Jeremaia 16:12 - Vakavakadewa Makawa

¹² ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona loma ca, me ra kakua kina ni vakarorogo vei au:

Ai Vola Tabu (Vakadewa Makawa Vakavoutaki 2021)

¹² ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona lomaca, me ra kakua kina ni vakarorogo vei au.

AI VOLA TABU

¹² ia koi kemudou dou sa caka ca vakalevu ka vakalailai ko ira na nomudou qase; ka, raica, dou sa dui muria yadua na kaukauwa ni lomana ca, me kakua ni vakarorogo vei au:

Vakavakadewa Vou kei na iVola tale eso

¹² Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Ai Vola Tabu Ena Vakavakadewa Vou

¹² Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Jeremaia 16:12 Iomraidhean Croise

Vakatekivu 6:5

A sa raica ko Jiova ni sa ka levu nai valavala ca ni tamata e vuravura, io sa ca walega e na veisiga kecega nai naki kecega kei na nanuma ni lomana.

Vakatekivu 8:21

A sa boica nai boi ni veivinakati ko Jiova: a sa kaya e lomana ko Jiova, Sa dina sa ka ca e nanuma na loma ni tamata mai na gauna sa cauravou kina; ia ka'u na sega ga ni vakarusai vuravura tale e na vuku ni tamata; ka'u na sega talega ni cudruva na ka kecega sa bula, me vaka na ka ka'u sa kitaka oti:

Dauvunau 8:12

Ia kevaka sa vakadrau na nona caka ca na tamata i valavala ca, ka sa vakabalavutaki na nona bula, ia ka'u sa kila dina sara ni ra na vinaka ko ira era sa rerevaka na Kalou, ko ira era sa rere e matana:

Dauvunau 9:3

Oqo na ka ca e na ka kece sa caka e ruku ni mata-ni-siga, ni sa dua vata ga na ka sa yacovi ira kecega: io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

Jeremaia 13:10

Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Jeremaia 17:9

Sa ka dauveivakaisini duaduaga na yalo ni tamata, ka sa dredre ni vinaka: ko cei me kila rawa?

Jeremaia 18:12

A ra sa kaya, Sa sega sara ni rawa: keimami na muria ga na neimami lewa, ia na nanuma ni lomaimami ca keimami na dui cakava.

Jeremaia 22:28

Sa dua beka na matakau beci ka cataki na tamata oqo ko Konaia? se dua na bilo sa sega ni vinakati? a cava era sa biu tani kina ko koya kei na nona kawa, ka vakasevi ki na vanua eratou sa sega ni kila?

Jeremaia 7:24

ka ra sa sega ni vakarorogo, se vakatu daligadra, era sa muria ga na nodra lewa kei na nodra yalokaukauwa, era sa suka ki muri, ka sega ni lako ki liu.

Jeremaia 7:26

ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Jeremaia 9:14

ka ra sa muria ga na nodra yalokaukauwa, kei ira na Peali, oqori ka vakavulici ira kina ko ira na nodra qase:

Lele i Jeremaia 5:7

Era sai valavala ca ko ira na tama i keimami; a ra sa yali ga; Ia keimami sa saumi e na vuku ni nodra caka cala.

Isikeli 20:30

O koya oqo mo kaya kina ki na mataqali i Isireli, Sa kaya vakaoqo na Turaga ko Jiova; Dou sa vakadukadukalitaki talega e na nodra i valavala na nomudou qase, ne? ka dou sa ia talega na veibutakoci ka muria na nodra ka vakasisila, ne?

Emosi 2:4

Sa kaya vakaoqo ko Jiova, Ni sa qai vakatolu na nodra talaidredre na Juta, io, ni sa vakava, ka'u na sega kina ni vakadaroya na nodra cudruvi; ka ni ra sa beca na vunau i Jiova, ka sega ni vakabauta na nonai lesilesi, ka sa vakacalai ira na nodra ka lasu, o koya era muria ko ira na nodra qase:

Malakai 3:7

Ia mai na gauna ni nomudou qase dou sa vuki tani ga mai na ka ka'u sa lesia, ka sa sega ni vakabauta: dou lesu mai vei au, au na qai lesu yani vei kemudou, sa kaya ko Jiova ni lewe vuqa. Ia dou sa kaya, Me keitou lesu vakaevei?

Marika 7:21

Ni sa curu yani mai loma, mai na yalodra na tamata, na nanuma ca, na dauyalewa, na daudara, na daulaba,

Vakarua 29:19

ka sa yaco ni sa rogoca na vosa ni veicudruvi oqo, ka sa vosavakalougatataki koya e na yalona, ka kaya, Au na vinaka tikoga ni'u sa muria na ka sa nakita tiko na lomaqu; ka me kuria na viagunu e na mateni ko koya:

Vakarua 9:27

mo ni nanumi iratou na nomuni tamata, ko Eparaama, ko Aisake, kei Jekope; kakua ni raica na nodra yalokaukauwa na tamata oqo, se na nodra caka cala, se na nodra i valavala ca:

2 Timoci 3:13

Ia ko ira na tamata ca kei ira na dauveitemaki, era na tubu cake me ra ca sara, ni ra sa ia na dauveivakacalai, ka ra sa vakacalai talega ko ira.

Iperiu 3:12

Dou raici kemudou vinaka, na veiwekani de tiko e na lomadra eso vei kemudou na yalo sa ca e sega ni vakabauta, dou sa biuta laivi kina na Kalou bula.

Dauveilewai 2:19

Ia ni sa mate na dauveilewai, era sa qai vuki tale, ka uasivi ira na nodra qase e na ca, ni ra muria eso na kalou tani me ra qaravi ira, ka cuva vei ira; era sa sega ni vakacegu mai na nodra i valavala, kei na nodra i tovo vakalomaqa.

1 Samuela 15:23

Ni sa tautauvata na kena ca ni talaidredre kei na cakai sausau, ia na yalokaukauwa sa ka ca, ka vaka na dauqarava na matakau. Ni ko sa beca na vosa i Jiova, sa beci iko talega ko koya, mo kakua ni tui tiko.