Jeremaia 17:11 - Vakavakadewa Makawa

¹¹ Me vaka na toa ni veikau sa saulaka na yaloka sa sega ni vakalutuma; sa vakakina ko koya sa kumuna nai yau, ka segai e nai valavala dodonu, ena laiva ga ko koya e na veimama ni nona bula, ia e na kenai otioti ena tamata lialia ga.

Ai Vola Tabu (Vakadewa Makawa Vakavoutaki 2021)

¹¹ Me vaka na toa ni veikau sa saulaka na yaloka sa sega ni vakalutuma, sa vakakina ko koya sa kumuna nai yau, ka segai e nai valavala dodonu; ena laiva ga ko koya e na veimama ni nona bula, ia e na kenai cavacava ena tamata lialia ga.

AI VOLA TABU

¹¹ Me vaka na toa ni veikau sa saulaka na yaloka sa sega ni vakasucuma; sa vakakina ko koya sa kumuna nai yau, ka sega e nai valavala dodonu, e na veimama ni nona bula ena laiva ga, ia e na kenai otioti ena tamata lialia.

Vakavakadewa Vou kei na iVola tale eso

¹¹ Na tamata e rawata na i lavo ena sala ca E vaka na manumanu vuka e saulaka na yaloka ni manumanu tani; Ni bera ni veimama na nona bula, Sa na vakayalia na nona i yau Ia na kena i otioti, Ena kune ga ni lialia.

Ai Vola Tabu Ena Vakavakadewa Vou

¹¹ Na tamata e rawata na i lavo ena sala ca E vaka na manumanu vuka e saulaka na yaloka ni manumanu tani; Ni bera ni veimama na nona bula, Sa na vakayalia na nona i yau Ia na kena i otioti, Ena kune ga ni lialia.

Jeremaia 17:11 Iomraidhean Croise

Jope 20:21

E sega na ka e vo me sega ni kania ko koya; O koya oqo ena sega kina na nonai yau me vo tu.

NA SAME 49:13

Oqo na nodra i valavala na lialia: Ia sa vinakata ga na nodra vosa ko ira na nodra kawa. Sela.

NA SAME 55:23

Ia koi kemuni na Kalou, ko ni na biuti ira sobu ki nai keli ni rusa: O ira na tamata dauveivakamatei ka dauveivakaisini, era na sega ni bula me yacova na veimama ni nodra gauna; Ia koi au, ka'u na vakararavi vei kemuni.

Vosavakaibalebale 13:11

Ai yau sa rawa wale tu ena vakalailaitaki: Ia ko koya sa rawata e na dautara ka ena vakalevutaki.

Vosavakaibalebale 15:27

E dauvakararawataka na nona vale ko koya na daukocokoco; Ia ko koya sa cata nai solisoli ena bula.

Vosavakaibalebale 21:6

Me rawai yau e na yame lasu Sa ka e sega ni yaga e veitosoyaki vei ira era qara na mate.

Vosavakaibalebale 23:5

A cava beka ko sa wanonova kina na ka sa sega? Ni sa cakava vakaidina na tabana nai yau; Ka vuka tani me vaka na ikeli vaka ki lomalagi.

Vosavakaibalebale 28:16

A turaga sa sega ni vuku sa dauvakasaurara vakalevu talega: Ia ko koya sa cata na kocokoco ena vakabalavutaka na nona bula.

Vosavakaibalebale 28:20

A tamata lomadina ena vakalougatataki vakalevu: Ia ko koya sa kusarawa ni vutuniyau ena sega ni donu.

Vosavakaibalebale 28:22

O koya sa kusarawa ni vutuniyau sa mata ca, Ka sega ni nanuma ni na yaco vua na viakana.

Vosavakaibalebale 28:8

O koya sa kuria na nonai yau ni sa soli lavo me vakaisausaumi vakatawadodonu, Ena kumuna me nona na tamata sa dau lomani ira na dravudravua.

Jeremaia 22:13

Ena ca ko koya sa tara na nona vale e nai valavala e sega ni dodonu, kei na nonai taba loma ni vale e cake e na caka cala; ka sa sega ni sauma na cakacaka ni kai nona, ka sa sega ni solia vua nai voli ni nona cakacaka;

Jeremaia 22:17

Ia na matamu kei na lomamu sa goleva ga na nomu kocokoco, kei na vakadave dra sa sega ni cala, kei na veivakasaurarataki, kei nai valavala kaukauwa, mo cakava.

Jeremaia 6:13

Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete:

Jeremaia 8:10

E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena: ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete:

Emosi 3:10

Ni ra sega ni kila me ra caka dodonu, sa kaya ko Jiova, era binia na ka e kovei ka butakoci e na nodra veivale vakaturaga.

Maika 2:9

Dou a vakasevi ira tani na watidra na noqu tamata mai na nodra veivale; dou a kauta tani na noqu ka vakaiukuuku maivei ira na luvedra, me sega tale vei ira ka tawa mudu.

Maika 7:3

Me ra qacoya sara e na ligadra ruarua na nodra caka ca. Sa taroga ko koya sa turaga, kei koya talega na turaga ni lewa, na kedrau i sau; ia ko koya sa turaga levu cake sa tukuna sara na gagadre ca ni yalona: ka ra sa bukia vata vakakina.

Sefanaia 1:9

E na siga talega ko ya au na cudruvi ira kece era ladeva nai lago ni katuba, ka vakasinaita na veivale ni nodra turaga e nai yau ni veivakayanaki kei na veivakaisini.

Sakaraia 5:4

Au na vakayacora yani, sa kaya ko Jiova ni lewe vuqa, ka na curuma na vale ni daubutako, kei na nona vale sa bubului vakailasu e na yacaqu; ena tiko talega e nona loma ni vale, ka vakayavuna vata kei na kena kau kei na kena veivatu.

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

Maciu 23:13

Ia e ca vei kemudou, na vunivola kei na Farisi, na dauveivakaisini! ni dou sa sogota na matanitu vakalomalagi vei ira na tamata: ni dou sa sega ni curu rawa kina koi kemudou, se laivi ira era sa curu tiko me ra curu kina.

Luke 12:20

Ia sa kaya vei koya na Kalou, Ko iko na lialia! e na bogi ga oqo ena tarogi tale vei iko na yalomu: ena qai nei cei na veika ko sa vakarautaka?

1 Timoci 6:9

Ia ko ira era sa gadreva me ra vutuniyau, era sa bale ki na dauvere kei nai cori, kei na gagadre ca e vuqa, ka lialia, ka dauveivakacacani, oqori sa luluvuraki ira na tamata e na mate kei na rusa.

Vei Taito 1:11

ia ka sa dodonu me ra vagalui, ni ra sa vakacalai ira kece na lewe-ni-vale eso, ni ra sa vakatavulica na ka sa sega ni kilikili, e na vuku ni yau vakasisila.

2 Pita 2:14

a sa sinai na matadra e na dauyalewa, ka sa sega ni mudu rawa ni valavala ca; a ra sa dauvakacalai ira na tamata era sa yalowai: a yalodra sa dauia na kocokoco: era sa luve ni veivakarusai:

2 Pita 2:3

Ia ni ra sa daukocokoco era na vakaiyau voli e na vukumudou e na vosa e dauveivakaisini: ia na lewa makawa me ra ca sa sega so ni berabera, a sa sega ni moce na nodra rusa.