Jeremaia 16:5 - Vakavakadewa Makawa

⁵ Ni sa kaya vakaoqo ko Jiova, Kakua ni ko curu ki na vale ni tagi yaso, kakua talega ni la'ki tagicaki ira se vakacegui ira: ni'u sa kauta tani na noqu vakacegu maivei ira na tamata oqo, sa kaya ko Jiova, io na yalololoma kei nai valavala loloma.

Ai Vola Tabu (Vakadewa Makawa Vakavoutaki 2021)

⁵ “Ni sa kaya vakaoqo ko Jiova: Kakua ni ko curu ki na vale ni tagi yaso, kakua talega ni la'ki tagicaki ira se vakacegui ira, ni'u sa kauta tani na noqu vakacegu mai vei ira na tamata oqo, sa kaya ko Jiova, io na noqu yalololoma kei nai valavala loloma.

AI VOLA TABU

⁵ Ni sa vosa vakaoqo ko Jiova, Kakua ni ko curu ki na vale ni tagi yaso, kakua talega ni laʼki tagicaki ira se vakacegui ira: niʼu sa vakasuka na noqu sautu maivei ira na tamata o qo, sa kaya ko Jiova, io na yalololoma kei nai valavala loloma.

Vakavakadewa Vou kei na iVola tale eso

⁵ A sa kaya o Jiova, ‘Mo kakua ni curu ki na dua na vale e caka tiko kina na tagi. Kakua ni tagicaka e dua na tamata, se ia na veivakacegui. Au na sega tale ni vakalougatataki ira ena tiko sautu, se vakaraitaka vei ira na loloma kei na yalo loloma, sa kaya o Jiova.

Ai Vola Tabu Ena Vakavakadewa Vou

⁵ A sa kaya ko Jiova, ‘Mo kakua ni curu ki na dua na vale e caka tiko kina na tagi. Kakua ni tagicaka e dua na tamata, se ia na veivakacegui. Au na sega tale ni vakalougatataki ira ena tiko sautu, se vakaraitaka vei ira na loloma kei na yalololoma, sa kaya ko Jiova.

Jeremaia 16:5 Iomraidhean Croise

NA SAME 25:6

Ni nanuma, Jiova, na nomuni yalololoma kei na nomuni yalovinaka, Ni sa ka mailiu sara na ka oqori.

Aisea 27:11

Ni sa malai na tabana, ena qai musuki laivi: era na mai visa ko ira na yalewa: e na vuku ni ra sa sega ni tamata yalomatua, ena sega ni yalololoma kina vei ira ko koya ka bulia, ia ko koya ka bulia ena sega ni lomani ira.

Jeremaia 12:12

era sa lako mai ki na veitikina cecere kecega mai veikau ko ira na dauvakacaca: ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua: ena sega e dua na tamata me vakacegu.

Jeremaia 13:14

ka'u na botobotolaki ira vata na tamata kei na kai nona, io ko ira vata na qase kei na luvedra, sa kaya ko Jiova: ka'u na sega ni lomana, se vosota, se yalololoma kina, ka'u na vakarusai ira ga.

Jeremaia 16:13

o koya oqo ka'u na biuti kemudou tani kina e na vanua oqo ki na vanua dou sa sega ni kila, se koi kemudou se ko ira na nomudou qase; ia dou na qaravi ira na kalou tani maikea e na siga kei na bogi; ka'u na sega ni lomani kemudou maikina.

Lele i Jeremaia 3:17

Ia ko sa biuta tani vakayawa na vakacegu mai na yaloqu: au sa guilecava na vinaka.

Sakaraia 8:10

Ia eliu, ni sa bera ni yaco na gauna ko ya, sa sega na kenai voli na tamata, se na kenai voli na manumanu; ia sa sega ga na vakacegu vua sa curu yani se vua sa curu mai e na vuku ni meca: ni'u a vakavuna na nodra dui veimecaki kece na tamata yadua.

Vakarua 31:17

Ena qai waqa mai na noqu cudru vei ira e na siga ko ya, ia ka'u na biuti ira, ka vunia vei ira na mataqu, a ra na kani, ia ena yacovi ira na ka ca e vuqa kei na rarawa; era na kaya kina e na siga ko ya, Sa sega li ni yacovi keda na ka ca kecega oqo, ni sa sega ni tiko kei keda na noda Kalou?

Vakatakila 6:4

A sa dua tani tale na ose sa lako yani, sa damudamu: a sa soli vua sa vodo tiko kina me kauta tani e vuravura na sautu, ka me ra veiraravui tikoga: a sa soli vua nai seleiwau levu.