Jeremaia 13:21 - Vakavakadewa Makawa

²¹ A cava ko na qai kaya ni sa cudruvi iko ko koya? ni sai iko ga ka vakavulici ira me ra nomu turaga, ka me ra liu: ena sega beka ni tauvi iko na rarawa, me vaka na yalewa sa taratara?

Ai Vola Tabu (Vakadewa Makawa Vakavoutaki 2021)

²¹ A cava ko na qai kaya ni sa cudruvi iko ko koya? Ni sai iko ga ka vakavulici ira me ra nomu turaga, ka me ra liu. Ena sega beka ni tauvi iko na rarawa, me vaka na yalewa sa taratara?

AI VOLA TABU

²¹ A cava mo qai kaya ni sa qai cudruvi iko ko koya? ia ko iko ga ko sa vakavulici ira me ra nomu turaga, me ra liu: me sega beka na rarawa me tauvi iko, me vaka na alewa sa taratara?

Vakavakadewa Vou kei na iVola tale eso

²¹ A cava o ni nanuma me baleti ira na tamata o ni nanuma ni ra sa nomuni tokani era sa lesi me ra nomuni i liuliu? O ni na rarawa me vaka e dua na yalewa sa taratara?

Ai Vola Tabu Ena Vakavakadewa Vou

²¹ A cava o ni nanuma me baleti ira na tamata o ni nanuma ni ra sa nomuni tokani era sa lesi me ra nomuni i liuliu? O ni na rarawa me vaka e dua na yalewa sa taratara?

Jeremaia 13:21 Iomraidhean Croise

2 Tui 16:7

A sa vakatadu mata ko Easi kivei Tikilaci-pileseri na tui Asiria, ka kaya, Koi au na nomu tamata, kei na luvemu: mo lako cake mai, ka vakabulai au mai na liga i tui Siria, kei na liga i tui Isireli, erau sa noqu meca.

Aisea 10:3

Ia ka cava mo dou kitaka e na siga ni veitarogi, kei na veivakarusai sa lako vakayawa mai? dou na dro vei cei mo dou vukei kina? ia dou na laiva kivei na ka dou sa dokai kemudou kina?

Aisea 13:8

A ra na sautaninini; na yaluma kei na rarawa ena tauvi ira; era na yaluma me vaka na yalewa sa taratara; era na dui kidacala e dua vua e dua; ia na matadra ena vaka na yameyame ni buka.

Aisea 21:3

O koya sa yaluma kina na toloqu; sa tauvi au na rarawa, me vaka na yaluma vua na yalewa sa taratara; ni'u sa rogoca, ka'u sa sautaribariba kina; ni'u sa raica, ka'u sa taqaya.

Jeremaia 2:25

Me kua mada ni tawa vakaivava na yavamu; ka tarova na nomu i tilotilo, mo kakua ni viagunu: ia ko a kaya, Sa sega vei au nai nuinui: sa segai sara; ni'u a lomani ira na kai tani, ia ka'u na muri ira ga.

Jeremaia 22:23

Ko iko ka tiko mai Lepanoni, ka cakava na nomu i sova e na sitari, ko na ka lomani dina sara ni sa yacovi iko na rarawa, na yaluma me vaka na yalewa sa taratara!

Jeremaia 30:6

Dou veitarogi mada, ka vakaraica se dua na tagane sa taratara? a cava ka'u sa raica kina na tamata yadua ni sa dui toka na ligana e tolona, me vaka na yalewa sa taratara, ka sa matacea mai na matadra kecega?

Jeremaia 38:22

Raica, ko ira kece na yalewa era tiko e na vale i tui Juta, era na kau yani vei ira na tamata turaga nei tui Papiloni, era na qai kaya na yalewa ko ya, Era sa vakauqeti kemuni, ka ra gumatua ko ira na wekamuni: sa lutu dromu ki na lolobo na yavamuni, ka ra qai vuki tani vei kemuni.

Jeremaia 4:30

Ia ni ko sa vakacacani, a cava mo qai cakava? Kevaka ko sa vakaisulutaki iko e nai sulu kulakula, kevaka ko sa vakaiukuukutaki iko e nai ukuuku koula, kevaka ko sa qumuta na matamu, ena sega ni yaga na nomu vakamatavinakataki iko; era na beci iko ga na nomu i tau, era na segata me ra vakamatei iko.

Jeremaia 4:31

Ni'u sa rogoca e dua na domo sa vaka na domo ni yalewa sa taratara, ka vaka na yaluma i koya sa vakasucuma na nona ulumatua, na domo ni goneyalewa ni Saioni, ni sa tagicaki koya ga, ni sa dodoka na ligana, ka kaya, Ulei koi au oqo! ni sa luvu na yaloqu e na vukudra na daulaba!

Jeremaia 48:41

Sa kabai na veikoro, ia na bai ni valu kaukauwa sa rawa sara, ia na yalodra na qaqa ni Moapi e na siga ko ya ena vaka na yalo ni yalewa sa taratara.

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 6:24

Keitou sa rogoca na kenai rogorogo: sa malumalumu mai na liga i keitou: sa tauvi keitou na rarawa, kei na yaluma me vaka na yalewa sa taratara.

Isikeli 28:9

Ko na kaya tiko li e na mata i koya sa vakamatei iko, Sa Kalou koi au? ia ko sa tamata ga, ko sa sega ni Kalou, e na liga i koya sa vakamatei iko.

Maciu 24:8

Ia na ka kecega oqo sa kenai vakatekivu ni ka rarawa.

1 Cesalonaika 5:3

Ni ra kaya tiko, Sa mai vakacegu ka tiko vinaka; ena qai yaco vakidacala vei ira na rusa, me vaka na yaluma vua na yalewa sa bukete; a ra na sega ni dro tani rawa.