Jeremaia 16:18 - Vakavakadewa Makawa

¹⁸ Ia ka'u na sauma eliu me rauta vakarua na nodra caka cala kei na nodra i valavala ca; ni ra sa vakadukadukalitaka na noqu vanua e na yago mate ni nodra ka velavela, io ena nodra ka vakasisila era sa vakasinaita kina na noqu i tikotiko.

Ai Vola Tabu (Vakadewa Makawa Vakavoutaki 2021)

¹⁸ Ia ka'u na sauma eliu me rauta vakarua na nodra caka cala kei na nodra i valavala ca; ni ra sa vakadukadukalitaka na noqu vanua e na yago mate ni nodra ka velavela, io ena nodra ka vakasisila era sa vakasinaita kina na noqu i tikotiko.”

AI VOLA TABU

¹⁸ Ia kaʼu na sauma eliu me vakarua na nodra caka cala kei na nodrai valavala ca; e na vuku ni ra sa vakadukadukalitaka na noqu vanua e na yago mate ni nodra ka velavela, io e na nodra ka vakasisila era sa vakasinaita kina na noqui tikotiko.

Vakavakadewa Vou kei na iVola tale eso

¹⁸ Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Ai Vola Tabu Ena Vakavakadewa Vou

¹⁸ Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Jeremaia 16:18 Iomraidhean Croise

NA SAME 106:38

Ka liviraka na dra sa sega ni cala, io na kedra dra na luvedra tagane kei na luvedra yalewa, Ni ra vakacabori ira ki na matakau ni Kenani: Ka sa vakasisila kina na vanua e na vuku ni dra.

Aisea 24:5

Sa vakadukadukalitaki talega ko vuravura e na vuku ni lewena; ni a sa talaidredre ki na vunau, era sa vakatanitaka nai lesilesi, era sa vakacataka na veiyalayalati tawa mudu.

Aisea 40:2

Dou vosataka na vosa ni veivakacegui ki Jerusalemi, ka tukuna vua, ni sa oti na nona gauna ni oca, ni sa bokoci na nona caka cala; ni sa cudruvi ko koya e na liga i Jiova me rauta vakarua na nonai valavala ca kecega.

Aisea 61:7

Ena rua na nomudou i votavota, me kenai sosomi ni nomudou madua, ka ra na marautaka na nodra i votavota me kenai sosomi ni taqaya: ia e na nodra vanua dina era na taukena e rua nai votavota, ka na nodra kina na marau e sega ni mudu.

Aisea 65:6

Raica, sa volai tu e mataqu; ka'u na sega ni cegu, ka'u na sauma io ka'u na sauma ki na lomaseredra

Aisea 65:7

na nomudou caka cala, sa kaya ko Jiova, kei na nodra caka cala na tamamudou, era sa vakama nai madrali boi vinaka e na veiulu-ni-vanua, ka vosavakacacataki au e na veiulu-ni-koro: ia ka'u na sauma na nodra cakacaka eliu ki na lomaseredra.

Jeremaia 17:18

Me ra vakamaduataki ko ira era vakacacani au, ia me'u kakua ni vakamaduataki koi au me ra taqaya ko ira, ia me'u kakua ni taqaya koi au: mo ni vakayacora vei ira na siga ca, ia mo ni vakarusai ira e na rusa vakarua.

Jeremaia 2:7

Ia ka'u a kauti kemudou ki na vanua sautu, mo dou kania na vuana kei na kena ka vinaka; ia ni dou sa curu kina, dou sa vakadukadukalitaka na noqu vanua, ia na noqu i votavota dou sa vakasisilataka.

Jeremaia 3:9

A sa yaco e na vuku ni sa rogo na nona dautagane, sa vakadukadukalitaka kina na vanua, ka sa ia na dautagane kei na vatu kei na kau.

Jeremaia 44:4

Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Jeremaia 7:30

Ni ra sa cakava na ka ca e mataqu ko ira na Juta, sa kaya ko Jiova: era sa vakaduria na nodra ka vakasisila e na vale sa vakatokai e na yacaqu, me vakadukadukalitaka;

Isikeli 11:18

A ra na yaco yani ki kea, ka kauta tani maikina na kena ka velavela kecega, kei na kena ka vakasisila kecega.

Isikeli 11:21

Ia ko ira sa lomadra ga me ra muria na nodra i valavala velavela kei na nodra ka vakasisila ka'u na sauma ga kivei ira, sa kaya na Turaga ko Jiova.

Isikeli 36:18

Ia ka'u a sovaraka kina na noqu cudru vei ira e na vuku ni dra era sa vakadavea e na vanua, e na vuku talega ni nodra matakau era sa vakadukadukalitaka na vanua:

Isikeli 5:11

Ia, me vaka na dina ni noqu bula, sa kaya na Turaga ko Jiova; Ni ko sa vakadukadukalitaka na noqu vale tabu e na nomu ka velavela kecega, kei na nomu ka vakasisila kecega, oi au talega ka'u na vakalailaitaki iko; ia ka'u na sega ni vosoti iko ka'u na sega talega ni yalololoma vei iko.

Osea 9:7

Sa yaco mai na siga ni veicudruvi, sa yaco mai na siga ni veisausaumi; era na kila ko ira na Isireli: sa sesewa na parofita, sa kudru na tamata sa curumi, e na vuku ni levu ni nomudou caka cala, kei na veicati levu.

Vunau ni Soro 26:30

Au na vakarusa talega na nomudou veitikina cecere, ka taya sobu na nomudou veimatakau e vaka na mata-ni-siga, ka biuta na yagomudou ni sa mate ki dela ni yagodra na nomudou matakau: ia ena cati kemudou na yaloqu.

Maika 2:10

Dou cavu tu, ka lako tani; ni sa sega ni nomudou i vakavakacegu oqo: ni sa vakadukadukalitaki, ena vakarusai kemudou, io, e na veivakarusai rarawa.

Vakatakila 18:6

Cudruvi koya me vaka na nona cudruvi kemudou, ka cakava vakarua vua me vakarua me vaka na nonai valavala: ia na bilo sa vakasinaita ko koya, vakasinaita vakarua vua.