Jeremaia 16:19 - Vakavakadewa Makawa

¹⁹ Kemuni Jiova, na noqu kaukauwa, kei na noqu koro ni valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

Ai Vola Tabu (Vakadewa Makawa Vakavoutaki 2021)

¹⁹ Kemuni Jiova, na noqu kaukauwa, kei na noqu koro-ni-valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, “E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

AI VOLA TABU

¹⁹ I Jiova, na noqu kaukauwa, kei na noqu koro, kei na noqui vakaruru e na siga ni rarawa, sai iko era na lako mai kina na veimatanitu mai na veiyalayala kei vuravura, a ra na kaya, E dina, sa ka lasu, ka wale, ka sega na yagana, era taukena ko ira na neimami qase.

Vakavakadewa Vou kei na iVola tale eso

¹⁹ Kemuni Jiova o ni sa taqomaki au ka vakaukauwataki au; o ni sa vukei au ena gauna ni leqa. Era sa lako mai vei kemuni na veimatanitu mai na i yalayala kei vuravura ka kaya, “E sega ni bau dina na ka e tu vei ira na neimami qase, na veikalou lasu ga, e sega ni bau dua na ka, na veimatakau tawa yaga.

Ai Vola Tabu Ena Vakavakadewa Vou

¹⁹ Kemuni Jiova o ni sa taqomaki au ka vakaukauwataki au; o ni sa vukei au ena gauna ni leqa. Era sa lako mai vei kemuni na veimatanitu mai na i yalayala kei vuravura ka kaya, “E sega ni bau dina na ka e tu vei ira na neimami qase, na veikalou lasu ga, e sega ni bau dua na ka, na veimatakau tawa yaga.

Jeremaia 16:19 Iomraidhean Croise

1 Tui 20:23

Ia sa kaya vua na tui Siria ko ira na nona tamata, Sa kalou ni veiulu-ni-vanua na nodra veikalou; o koya era sa gumatua kina vei keda; ia me da veivala mada kei ira e na buca, eda na qai gumatua vakaidina vei ira.

NA SAME 18:3

Au na masu vei Jiova, o koya sa dodonu me vakacaucautaki: Ka'u na vakabulai kina maivei ira na noqu meca.

NA SAME 19:14

Me vinaka vei kemuni na vosa ni gusuqu, kei na vakanananu ni yaloqu, I Jiova, na noqu uluvatu, kei na noqu i vakabula.

NA SAME 27:5

Ni na vunitaki au e na nona vale e na gauna ni rarawa: Ena vunitaki au e na yasana vuni e na nona vale laca: Ena vakaturi au ko koya ki na dela ni vatu.

NA SAME 46:1

A nodai drodro kei na noda kaukauwa na Kalou, Sa voleka sara me vukei keda ni da sa rarawa.

NA SAME 46:11

Sa tiko vata kei keda ko Jiova ni lewe vuqa; A nodai drodro na Kalou i Jekope. Sela.

NA SAME 46:7

Sa tiko vata kei keda ko Jiova ni lewe vuqa; A nodai drodro na Kalou i Jekope. Sela.

NA SAME 62:2

O koya ga na noqu uluvatu kei na noqu i vakabula; Na noqu vale cecere ko koya; ka'u na sega ni yavalati vakalevu.

NA SAME 62:7

Sa vu mai vua na Kalou na noqu bula kei na noqu vakarokoroko: Na noqu uluvatu kaukauwa, kei na noqu i drodro na Kalou.

NA SAME 65:3

Sa gumatua vei au na vosa ca: A neimami valavala ca ko ni na vuya laivi.

NA SAME 68:31

Era na lako mai Ijipita na turaga; Ena dodoka vakasauri na ligana ko Iciopea vua na Kalou.

NA SAME 86:9

Na veimatanitu kecega ko ni a cakava era na lako mai ka soro vei kemuni na Turaga; Ka ra na vakarokorokotaka na yacamuni.

Vosavakaibalebale 18:10

Na yaca i Jiova sa vale-cecere kaukauwa: Sa dro kina na yalododonu, ka sa bula.

Aisea 25:4

Ni kemuni sa nona koro kaukauwa na malumalumu, na bai vei ira na dravudravua ni ra sa rarawa; nai vakaruru mai na cava, nai vakaruru talega mai na katakata, ni sa vaka sara sa labata na bai vatu na nodra cagi na daurerevaki.

Aisea 32:2

Ia ena dua na tamata ena vaka nai vunivuni mai na cagi, kei nai vakaruru mai na cava; ena vaka na uciwai e na vanua dravuisiga, ka vaka na yaloyalo ni vatu levu e na vanua dauveivakaocataki.

Aisea 44:10

Ko cei sa cakava na kalou, ka ceuta na matakau sa sega ni yaga e na dua na ka?

Aisea 44:20

Sa kana dravu ko koya; sa vakaisini na lomana, ka sa vakacalai koya tani, a sa sega ni vakabulai koya rawa, se kaya mada, Sa sega li ni tiko e na ligaqu i matau e dua na ka lasu?

Aisea 45:14

Sa kaya vakaoqo ko Jiova, Nai yau kei Ijipita, kei na veivoli kei Iciopea, kei ira na kai Sipa, era tamata lelevu, ena lako mai vei iko, ia ena nomu ga: era na muri iko; era na lako mai ni ra vesu tu; era na cuva vei iko, era na vakamasuti iko, ka kaya, Sa tiko dina vei iko na Kalou; a sa sega e dua tani, sa sega tale na Kalou.

Aisea 49:6

Ia sa kaya ko koya, Sa ka lailai mo noqu i talatala mo vueta cake na veimataqali i Jekope, ka vakalesui ira mai na Isireli era maroroi tiko: Ka'u sa soli iko talega mo nodra rarama na veimatanitu, mo yaco talega mo vu ni bula e na vukuqu ki nai yalayala kei vuravura.

Aisea 62:2

Ia na veimatanitu, era na raica na nomu veivakadonui; kei ira kecega na tui, na nomu lagilagi: ia ko na vakayacani e na yaca vou, o koya ena cavuta na gusu i Jiova.

Jeremaia 10:3

Ni sa ka lasu na nodra i valavala na tamata: ni sa dua sa taya mai veikau e dua na kau, na cakacaka ni liga ni matai e na matau;

Jeremaia 10:5

sa vaka na balabala na kena tu donu, ia ka sa sega ni vosa: sa daucolati tu, ni ra sa sega ni lako rawa. Kakua ni dou rerevaka na ka oqori; ni sa sega na ca era cakava rawa, ka sa sega talega ni rawa vei ira me ra cakava na vinaka.

Jeremaia 12:16

Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Jeremaia 14:8

Kemuni ga era dauvakararavi kina na Isireli, na nodra i vakabula e na gauna ni rarawa, e na vuku ni cava ko ni sa vaka na vulagi e na vanua, ka vaka na tamata sa daulako tu sa tiko walega me moce e na bogi?

Jeremaia 17:17

Mo ni kakua ni vakadomobulataki au: koi kemuni ga ka'u sa vakararavi kina e na siga ca.

Jeremaia 2:11

Sa dua li na matanitu sa vakaisosomitaka na kena kalou, e na ka sa sega ni kalou? ia ko ira na noqu tamata era sa vakaisosomitaki koya sa nodra i ukuuku e na ka sa sega ni yaga.

Jeremaia 2:8

Era sa sega ni kaya na bete, Evei ko Jiova? ko ira talega na vu-ni-vunau era sa sega ni kilai au: ko ira nai vakatawa era sa vuki tani vei au, ko ira talega na parofita era sa daucavuti Peali, ka muria na ka sa sega ni yaga.

Jeremaia 3:23

E dina sa ka lasu na veiyasana cecere, na ulu-ni-vanua e vuqa; e dina sa maivei Jiova na neimami Kalou na neimami bula na Isireli.

Jeremaia 33:9

Ia ena yaco kina me noqu na yaca rogo sa marautaki, ka vakavinavinakataki, ka vakacaucautaki, e na veimatanitu kece e vuravura, era na rogoca na ka vinaka kece ka'u sa cakava vei ira: ka ra na rere ka sautaninini e na vuku ni ka vinaka kecega kei na kena tubu cake ka'u sa vakayacora kina.

Jeremaia 4:2

ia ko na ia na bubului ka vaka, Sa bula ko Jiova, ka ia e na lomadina, kei na yalododonu, kei na cakacaka dodonu; ia era na vosavakalougatataki ira e na vukuna ko ira na lewe ni veimatanitu, ko koya talega era na vakacaucautaka.

Isikeli 11:16

O koya oqo mo kaya kina, Sa kaya vakaoqo na Turaga ko Jiova; Ke'u sa biuti ira tani vakayawa ki na veimatanitu, ka dui vakasevi ira ki na veivanua, ke'u na yaco ga me nodra vale tabu lailai e na veivanua era na yaco kina.

Joeli 3:16

Ia ko Jiova ena kurukuru mai Saioni, ka na tabalaka na domona mai Jerusalemi; ena yavavala talega na lomalagi kei vuravura: ia ko Jiova ena nodra i drodro na nona tamata, kei na nodra koro kaukauwa na Isireli.

Emosi 2:4

Sa kaya vakaoqo ko Jiova, Ni sa qai vakatolu na nodra talaidredre na Juta, io, ni sa vakava, ka'u na sega kina ni vakadaroya na nodra cudruvi; ka ni ra sa beca na vunau i Jiova, ka sega ni vakabauta na nonai lesilesi, ka sa vakacalai ira na nodra ka lasu, o koya era muria ko ira na nodra qase:

Neumi 1:7

Sa yalovinaka ko Jiova, sai vakaruru kaukauwa e na siga ni rarawa: ka sa kilai ira era vakararavi vua.

Apakuki 3:19

Sa vu ni noqu kaukauwa ko Jiova na Turaga, Ena cakava na yavaqu me vaka na nodra na me kila, Ia ena kauti au tale ko koya me'u lako voli e na noqu veitikina cecere. Vua na domo-ni-sere e na Nikinoca.

Sakaraia 2:11

Ia na lewe ni veimatanitu e vuqa ena musuki ira vei Jiova e na siga ko ya, ka yaco me noqu tamata: au na tiko talega e na kemudou maliwa, ia dou na kila ni sai Jiova ni lewe vuqa sa talai au mai vei kemudou.

Malakai 1:11

Io, mai nai cadracadra ni mata-ni-siga ka yacova na kenai dromudromu ena vakalevulevui na yacaqu vei ira na lewe ni veivanua; ia e na veiyasana kecega ena vakacabori ki na yacaqu nai madrali boi vinaka, io, nai madrali savasava: ni na vakalevulevui na yacaqu vei ira na lewe ni veivanua, sa kaya ko Jiova ni lewe vuqa.

Roma 1:25

ia era sa vakaisosomitaka nai vakavuvuli dina ni Kalou, e na ka e lasu wale, a ra sa soro kina ka qarava na ka sa buli ka segai ko koya sa bulia, o koya sa nona na vakarokoroko ka sega ni mudu. Emeni.

1 Pita 1:18

ni dou sa kila dou a sega ni voli e na veika e caca wale, e na siliva se na koula, mai na nomudou i valavala sesewa dou sa rawata maivei ira na nomudou qase;

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.