Jeremaia 17:10 - Vakavakadewa Makawa

¹⁰ Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.

Ai Vola Tabu (Vakadewa Makawa Vakavoutaki 2021)

¹⁰ “Koi au ko Jiova ka'u sa dikeva na loma ni tamata, ka'u sa vakatovolea na kena ivi, me'u solia ki na tamata yadua me vaka na nona i valavala, me vaka na vua ni nona cakacaka.”

AI VOLA TABU

¹⁰ Oi au ko Jiova kaʼu sa dikeva na loma ni tamata, kaʼu sa vakatovolea na kenai ivi, meʼu solia ki na tamata yadua me vaka na nonai valavala, me vaka na vua ni nona cakacaka.

Vakavakadewa Vou kei na iVola tale eso

¹⁰ Oi au o Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Ai Vola Tabu Ena Vakavakadewa Vou

¹⁰ Oi au ko Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Jeremaia 17:10 Iomraidhean Croise

1 Tui 8:39

mo ni qai rogoca mai lomalagi, na yasana ko ni sa tiko kina, ia mo ni kakua ni cudruvi ira, ka mo ni ia ga ka solia vua na tamata yadua me vaka na nonai valavala kecega, ni kemuni sa kila, na yalona; (ni kemuni sa kila, io koi kemuni duaduaga, na yalodra kecega na luve ni tamata;)

1 Veigauna 28:9

Ia ko iko, Solomoni na luvequ, mo kila na Kalou i tamamu, ka qaravi koya e na yalo dina, kei na loma e marautaka: ni sa vakatovolea na yalo kece ko Jiova, ka kila kece na nanuma ni lomada: kevaka ko na vakasaqarai koya, ko na kunei koya; ia kevaka ko sa biuti koya, ena biuti iko ko koya ka tawa mudu.

1 Veigauna 29:17

Au sa kila talega, noqu Kalou, ni kemuni sa dauvakatovolea na yalo, ia ko ni sa vinakata na yalododonu. Koi au, ni sa dodonu na yaloqu au sa solia na ka kecega oqo e na yalo e vinakata: ia ka'u sa qai raica e na marau na nomuni tamata, era sa tiko eke, me soli ka vei kemuni e na yalo e vinakata.

2 Veigauna 6:30

mo ni qai rogoca mai lomalagi, na yasana ko ni sa tiko kina, ia mo ni bokoca, ka mo ni solia vua na tamata yadua me vaka na nonai valavala kecega, ni kemuni sa kila na lomana; (ni kemuni sa kila, koi kemuni duaduaga na lomadra kecega na luve ni tamata;)

Jope 34:11

Ni na solia vua na tamata me vaka na nona cakacaka, Ena kitaka talega me ra kunea na tamata yadua me tautauvata kei na nodra i valavala.

NA SAME 44:21

Ena sega beka ni qaqa oqo na Kalou? Ni sa kila ko koya na ka ni yalo sa vuni tu.

NA SAME 44:22

Io, e na vukumuni keimami sa vakamatei e na siga taucoko ka bogi; Keimami sa vakatauvatani kei na sipi ena vakamatei.

NA SAME 62:12

Ka sa nomuni talega, na Turaga, na yalololoma: Ni kemuni sa solia vei ira na tamata yadua me vaka na nodra i valavala.

NA SAME 7:10

A noqu i vakaruru na Kalou, O koya sa vakabulai ira era sa yalododonu.

NA SAME 7:9

Me oti laivi mada na nodra ca na tamata ca; ia mo ni vakataudeitaka na yalododonu: Ni sa vakatovolea na yalo kei na ivi ni tamata na Kalou yalododonu.

Vosavakaibalebale 12:14

Na vua ni gusuna ena mamau kina na tamata e na ka vinaka: Ia na kenai sau ni cakacaka ni tamata ena soli vua.

Vosavakaibalebale 17:3

A kuro sa yaga me vakatovolei kina na siliva, kei na lovo me vakatovolei kina na koula: Ia sa vakatovolea na yalo ko Jiova.

Dauvunau 9:3

Oqo na ka ca e na ka kece sa caka e ruku ni mata-ni-siga, ni sa dua vata ga na ka sa yacovi ira kecega: io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

Aisea 59:18

Me vaka na nodra cakacaka, ena sauma vakakina ko koya; na cudru vei ira na nona meca, nai sau dodonu vei ira sa cati koya; ki na veiyanuyanu ena ia na veisausaumi.

Jeremaia 11:20

Ia koi kemuni, Jiova ni lewe vuqa, ka lewa vakadodonu, ka vakatovolea nai ivi kei na loma ni tamata, me'u sa raica mada na nomuni cudruvi ira: ni'u sa tukuni au vei kemuni.

Jeremaia 12:13

Era sa kaburaka na witi, ia era na tamusuka na wa-vakavotona: era sa dauvakaocataki ira, ka na sega ga ni yaga: ia era na maduataka na nomudou vuata e na vuku ni cudru katakata i Jiova.

Jeremaia 20:12

Ia, koi kemuni Jiova ni lewe vuqa, ko ni sa vakatovolea na yalododonu, ka dikeva na ivi kei na loma ni tamata, me'u raica mada na nomuni cudruvi ira: ni ka'u sa tukuni au vei kemuni.

Jeremaia 21:14

Ia ka'u na cudruvi kemudou me vaka na nomudou i valavala, sa kaya ko Jiova: ia ka'u na tutuvaka na buka e na kena veikau, ena kania na ka kecega sa tu vakavolivolita.

Jeremaia 23:2

O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi; Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira: raica, au na cudruvi kemudou e na vuku ni ca ni nomudou i valavala, sa kaya ko Jiova.

Jeremaia 32:19

sa uasivi e na vuku, ka kaukauwa e na cakacaka: ia na matamuni sa raica tiko na nodra i valavala kecega na luve ni tamata, mo ni solia vei ira yadua me vaka na nonai valavala, ka vaka na vua ni nonai valavala:

Isikeli 11:5

Ka sa yaco vei au na Yalo i Jiova, a sa kaya vei au, Mo tukuna mada; Sa kaya vakaoqo ko Jiova; Dou a kaya vakaoqo, na mataqali i Isireli: ni ka'u sa kila na ka sa tubu e na lomamudou.

Isikeli 14:5

me'u taura na mataqali i Isireli e na lomadra ga, ni ra sa yalovakatani vei au ko ira kecega e na vuku ni nodra matakau.

Maika 7:13

Ia na vanua, ena lala sara ga e na vukudra era tiko kina, sa kenai sau ni nodra i valavala.

Maciu 16:27

Ni na lako mai na Luve ni tamata e nai ukuuku nei Tamana, kei ira vata kaya na nona agilose; ena qai sauma ko koya vei ira na tamata yadua me vaka na nodrai valavala.

Maciu 6:4

me vuni kina na nomu i loloma: ia na Tamamu sa raica na ka e vuni, ena sauma votu vei iko.

Joni 2:25

a sa sega ni yaga vua me dua me vakatakilai ira na tamata: ni sa kila ko koya na ka sa tu e na loma ni tamata.

Cakacaka 1:24

Era sa qai masu, ka kaya, Oi Kemuni na Turaga, ko ni sa kila na yalo ni tamata kecega, mo ni vakatakila mai se ko cei vei rau oqo ko ni sa digitaka,

Roma 6:21

Ia ka cava na vuana dou sa rawata, e na gauna ko ya, mai na veika dou sa qai madua kina? ni sa kenai otioti ni veika oqori na mate.

Roma 8:27

Ia ko koya sa daudikeva na yaloda sa kila na loma ni Yalo Tabu, ni sa masulaki ira na tamata lotu me vaka na loma ni Kalou.

Vakatakila 2:23

Ia ka'u na vakamatei ira na luvena e na mate; ia ena kila kina na veisoqosoqo lewe ni lotu kecega ni'u sa dikeva na ivi kei uto ni tamata; ia ka'u na solia talega vei kemudou yadua me vaka na nomudou i valavala.

Vakatakila 20:12

Ia ka'u a raici ira era a mate, na tamata lalai kei na turaga, era sa tu e na mata ni Kalou; a sa tevuki nai vola eso: e dua tani tale nai vola sa tevuki, ai vola ni bula: ia na mate era sa lewai mai na ka sa volai e nai vola, me vaka na nodra i valavala.

Vakatakila 22:12

Ka raica, au sa lako kusarawa mai; a sa tu ga vei au na ka, me'u solia vei ira na tamata yadua me vaka na nonai valavala.

1 Samuela 16:7

A sa kaya vei Samuela ko Jiova, Mo kakua ni raica na matana, se na kena balavu; ni'u sa sega ni digitaki koya: ni sa sega ni raica ko Jiova me vaka sa raica ko ira na tamata; ni sa raica na ka esau ko ira na tamata, ia sa raica na yalo ko Jiova.