Jeremaia 14:12 - Vakavakadewa Makawa

¹² Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Ai Vola Tabu (Vakadewa Makawa Vakavoutaki 2021)

¹² Ni ra sa lolo, ka'u na sega ni rogoca na nodra tagi, ni ra sa vakacabora nai soro kama kei nai madrali, ka'u na sega ni vinakati ira. Ia ka'u na vakarusai ira ga e nai seleiwau, kei na viakana, kei na mate dauveiveitauvi.”

AI VOLA TABU

¹² Ni ra sa lolo, kaʼu na sega ni rogoca na nodra tagi; ni ra sa cabora nai soro kama kei nai madrali, kaʼu na sega ni vinakati ira: ia e nai seleiwau, kei na viakana, kei na mate dauveitauvi, kaʼu na vakarusai ira ga kina.

Vakavakadewa Vou kei na iVola tale eso

¹² Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Ai Vola Tabu Ena Vakavakadewa Vou

¹² Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 14:12 Iomraidhean Croise

Jope 27:9

Ena rogoca beka na Kalou na nona tagi Ni sa qai yacovi koya na ka rarawa?

Vosavakaibalebale 1:28

Era na qai kaci mai vei au, ia ka'u na sega ni rogo yani; Era na qarai au vagumatua, a ra na sega ni kunei au:

Vosavakaibalebale 15:8

Sa ka vakasisila vei Jiova na nodra i soro nai valavala ca: Ia na nodra masu na yalododonu sa vinakata ko koya.

Vosavakaibalebale 21:27

A nodra i soro na tamata ca sa ka vakasisila: Ka vakalevu, ni sa nanuma ca ko koya ni sa kauta mai.

Vosavakaibalebale 28:9

O koya sa vaqara tani na daligana me kakua ni rogoca na vunau, Ena ka vakasisila na nona masumasu.

Aisea 58:3

Era kaya, A cava keimami sa lolo kina, ka ko ni sa sega ni raica? ka vakararawataki keimami kina, ka ko ni sa sega ni kila? Raica, e na nomudou siga ni lolo dou sa goleva na marau, ia dou sa vakasaurarataka na nomudou tamata cakacaka kecega.

Jeremaia 11:11

O koya oqo sa kaya kina ko Jiova, Raica, au na vakayacora vei ira na ca, ka ra na sega ni dro tani rawa maikina, era na qai tagi vei au, ia ka'u na sega ga ni rogoci ira.

Jeremaia 11:14

Ia ko iko, mo kakua ni masulaki ira na tamata oqo, mo kakua talega ni tagi se masu e na vukudra: ni'u na sega ni rogoci ira e na siga era sa tagi kina vei au e na nodra rarawa.

Jeremaia 15:1

Sa qai kaya vei au ko Jiova, Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo: biuti ira tani me'u kua ni raica, me ra lako tani ga.

Jeremaia 16:4

Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Jeremaia 21:6

Ia ka'u na yaviti ira na lewe ni koro oqo, na tamata kei na manumanu: era na mate ga e na mate dauveiveitauvi:

Jeremaia 24:10

ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Jeremaia 32:24

Raica na suva, era sa mai viria ki na koro me ra kaba; ia na koro oqo sa soli ki na ligadra na kai Kalitia, era mai vala kina, e na vuku ni seleiwau, kei na viakana, kei na mate dauveiveitauvi: ia na ka ko ni sa vosataka, sa yaco ga: ka raica, ko ni sa kunea.

Jeremaia 6:20

A cava na betena ni sa kau mai vei au na ka boi vinaka mai Sipa, kei na kalamo vinaka mai na vanua vakayawa? a nomudou i soro kama sa sega ni donu, kei na nomudou i madrali sa sega ni kamikamica vei au.

Jeremaia 8:13

Ni'u na sa veti ira, ka'u na veti ira sara, sa kaya ko Jiova: ena sega kina na vua ni vaini, se na vua ni lolo, ena malai talega na drauna: ia na ka ka'u a solia vei ira ena takali tani vei ira.

Jeremaia 9:16

ka'u na dui vakasevi ira talega ki na veimatanitu, sa ra sega ni kila, se ko ira se na nodra qase: ia ka'u na lewa me muri ira e dua nai seleiwau, me'u vakaoti ira mada ga.

Isikeli 14:19

Kevaka ka'u na vakayacora ki na vanua ko ya na mate dauveiveitauvi, ka sovaraka na noqu cudru e na mate, me'u muduka tani maikina na tamata kei na manumanu:

Isikeli 14:21

Ni sa kaya vakaoqo na Turaga ko Jiova; Io ka vakabeka evei na kena levu cake ni ka'u sa vakauta ki Jerusalemi na noqu ka rarawa kava, nai seleiwau, kei na viakana, kei na manumanu ca, kei na mate dauveiveitauvi, me'u muduka tani maikina na tamata kei na manumanu?

Isikeli 8:18

O koya oqo ka'u na cakacaka kina e na cudru: ena sega ni vosovoso na mataqu, au na sega talega ni yalololoma: ia ke ra tagi vakadomoilevu e na daligaqu, ka'u na sega ni rogoci ira.

Osea 5:6

Era na lako vata kei na nodra qele ni sipi kei na nodra qele ni pulumokau, me ra qarai Jiova; ka ra na sega ni kunei koya; sa lako tani vei ira ko koya.

Emosi 5:21

Au sa cata, au sa vakasisilataka na nomudou so levu, au na sega talega ni vinakata na nomudou i soqosoqo tabu.

Maika 3:4

Era na qai tagi vei Jiova, ia ena sega ni rogoci ira ko koya: io, ena tabonaka na matana maivei ira e na gauna ko ya, ni sa ca na nodra i valavala.

Sakaraia 7:13

A sa yaco, me vaka ni sa kaci ko koya, ka ra bese ni rogoca; sa ra kaci vaka talega kina ko ira, ia ka'u a bese ga ni rogoca, sa kaya ko Jiova ni lewe vuqa:

Malakai 1:10

Ke dua mada vei kemudou ena via sogota na katuba! mo dou kua mada ni vakawaqa wale na buka e na noqu i cabocabo-ni-soro. Au sa sega sara ni vinakati kemudou, sa kaya ko Jiova ni lewe vuqa, ia ka'u na sega talega ni vakadonuya mai na ligamudou e dua nai madrali.

Malakai 2:13

Ia na ka oqo dou sa baci cakava vakarua, ka sa ubia nai cabocabo-ni-soro i Jiova e na wai ni mata, e na tagi, kei na tagi qoqolou, ka sa sega kina ni goleva tiko nai madrali ko koya, se vakadonuya e na yalovinaka mai na ligamudou.

Vakatakila 6:8

Ia ka'u a vakaraica, ka raica, sa dua na ose vulavula ca: ia na yaca i koya sa vodo tiko kina ko Mate, ka sa muri vata kaya ko Etesi. A sa soli vua me rawa nai kava ni kena wase ko vuravura, me vakamatei e nai seleiwau, kei na viakana, kei na mate ca, kei na manumanu kila kei vuravura.