Jeremaia 13:25 - Vakavakadewa Makawa

²⁵ sa kemu ga oqo, nai votavota ka'u sa vakarautaka me nomu, sa kaya ko Jiova; ni ko sa guilecavi au, ka vakararavi ki na ka lasu:

Ai Vola Tabu (Vakadewa Makawa Vakavoutaki 2021)

²⁵ Sa kemu ga oqo, nai votavota ka'u sa vakarautaka me nomu, sa kaya ko Jiova; ni ko sa guilecavi au, ka vakararavi ki na ka lasu.

AI VOLA TABU

²⁵ sa kemu ga o qo, nai votavota kaʼu sa vakarauta me nomu, sa kaya ko Jiova; e na vuku ni ko sa guilecavi au, ka vakaravita na ka lasu:

Vakavakadewa Vou kei na iVola tale eso

²⁵ A sa kaya o Jiova ni sai koya oqo na ka ca ena yaco vei kemuni baleta ni o ni sa guilecavi koya, ka vakadinata na veikalou lasu.

Ai Vola Tabu Ena Vakavakadewa Vou

²⁵ A sa kaya ko Jiova ni sai koya oqo na ka ca ena yaco vei kemuni baleta ni o ni sa guilecavi koya, ka vakadinata na veikalou lasu.

Jeremaia 13:25 Iomraidhean Croise

Jope 20:29

Oqo nai votavota ni tamata i valavala ca mai vua na Kalou, Kei na ka sa lesia na Kalou me nona.

NA SAME 11:6

Ena vakatauca nai cori vei ira na tamata i valavala ca ko koya; Na bukawaqa kei na sulifure, kei na cava rerevaki sa kedrai votavota e na medra bilo.

NA SAME 9:17

Ena vakasevi ki eli ko ira na tamata ca, Kei ira na lewe ni veivanua kecega era sa guilecava na Kalou.

Aisea 17:4

Ia ena yaco e na siga ko ya, ena qai lailai mai nai ukuuku i Jekope, ka na yago ca mai na nona yagolevu.

Aisea 28:15

Ni dou a kaya, Keitou a veiyalayalati kei mate, ka veisorosorovi kei etesi; ni sa lako voli mai na ca sa vuabale, ena sega ni yacovi keitou; ni keitou sa cakava na lasu me neitou i vakaruru, ka vunitaki keitou e nai lawaki.

Aisea 34:17

A sa ia na vakawiri madigi vei ira ko koya, a sa vota vei ira na ligana e na dali i vakarau: era na taukena ka tawa mudu, era na tiko kina mai nai tabatamata ka yacova nai tabatamata.

Aisea 65:7

na nomudou caka cala, sa kaya ko Jiova, kei na nodra caka cala na tamamudou, era sa vakama nai madrali boi vinaka e na veiulu-ni-vanua, ka vosavakacacataki au e na veiulu-ni-koro: ia ka'u na sauma na nodra cakacaka eliu ki na lomaseredra.

Jeremaia 10:14

Sa vakasesei tani na tamata kecega mai na vuku: sa vakamaduataki na matai kecega e na matakau ceuceu: ni sa ka lasu sara na nona matakau e vakawaicalataki, ka sa sega nai cegu e tiko kina.

Jeremaia 18:15

ka ni ra sa guilecavi au na noqu tamata, ia era sa vakama kina na ka boi vinaka ki na ka lasu, ka ra sa vakatarabetaki ira e na nodra sala, ka sa biu ga nai lakolako makawa, me ra lako vakatikitiki e na sala sa sega ni buluti;

Jeremaia 2:13

ni sa rua na ka ca era sa cakava, ko ira na noqu tamata; era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca, ka sa lu tikotikoga.

Jeremaia 2:32

Me guilecava li na goneyalewa na nona ka ni ukuuku, se na yalewa sa qai vakawati na nonai sulu ni vakawati? ia na noqu tamata era sa guilecavi au ka bogi vuqa sa sega ni wili rawa.

Jeremaia 3:21

E dua na domo sa rogo e na veiyasana cecere, na nodra tagi kei na nodra vakamamasu na Isireli: ni ra sa vakavevetaka na nodra sala, ka ra sa guilecavi Jiova na nodra Kalou.

Isikeli 23:35

O koya oqo sa kaya kina na Turaga ko Jiova; Ni ko sa guilecavi au, ka vakanadakui au, me yaco vei iko na kenai sau ni nomu i valavala velavela kei na nomu dautagane.

Maika 3:11

o ira na nodra turaga era sa ia na veilewai me ra vakaisolisoli kina, kei ira na nodra bete era sa ia nai vakavuvuli me ra vakaivoli kina, kei ira na nodra parofita era sa ia na caka mana vakailasu me ra vakailavo kina: ia era na vakararavi ga vei Jiova, ka kaya, Sa sega li ni tiko vata kei keda ko Jiova? ena sega ni yacovi keda e dua na ca.

Sefanaia 3:2

Sa sega ni vakarorogo ki na domona, sa bese ni vakavulici; sa sega ni vakararavi vei Jiova; sa sega ni toro vua na nona Kalou.

Maciu 24:51

ena qai varomusuka rua, ka vota vua mei votavota vata kei ira na dauveivakaisini: ena dautagi kina, ka vakasequruquru bati.

Roma 1:25

ia era sa vakaisosomitaka nai vakavuvuli dina ni Kalou, e na ka e lasu wale, a ra sa soro kina ka qarava na ka sa buli ka segai ko koya sa bulia, o koya sa nona na vakarokoroko ka sega ni mudu. Emeni.