Jeremaia 15:1 - Vakavakadewa Makawa

¹ Sa qai kaya vei au ko Jiova, Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo: biuti ira tani me'u kua ni raica, me ra lako tani ga.

Ai Vola Tabu (Vakadewa Makawa Vakavoutaki 2021)

¹ Sa qai kaya vei au ko Jiova, “Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo. Biuti ira tani me'u kua ni raica, me ra lako tani ga.

AI VOLA TABU

¹ A SA kaya vei au ko Jiova, Ke rau tu ko Mosese kei Samueli e mataqu, ke na sega ga ni gole na lomaqu vei ira na tamata o qo: biuti ira tani e mataqu, me ra lako tani ga.

Vakavakadewa Vou kei na iVola tale eso

¹ Ia sa qai kaya vei au o Jiova, “Kevaka e rau mai tu sara mada ga e mataqu o Mosese kei Samuela, au sa na sega ga ni vakaraitaka vei ira na tamata oqo e dua na loloma, vakatalai ira me ra lako tani, ka me ra yali mai na mataqu.

Ai Vola Tabu Ena Vakavakadewa Vou

¹ Ia sa qai kaya vei au ko Jiova, “Kevaka e rau mai tu sara mada ga e mataqu o Mosese kei Samuela, au sa na sega ga ni vakaraitaka vei ira na tamata oqo e dua na loloma, vakatalai ira me ra lako tani, ka me ra yali mai na mataqu.

Jeremaia 15:1 Iomraidhean Croise

Vakatekivu 19:27

A sa sou e na mataka ko Eparaama, ka lako ki na yasana ka tu kina ko koya e na mata i Jiova:

2 Tui 17:20

A sa biuta kecega na nodra kawa na Isireli ko Jiova, ka vakararawataki ira, ka soli ira ki na ligadra na dauvakacaca, ka yacova na gauna sa biuti ira tani kina e matana:

NA SAME 106:23

Sa kaya kina ko koya ni na vakarusai ira, Kevaka sa sega ni tu e na kedra maliwa kei na Kalou ko Mosese na nona digitaki, Me vagolea tani na nona cudru, me kakua ni vakarusai ira.

NA SAME 99:6

O Mosese kei Eroni vei ira na nona bete, Kei Samuela vei ira era masuta na yacana; Era sa masuti Jiova, a sa vakarorogo vei ira ko koya.

Vosavakaibalebale 14:35

Sa yalovinaka na tui vua na tamata vuku: Ia sa cudru vua sa ia na veivakamaduataki.

Jeremaia 10:18

ni sa kaya vakaoqo ko Jiova, Raica, koi au, ka'u na rabotaki ira tani na lewe ni vanua me vakadua ga oqo, ka'u na vakararawataki ira, me ra kunea sara.

Jeremaia 11:14

Ia ko iko, mo kakua ni masulaki ira na tamata oqo, mo kakua talega ni tagi se masu e na vukudra: ni'u na sega ni rogoci ira e na siga era sa tagi kina vei au e na nodra rarawa.

Jeremaia 14:11

Sa qai kaya vei au ko Jiova, Mo kakua ni masulaki ira na tamata oqo me ra vinaka.

Jeremaia 14:12

Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Jeremaia 15:19

O koya oqo sa kaya kina ko Jiova, Kevaka ko na saumaki mai, ka'u na qai vakayacori iko tale, mo mai tu ga e mataqu: ia kevaka ko na wasea tani na ka talei mai na ka sa sega ni yaga, ko na qai vaka ga na gusuqu: me ra saumaki mai vei iko ko ira; ia ko iko mo kakua ni saumaki vei ira.

Jeremaia 16:13

o koya oqo ka'u na biuti kemudou tani kina e na vanua oqo ki na vanua dou sa sega ni kila, se koi kemudou se ko ira na nomudou qase; ia dou na qaravi ira na kalou tani maikea e na siga kei na bogi; ka'u na sega ni lomani kemudou maikina.

Jeremaia 16:5

Ni sa kaya vakaoqo ko Jiova, Kakua ni ko curu ki na vale ni tagi yaso, kakua talega ni la'ki tagicaki ira se vakacegui ira: ni'u sa kauta tani na noqu vakacegu maivei ira na tamata oqo, sa kaya ko Jiova, io na yalololoma kei nai valavala loloma.

Jeremaia 18:20

Me saumi beka na vinaka e na ca? ka ni ra kelia nai keli me'u mate kina. Mo ni nanuma ni'u a tu e matamuni me vosa vinaka e na vukudra, ka me'u saumaka tani na nomuni cudru mai vei ira.

Jeremaia 22:28

Sa dua beka na matakau beci ka cataki na tamata oqo ko Konaia? se dua na bilo sa sega ni vinakati? a cava era sa biu tani kina ko koya kei na nona kawa, ka vakasevi ki na vanua eratou sa sega ni kila?

Jeremaia 23:39

o koya oqo, raica, koi au, io koi au, ka'u na guilecavi kemudou sara kina, ka biuti kemudou tani, kei na koro ka'u a solia vei kemudou kei ira na nomudou qase, mai na mataqu:

Jeremaia 35:19

o koya oqo sa kaya kina ko Jiova ni lewe vuqa, na Kalou ni Isireli; Ena sega ni yali na tagane e na kawa i Jionatapi na luve i Rekapi me tu e mataqu ka sega ni mudu.

Jeremaia 52:3

Ia sa yaco kina ki Jerusalemi kei Juta na cudru i Jiova, ka sa biuti ira tani kina e matana, ka sa talaidredre tiko ko Setekaia vua na tui Papiloni.

Jeremaia 9:19

Ni sa dua na domo ni tagi sa rogo mai Saioni, sa kaya, Ulei na noda vakacacani! eda sa madua vakalevu, ni da sa vakalaiva na vanua, ni sa biuti keda tani na nodai tikotiko.

Isikeli 14:14

ke ratou tiko kina na tamata tolutolu oqo, ko Noa, kei Taniela, kei Jope, ke ratou na dui vakabula ga na yalodratou e na nodratou yalododonu, sa kaya na Turaga ko Jiova.

Isikeli 22:30

Ia ka'u a qara vei ira e dua na tamata, me cakava na bai ni were, ka tu e na tiki ni bai e basuki me soro vei au e na vuku ni vanua, me'u kakua ni vakarusa: ia ka'u sega ni kunea e dua.

Osea 9:15

Sa vu ga na nodra ca kece mai Kilikali; ni ka'u a cati ira maikea: e na vuku ni ca ni nodra i valavala ka'u na vakasavi ira tani kina mai na noqu vale, ka'u na sega ni lomani ira tale: sa ra dauvuki tani o ira kece na nodra turaga.

Sakaraia 3:3

Ia ko Josua sa vakaisulu e nai sulu dukadukali, a sa wavu tu e na mata ni agilose.

Vakarua 9:26

Au a masu kina kivei Jiova, ka kaya, kemuni na Turaga, Jiova, mo ni kakua ni vakarusai ira na nomuni tamata kei na nomuni votavota, ko ira kemuni a vakabula e na nomuni vakaturaga, ko ira kemuni a kauta mai Ijipita e na ligamuni kaukauwa:

Iperiu 9:24

Ni sa sega ni curu na Karisito ki na loqi tabu sa caka e na liga, oqori sai vakatakarakara ga ni ka dina; sa curu ki na lomalagi dina ga, me rairai edaidai e na mata ni Kalou e na vukuda;

Dauveilewai 5:9

Au sa lomani ira na turaga ni Isireli, O ira era sa gu maivei ira na tamata. Dou vakavinavinaka vei Jiova.

1 Samuela 12:19

A ra sa kaya vei Samuela ko ira kecega na tamata, Mo masulaki keimami na nomu tamata vei Jiova na nomu Kalou, me keimami kakua ni mate: ni keimami sa kuria na neimami valavala ca kecega e na ca oqo, ni keimami sa kerea e dua na neimami tui.

1 Samuela 12:23

Ia koi au, me'u kakua sara ni cala vei Jiova ni ka'u sa cegu ni masulaki kemuni: ia ka'u na vakavulici kemuni e nai valavala vinaka ka dodonu:

1 Samuela 7:9

A sa kauta ko Samuela e dua na lami sa sucuma tiko na tinana, a sa vakacabora taucoko mei soro kama vei Jiova: a sa tagi ko Samuela vei Jiova e na vukudra na Isireli; a sa vakarorogo vua ko Jiova.