Jeremaia 15:10 - Vakavakadewa Makawa

¹⁰ Ulei koi au, na tinaqu, ni ko sa vakasucumi au me'u tamata dauveileti ka tamata dauveivala kei vuravura kecega! au a sega ni soli lavo me saumi, ka me levu talega na kenai kere, a sa sega na tamata me cakava vakakina vei au; ia ko ira kece era sa rukaki au.

Ai Vola Tabu (Vakadewa Makawa Vakavoutaki 2021)

¹⁰ Ulei koi au, na tinaqu, ni ko sa vakasucumi au me'u tamata dauveileti ka tamata dauveivala kei vuravura kecega! Au a sega ni soli lavo me saumi, ka me levu talega na kenai kere, a sa sega na tamata me cakava vakakina vei au; ia ko ira kece era sa rukaki au.

AI VOLA TABU

¹⁰ Ule koi au, tinaqu, ni ko sa vakasucumi au me tamata dauveileti ka tamata dauveivala kei vuravura kecega! au a sega ni soli lavo meʼu vakaisausaumi tawa dodonu kina, a sa sega e so era vakaisausaumi tawa dodonu vakakina vei au; ia ko ira kece era sa rukaki au ga.

Vakavakadewa Vou kei na iVola tale eso

¹⁰ Sa levu dina na noqu rarawa! A cava beka sa vakasucumi au mai kina o tinaqu ki vuravura? Au sa sucu mai me'u dauveivala ka dauveileti kei ira kecega na tamata ena vanua oqo. Au sega ni soli lavo ka'u sega ni kerekere, ia era sa rukaki au kecega.

Ai Vola Tabu Ena Vakavakadewa Vou

¹⁰ Sa levu dina na noqu rarawa! A cava beka sa vakasucumi au mai kina o tinaqu ki vuravura? Au sa sucu mai me'u dauveivala ka dauveileti kei ira kecega na tamata ena vanua oqo. Au sega ni soli lavo ka'u sega ni kerekere, ia era sa rukaki au kecega.

Jeremaia 15:10 Iomraidhean Croise

1 Tui 21:20

A sa kaya vei Ilaija ko Eapi, O sa kunei au beka ko iko, na noqu meca? A sa kaya ko koya, Io, au sa kunei iko; ni ko sa volitaki iko mo caka ca e na mata i Jiova.

1 Tui 22:8

A sa kaya vei Jiosafati ko koya na tui Isireli, Sa dua tale na tamata eke, ko Maikaia na luve i Imila, edaru tarogi Jiova rawa kina: ia ka'u sa cati koya; ni sa sega ni parofisaitaka na ka vinaka e na vukuqu, na ka ca ga. A sa kaya ko Jiosafati, Me kakua ni kaya vaka ko ya na tui.

NA SAME 109:28

Me ra ia na veivatonaki ko ira, ia mo ni vosa vinaka ga: Ni ra tu cake, me ra vakamaduataki; ia me reki ga na nomuni tamata.

NA SAME 15:5

Sa sega ni solia na nonai lavo me rui levu kina na kenai kere, Sa sega talega ni vakadonuya nai tautauri me ca na tamata dodonu. O koya sa kitaka na ka oqo ena sega sara ni yavalati rawa.

NA SAME 69:4

Ko ira era sa cati au walega era lewe vuqa ka lailai na drau ni uluqu: Era kaukauwa ko ira era sa via vakarusai au, ni ra sa noqu meca walega: Au a qai vakasuka tale na ka ka'u a sega ni kovea.

Lako Yani 22:25

Kevaka dou sa solia me talevaki nai lavo vua e dua na noqu tamata sa dravudravua ka tiko kei iko, mo kakua ni vaka e dua sa via volivoli vua: dou kakua ni taroga vua na kenai kere.

Vosavakaibalebale 26:2

Me vaka na siparo sa veiseseyaki, kei na kakabace sa veivukayaki, Sa vakakina na veivatonaki wale ena sega ni yaco.

Jeremaia 15:20

Ia ka'u na qisi iko mo bai parasa vei ira na tamata oqo: era na veivala kei iko, ka ra na sega ni gumatua vei iko: ni'u sa tiko vata kei iko me'u vakabulai iko ka kaliraki iko, sa kaya ko Jiova:

Vunau ni Soro 25:36

Mo kakua ni taura maivei koya na kenai kere ni ka sa kerea vei iko, se nai kuri ni ka: mo rerevaka ga na nomu Kalou; me bula vata kei iko na wekamu.

Vunau ni Soro 25:37

Mo kakua ni solia vua na nomu i lavo me dua kina na kenai kere, se solia vua na nomu kakana me vakuria.

Apakuki 1:3

A cava ko ni sa vakatakila kina vei au na ca, ka vakaraitaka talega vei au na ka rarawa? ia na veikove kei na veivakacacani sa tu ga e mataqu, a sa ia tiko na veileti, ka sa tubu mai na veivala.

Maciu 24:9

Dou na qai soli yani me vakararawataki, ka dou na vakamatei; ia dou na cati vei ira na lewe ni veivanua kecega e na vuku ni yacaqu.

Maciu 5:44

ia koi au, kau sa kaya vei kemudou, Dou lomani ira na nomudou meca, vosa vinaka vei ira sa rukaki kemudou, caka vinaka vei ira sa cati kemudou, ka masulaki ira sa vakalialiai kemudou, ka vakacacani kemudou;

Luke 2:34

A sa vosavakalougatataki rau ko Simioni, a sa kaya vei Meri na tinana, Raica, ko koya oqo sa viritoka me bale sobu kina, se tu cake kina e lewe vuqa vei ira na Isireli; ka mei vakatakilakila ena vosavakacacataki;

Luke 6:22

Dou sa kalougata ni sa cati kemudou ko ira na tamata, ni ra sa vakatatabui kemudou, ka vakasewasewani kemudou, ka vakarogorogocataka na yacamudou, e na vukuna na Luve ni tamata.

Cakacaka 28:22

ia keitou sa via rogoci iko se cava ko sa nanuma: ni keitou sa kila sa vosavakacacataki na lotu tani oqo e na veivanua kecega.