Jeremaia 14:16 - Vakavakadewa Makawa

¹⁶ Ia na tamata era sa dauparofisai vei ira era na biu tu ki na saqata ni koro ko Jerusalemi e na vuku ni dausiga kei nai seleiwau; ena sega talega e dua me buluti ira, ko ira, se na watidra, se na luvedra tagane, se na luvedra yalewa: ia ka'u na sovaraka ga vei ira na nodra ca.

Ai Vola Tabu (Vakadewa Makawa Vakavoutaki 2021)

¹⁶ Ia na tamata era sa dauparofisai vei ira era na biu tu ki na saqata ni koro ko Jerusalemi e na vuku ni dausiga kei nai seleiwau. Ena sega talega e dua me buluti ira—ko ira, se na watidra, se na luvedra tagane, se na luvedra yalewa. Ia ka'u na sovaraka ga vei ira na nodra ca.

AI VOLA TABU

¹⁶ Ia ko ira na tamata era ia kina na parofisai era na biu tu ki nai saqata ni koro ko Jerusalemi e na vuku ni dausiga kei nai seleiwau; ena sega talega e dua me buluti ira, sei ira, se na watidra, se na luvedra tagane, se na luvedra alewa: ia kaʼu na sovaraka ga vei ira na nodra ca.

Vakavakadewa Vou kei na iVola tale eso

¹⁶ Era na mate talega na tamata e tukuni vei ira na veika oqo ena i valu kei na dausiga. Na yagodra ena viritaka ena veigaunisala mai Jerusalemi, ka na sega e dua me na buluti ira. Na ka oqo ena yacovi ira kece, ena yacovi ira na watidra, na luvedra tagane kei na luvedra yalewa. Au na sauma vei ira na nodra i valavala ca.”

Ai Vola Tabu Ena Vakavakadewa Vou

¹⁶ Era na mate talega na tamata e tukuni vei ira na veika oqo ena i valu kei na dausiga. Na yagodra ena viritaka ena veigaunisala mai Jerusalemi, ka na sega e dua me na buluti ira. Na ka oqo ena yacovi ira kece, ena yacovi ira na watidra, na luvedra tagane kei na luvedra yalewa. Au na sauma vei ira na nodra i valavala ca.”

Jeremaia 14:16 Iomraidhean Croise

Vosavakaibalebale 1:31

O koya era na kania kina na vua ni nodra i valavala, Ka ra na vakamamautaki e na nodra lewa.

Aisea 51:20

Sa waicala na yalodra; ko ira na luvemu era sa koto e na mua ni saqata ni koro kecega, me vaka na pulumokau tagane kila e na lawa; ni sa ka levu sara na nona cudruvi ira ko Jiova, kei na nodra vunauci mai vua na nomu Kalou.

Aisea 9:16

Io ko ira sa tuberi ira na tamata oqo, era sa vakacalai ira; ko ira era sa tuberi, era sa tilomi sara.

Jeremaia 16:4

Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Jeremaia 18:21

O koya mo ni solia kina na luvedra me ra viakana, ka vakadavea na kedra dra e na kaukauwa ni seleiwau; ia me yali vei ira na watidra na luvedra, ka me ra yada talega; ka me ra vakamatei na nodra tagane; ia na nodra cauravou, me ra mate e nai seleiwau e nai valu.

Jeremaia 20:6

Ia ko iko, Pasuri, kei ira kece era tiko e na nomu vale, dou na la'ki vakabobulataki: ia dou na yaco ki Papiloni, ka dou na mate talega kina, ka dou na bulu kina, ko iko, kei ira kecega na wekamu, ko sa parofisaitaka kina na ka lasu.

Jeremaia 27:15

ni'u a sega ni talai ira, sa kaya ko Jiova, ka ra sa parofisaitaka na ka lasu e na yacaqu; me'u vakasevi kemudou tani kina, mo dou rusa, koi kemudou, kei ira na parofita era sa ia na parofisai vei kemudou.

Jeremaia 4:18

A nomu i valavala kei na nomu cakacaka sa vakayacora na ka oqo vei iko; oqo na nomu caka ca ga, ka sa gaga sara, sa lau sara ki na vu ni yalomu.

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 7:33

na yagodra talega na tamata oqo ena kedra na manumanu vuka, kei na manumanu ni vanua; ka sega e dua me varea tani.

Jeremaia 8:1

Sa vaka ko Jiova, E na gauna ko ya era na kauta na suidra na tui Juta, kei na suidra na kena turaga, kei na suidra na bete, kei na suidra na parofita, kei na suidra na kai Jerusalemi, mai na nodra i bulubulu:

Jeremaia 8:2

ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa daulakova, oqori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Jeremaia 9:20

Ia dou rogoca na vosa i Jiova, koi kemudou na yalewa, ka vakabauta e na daligamudou na vosa ni gusuna, ka vakavulici ira na luvemudou yalewa e na tagi, kei ira yadua na kai nona na lele.

Jeremaia 9:22

Mo vaka, Sa kaya vakaoqo ko Jiova, Ia ena bale na yago ni tamata, me vaka na de-ni-manumanu, e dela ni vanua, ka vaka na sila sa taura ka vakalaiva ki muri ko koya sa tamusuka voli, ka na sega e dua me kumuni ira.

Isikeli 39:14

Ia ni sa oti e vitu na vula era na qai lesia eso na tamata daucakacaka, me ra lako voli tikoga e na vanua me ra veivuke kei ira era lako voli yani me buluta na yagodra sa no e dela ni vanua, me vakasavasavataki kina na vanua.

Emosi 7:17

O koya oqo sa kaya kina ko Jiova; A watimu ena ia na dautagane e na koro, a luvemu tagane talega kei na luvemu yalewa era na bale e nai seleiwau, a nomu vanua talega, ena votai ni sa vakarauti e na dali; ia ko iko ko na mate e na vanua tawa savasava: ko ira talega na Isireli, era na kau tani sara vakabobula mai na nodra vanua.

Maciu 15:14

Dou laivi ira ga: era sa mataboko, a ra sa tuberi ira na mataboko. Ia kevaka e tubera na mataboko na mataboko, erau na sikalutu ruarua ki na keli.

Vakatakila 16:1

Ia ka'u a rogoca e dua na domo levu mai na vale-ni-lotu, sa kaya vei iratou na agilose e le vitu, Dou lako, ka sovaraka yani na bilo e vitu ni cudru ni Kalou ki vuravura.