Jeremaia 16:15 - Vakavakadewa Makawa

¹⁵ ia, ena kainaki ga, Sa bula ko Jiova, ko koya ka kauti ira na Isireli mai na vanua mai na tokalau, mai na veivanua talega sa dui vakasevi ira kina ko koya: ia ka'u na kauti ira tale mai ki na nodra vanua ka'u a solia vei ira na nodra qase.

Ai Vola Tabu (Vakadewa Makawa Vakavoutaki 2021)

¹⁵ ia, ena kainaki ga, ‘Me vaka sa bula ko Jiova, ko koya ka kauti ira na Isireli mai na vanua mai na vualiku, mai na veivanua talega sa dui vakasevi ira kina ko koya.’ Ia ka'u na kauti ira tale mai ki na nodra vanua ka'u a solia vei ira na nodra qase.

AI VOLA TABU

¹⁵ ia me vakane, Sa bula ko Jiova, o koya ka kauti ira na luve i Isireli mai na vanua mai na tokalau, mai na veivanua talega ka dui vakasevi ira kina ko koya: ia kaʼu na kauti ira tale mai ki na nodra vanua kaʼu a solia ki na nodra qase.

Vakavakadewa Vou kei na iVola tale eso

¹⁵ Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Ai Vola Tabu Ena Vakavakadewa Vou

¹⁵ Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Jeremaia 16:15 Iomraidhean Croise

Jeremaia 32:37

Raica, au na vakasoqoni ira mai na veivanua kecega, ka'u sa dui vakasevi ira kina e na noqu cudru, kei na noqu lesa, kei na cudru levu; ia ka'u na kauti ira tale mai ki na yasana oqo, ka lesi ira me ra tiko vinaka:

Jeremaia 24:6

ni'u na vakaraici ira me ra vinaka kina, ka kauti ira tale mai ki na vanua oqo: ia ka'u na tarai ira cake, ka sega ni basuka sobu; ka'u na tei ira, ka sega ni cavuta:

Jeremaia 3:18

E na gauna ko ya erau na lako vata na mataqali i Juta kei na mataqali i Isireli, ka ra na lako vata mai na vanua mai na tokalau ki na vanua ka'u a solia vei ira na nomudou qase me ra taukena.

Emosi 9:14

Ia ka'u na kauti ira tale mai na noqu tamata na Isireli era vakabobulataki, ka ra na tara na veikoro lala, ka vakatawa; ka ra na tea na veiwere-ni-vaini, ka gunuva na kena waini; era na cakava talega na were, ka kania na vuana.

Isikeli 39:28

era na qai kila ni sai au ko Jiova na nodra Kalou, ka'u a vakauti ira tani vakabobula ki na veimatanitu tani: ia ka'u sa qai vakasoqoni ira mai ki na nodra vanua, ka sega ni vakalaiva tale yani e dua vei ira.

Isikeli 36:24

Ni'u na kauti kemudou mai na veimatanitu tani, ka vakasoqoni kemudou mai na veivanua kecega, ka kauti kemudou ki na nomudou vanua.

NA SAME 106:47

Mo ni vakabulai keimami, Jiova na neimami Kalou, Ka soqoni keimami vata maivei ira na veimatanitu, Me keimami ia kina na vakavinavinaka ki na yacamuni tabu, Ke me daureki talega e na vakavinavinaka vei kemuni.

Jeremaia 31:8

Raica, au na kauti ira mai na vanua mai na tokalau, ka vakasoqoni ira mai nai yalayala kei vuravura, ko ira vata kei na mataboko kei na lokiloki, kei na yalewa sa bukete kei koya sa taratara: e dua nai vavakoso levu ena lesu mai ki ke.

Jeremaia 30:10

Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

Jeremaia 30:3

Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova: ia ka'u na vakalesui ira tale mai ki na vanua ka'u a solia ki na nodra qase, ka ra na taukena.

Aisea 14:1

Ni na lomani ira na Jekope ko Jiova, ka digitaki ira tale na Isireli, ka vakalesui ira ki na nodra vanua; ia ko ira na kai tani era na la'ki to vata kei ira, ka kabiti ira na mataqali i Jekope.

Jeremaia 50:19

Ia ka'u na kauti Isireli tale mai ki na nonai tikotiko, ena kana ko koya mai Kameli kei Pasani, ka na vakamamautaki na yalona e na ulu-ni-vanua ko Ifireimi kei Kiliati.

Jeremaia 23:8

ia era na kaya ga, Sa bula ko Jiova, ko koya ka kauta cake mai ka tubera na nodra kawa na mataqali i Isireli mai na vanua ki na tokalau, kei na veivanua kecega ka'u a dui vakasevi ira kina; ka ra na tiko ga e na nodra vanua.

Jeremaia 23:7

O koya oqo sa kaya ko Jiova, ena yaco dina kina na gauna, era na sega tale ni kaya, Sa bula ko Jiova, ko koya ka kauti ira cake na Isireli mai na vanua ko Ijipita:

Jeremaia 29:14

dou na qai kunei au, sa kaya ko Jiova: ia ka'u na vakalesui kemudou mai na nomudou veivakabobulataki, ka vakasoqoni kemudou mai na veivanua kecega, kei na veiyasana kecega ka'u sa vakasevi kemudou kina, sa kaya ko Jiova; ia ka'u na kauti kemudou tale mai ki na yasana ka'u a lewa mo dou kau tani maikina.

Joeli 3:1

Ni na yaco, raica, e na veisiga ko ya, kei na gauna ko ya, ni'u sa kauti ira oti mai na Juta kei ira na kai Jerusalemi era sa vakabobulataki,

Vakatekivu 28:15

Ka, raica, ka'u na tiko vata kei iko, ka vakabulai iko e na nomu i lakolako kecega, au na vakalesui iko talega ki na vanua oqo; ni'u na sega ni biuti iko, ka me'u cakava mada vei iko na ka ka'u a vosa kina vei iko.

Jeremaia 12:15

ia ena yaco, ni'u sa cavuti ira oti, ka'u na qai lesu mai, ka lomani ira tale, ka kauti ira tale mai, na tamata yadua ki na nona tikina, kei na tamata yadua ki na nona vanua.

Jeremaia 23:3

Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu.

Emosi 9:15

Ia ka'u na vakadeitaki ira e na nodra vanua, ka ra na sega ni cavuti tani tale mai na nodra vanua ka'u sa solia vei ira, sa kaya ko Jiova na nomudou Kalou.