nodra i vakabula e na gauna ni rarawa, e na vuku ni cava ko ni sa vaka na vulagi e na vanua, ka vaka na tamata sa daulako tu sa tiko walega me moce e na bogi?

Jeremaia 17:17

Mo ni kakua ni vakadomobulataki au: koi kemuni ga ka'u sa vakararavi kina e na siga ca.

Jeremaia 17:18

Me ra vakamaduataki ko ira era vakacacani au, ia me'u kakua ni vakamaduataki koi au me ra taqaya ko ira, ia me'u kakua ni taqaya koi au: mo ni vakayacora vei ira na siga ca, ia mo ni vakarusai ira e na rusa vakarua.

Jeremaia 17:5

Sa kaya vakaoqo ko Jiova; Ena ca na tamata sa vakararavi ki na tamata, ka sa goleva na liga ni tamata, ka sa lako tani maivei Jiova na lomana:

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 2:13

ni sa rua na ka ca era sa cakava, ko ira na noqu tamata; era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca, ka sa lu tikotikoga.

Jeremaia 2:17

A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Jeremaia 50:7

Ko ira kece sa kunei ira, era sa kani ira ga: ia na nodra meca era sa kaya, Keimami sa sega ni cala! ni ra sai valavala ca vei Jiova, nai tikotiko ni lewa dodonu, io, vei Jiova o koya era a vakararavi kina ko ira na nodra qase.

Isikeli 13:9

Ia na ligaqu ena tarai ira na parofita era sa raica na ka wale, ka vosataka na vosamana lasu: era na sega ni tiko e na nodra i soqosoqo na noqu tamata, era na sega talega ni volai e nai vola ni mataqali ni Isireli, era na sega talega ni curu ki na nodra vanua na Isireli; ia dou na kila ni sai au na Turaga ko Jiova.

Isikeli 16:63

mo nanuma kina, ka mo taqaya, ka sega ni rawa tale ni dalaga e na vuku ni nomu madua, ni'u sa bokoca kecega na ka ca ko sa cakava oti, sa kaya na Turaga ko Jiova.

Isikeli 36:32

Dou kila mada, ni ka'u sa sega ni cakava na ka oqo e na vukumudou, sa kaya na Turaga ko Jiova: dou madua ka taqaya e na vuku ni nomudou i valavala, koi kemudou na mataqali i Isireli.

Taniela 12:2

Ia era lewe vuqa vei ira sa moce e na kuvu-ni-soso era na yadra, eso vei ira me ra bula ka sega ni mudu, ka so vei ira me ra madua ka beci ka sega ni mudu.

Joeli 3:16

Ia ko Jiova ena kurukuru mai Saioni, ka na tabalaka na domona mai Jerusalemi; ena yavavala talega na lomalagi kei vuravura: ia ko Jiova ena nodra i drodro na nona tamata, kei na nodra koro kaukauwa na Isireli.

Sakaraia 13:1

E na siga ko ya ena vure cake e dua na mata-ni-wai dauvure vei ira na mataqali i Tevita, kei ira na kai Jerusalemi, me vuivui ni valavala ca kei na tawa savasava.

Sakaraia 9:12

Dou lesu mai ki na koro vakabai, oi kemudou sa vesuki ka nuinui tiko: io, e na siga oqo ka'u sa tukuna ni ka'u na solia vei iko e rua nai votavota;

Luke 10:20

Ia dou kakua ni reki e na ka oqo, ni sa guca vei kemudou ko ira na yalo; oqo ga mo dou reki kina, ni sa volai na yacamudou mai lomalagi.

Joni 4:10

Sa vosa ko Jisu ka kaya vua, Kevaka ko sa kila nai solisoli ni Kalou, kei koya talega sa kaya vei iko, Solia mai vei au meu gunu; ko sa qai kerea vua, ka na solia vei iko ko koya na wai bula.

Joni 4:14

ia ko koya sa gunuva na wai kau na solia vua, ena sega sara ni via gunu ka tawa mudu: ia na wai kau na solia vua, ena tu e na lomana me mata-ni-wai sa tovure ki na bula tawa mudu.

Cakacaka 28:20

O koya oqo ka’u sa vakasoqoni kemudou vata kina, mo dou raici au ka vosa kina vei au ni’u sa vesu e na sinucodo oqo e na vuku ni nodrai nuinui na Isireli.

1 Timoci 1:1

Koi au ko Paula, nai apositolo i Jisu Karisito, e nai lesilesi ni Kalou na nodai Vakabula, ko Jisu Karisito, na vu ni nodai nuinui;

Vakatakila 20:15

Ia sa biu ki na drano bukawaqa ko koya yadua sa sega ni volai e nai vola ni bula.

Vakatakila 21:6

A sa kaya vei au ko koya, Sa caka oti. Oi au na Alifa kei na Omeka, na kenai vakatekivu kei na kenai vakataotioti. Au na solia walega vua sa viagunu, mai nai vurevure ni wai ni bula.

Vakatakila 22:1

Sa qai vakatakila mai vei au ko koya na uciwai ni bula, sa makare sese sara me vaka na karisitala na kena wai, sa drodro mai nai tikotiko-vakaturaga ni Kalou kei na Lami.

Vakatakila 22:17

A sa kaya na Yalo Tabu, kei koya talega na watina-yalewa, Lako mai. Me kaya talega ko koya sa rogoca, Lako mai. Ia me lako mai ko koya sa viagunu. O koya sa vinakata, me mai gunuva walega na wai ni bula.

Vakatakila 7:17

Ni na vakani ira na Lami sa tiko e na loma ni tikotiko-vakaturaga, ka na tuberi ira ki nai vurevure ni wai bula: ia ena tavoya kecega na Kalou na wai ni mata mai na matadra.