Jeremaia 14:3 - Vakavakadewa Makawa

³ ko ira talega na nodra turaga era sa talaki ira na nodra lalai ki na wai: era sa yaco ki nai keli, ka sega ni kunea na wai; era sa lesu ka maca wale na medra bilo; era sa madua ka taqaya, ka ra sa puloutaka na uludra:

Ai Vola Tabu (Vakadewa Makawa Vakavoutaki 2021)

³ Ko ira talega na nodra turaga era sa talaki ira na nodra lalai ki na wai; era sa yaco ki nai keli, ka sega ni kunea na wai; era sa lesu ka maca wale na medra bilo; era sa madua ka taqaya, ka ra sa ubia na uludra,

AI VOLA TABU

³ o ira talega na nodra turaga era sa talaki ira na nodra gone lalai ki na wai: era sa yaco ki nai keli, ka sega ni kunea na wai; era sa lesu ka lala wale na medra bilo; era sa madua ka taqaya, a ra sa tabonaka na uludra:

Vakavakadewa Vou kei na iVola tale eso

³ Era sa talai ira na nodra tamata na turaga Me ra la'ki taki wai; Era sa lako ki na veikeliwai, Ia era sa sega ni kunea kina na wai; Era sa lesu vata mai Kei na nodra saqa lala. Era sa yalo lailai ka veilecayaki, Ka ra sa ubia na uludra.

Ai Vola Tabu Ena Vakavakadewa Vou

³ Era sa talai ira na nodra tamata na turaga Me ra la'ki taki wai; Era sa lako ki na veikeliwai, Ia era sa sega ni kunea kina na wai; Era sa lesu vata mai Kei na nodra saqa lala. Era sa yalo lailai ka veilecayaki, Ka ra sa ubia na uludra.

Jeremaia 14:3 Iomraidhean Croise

2 Samuela 15:30

A sa cabe cake ko Tevita e nai cabecabe ni veiolive, a sa tagi tiko ni sa lako tu, a sa puloutaki tu na uluna, a sa sega ni vakaivava na yavana: a ra sa puloutaka na uludra na tamata kecega era lako vata kaya, a ra sa lako cake, ka tagi lako ga.

2 Samuela 19:4

A sa puloutaka na matana na tui, ka qoqolou vakadomolevu na tui, Ulei, Apisalomi na luvequ! ulei, Apisalomi! ulei, na luvequ, na luvequ!

1 Tui 17:7

Ia sa bogi vica, sa qai maca na uciwai, ni sa sega ni tau na uca e na vanua.

2 Tui 18:31

Dou kakua ni vakarorogo vei Esekaia: ni sa kaya vakaoqo ko tui Asiria, Dou soro mada mai vei au, ka ucu mada vei au, ka kania tiko na tamata yadua na vua ni nona vaini, kei na vua ni nona lolo, ka gunuva na tamata yadua na wai ni nona mata-ni-wai:

Esiteri 6:12

A sa lako tale mai ki na matamata ni koro ko Moatekai. A sa lako vakusakusa ki na nona vale ko Emani, ka tagi lako, a sa solei tutuvi.

Jope 6:20

Era sa madua ni ra a vakararavi kina; Era sa lako mai kina, a ra sa taqaya.

NA SAME 109:29

Me ra vakaisulutaki e na madua ko ira na noqu meca, Ia me ra solei tutuvi e na ka era madua kina me vaka e nai sulu.

NA SAME 40:14

Me ra madua ka kidroa vata Era segata na yaloqu me ra vakarusa; Me ra suka vakainadaku ka vakamaduataki Ko ira era gadreva tiko me'u vakacacani.

Jeremaia 14:4

ni sa kakaca na qele, ni sa sega na uca e na vanua, era madua nai vakatau-ni-were, era sa puloutaka na uludra.

Jeremaia 15:18

A cava sa sega ni mudu kina na noqu rarawa, kei na noqu mavoa me sega ni bula rawa, ka sa sega ni via bula? ko ni na vaka dina sara beka e dua na daulasu vei au, ka vaka na wai sa yali ga?

Jeremaia 2:13

ni sa rua na ka ca era sa cakava, ko ira na noqu tamata; era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca, ka sa lu tikotikoga.

Jeremaia 2:37

Io, ko na lako tani talega kina maivei koya ka na toka na ligamu ki ulumu: ni sa biuti ira ko sa vakararavi kina ko Jiova ia ko na sega ni vakayacori kina.

Jeremaia 20:11

Ia ko Jiova ga sa tiko vata kei au me vaka e dua na qaqa rerevaki: o koya oqo era na tarabe kina era sa vakacacani au, ka ra na sega ni gumatua: era na madua vakalevu; ni ra na sega ni cakacaka yaco: a nodra madua sa sega ni mudu ena sega ni guileca.

Jeremaia 3:3

Sa bureitaki kina na uca, a sa sega kina na uca taumuri; ia na yadremu sa vaka na yadrena na yalewa dautagane, ko sa bese ni madua.

Lele i Jeremaia 4:4

Sa kakabi na yamena na gone sa sucu tiko ki loma ni gusuna e cake, ni sa viagunu: Ko ira na gone lalai era sa kere madrai, ka sa sega e dovia vei ira.

Osea 2:3

de'u vakaluvawaletaki koya, ka vakavotui koya me vaka e na siga ka sucu kina, ka cakava me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Joeli 1:20

A manumanu ni vanua talega sa tagi vei kemuni: ni sa di mai na dreke ni wai, ia na bukawaqa sa kania na vanua veico mai veikau.

Emosi 4:7

Ia koi au talega, ka'u a bureitaka vei kemudou na uca, ni sa vo e tolu na vula ka me qai cava na yabaki: ia ka'u a vakatauca na uca ki na dua na koro, ka sega ni vakatauca ki na dua tale na koro: e dua na tikina sa tau kina na uca, ia na tikina e sega ni tau kina sa malai:

Emosi 4:8

a sa se ki na dua ga na koro e rua se tolu na koro, me ra gunu wai; a ra sa sega ni mamau kina: ia dou a sega ga ni lesu vei au, sa kaya ko Jiova.

Sakaraia 14:17

Ia ko ira yadua vei ira na veimatanitu e vuravura sa na sega ni lako cake ki Jerusalemi me soro vua na Tui, ko Jiova ni lewe vuqa, ena sega ni tau vei ira na uca.