Jeremaia 13:18 - Vakavakadewa Makawa

¹⁸ Mo kaya vei rau na tui kei na ranadi, Drau vakamalumalumutaki kemudrau, drau tiko sobu: ni na lako sobu mai na kemudrau ka levu, io na nomudrau i sala vakaiukuuku:

Ai Vola Tabu (Vakadewa Makawa Vakavoutaki 2021)

¹⁸ Mo kaya vei rau na tui kei na ranadi; “Drauvakamalumalumutaki kemudrau, drau tiko sobu; ni na lako sobu mai na kemudrau ka levu, io na nomudrau i sala vakaiukuuku.”

AI VOLA TABU

¹⁸ Mo kaya vei rau na tui kei na ranadi, Drau vakamalumalumutaki kemudrau, drau tiko sobu: ni na lako sobu mai na kemudrau ka levu, io na nomudraui sala vakaiukuuku:

Vakavakadewa Vou kei na iVola tale eso

¹⁸ A sa kaya o Jiova vei Jeremaia, “Tukuna vua na tui Kei na tinana na ranadi Me rau siro sobu Mai na nodrau i dabedabe vakaturaga, Baleta na nodrau i sala vakatui rairai vinaka Sa lutu mai na uludrau.”

Ai Vola Tabu Ena Vakavakadewa Vou

¹⁸ A sa kaya ko Jiova vei Jeremaia, “Tukuna vua na tui Kei na tinana na ranadi Me rau siro sobu Mai na nodrau i dabedabe vakaturaga, Baleta na nodrau i sala vakatui rairai vinaka Sa lutu mai na uludrau.”

Jeremaia 13:18 Iomraidhean Croise

2 Tui 24:12

A sa curu yani vei tui Papiloni ko Jioiakini na tui Juta, o koya kei tinana, kei ira na nona tamata, kei ira na nona tamata turaga, kei ira na nona turaga lalai: a sa tauri koya ko tui Papiloni e na kenai kawalu ni yabaki ni nona lewa.

2 Tui 24:15

A sa kauti Jioiakini ki Papiloni; a sa kauti ira vakabobula, na tinana na tui, kei iratou na watina na tui, kei ira na nona turaga lalai, kei ira ka uasivi e na vanua, mai Jerusalemi ki Papiloni.

2 Veigauna 33:12

Ia ni sa rarawa ko koya, sa vakamasuti Jiova na nona Kalou, ka vakamalumalumutaki koya vakalevu e na mata ni nodra Kalou na nona qase.

2 Veigauna 33:19

A nona masu talega, kei na nona vakarogoci, kei na nonai valavala ca kecega, kei na nona caka cala, kei na veiyasana sa tara kina ko koya na veitikina cecere, ka vakaduria kina na kalouyalewa ni veikau kei na matakau ceuceu, ni sa bera ni vakamalumalumutaki koya; raica, sa volai vata kei na nodra vosa na rairai.

2 Veigauna 33:23

Ka sega ni vakamalumalumutaki koya e na mata i Jiova, me vaka ka vakamalumalumutaki koya ko Manasa na tamana; ia sa uasivi cake tiko e na nona caka cala ko Emoni.

Lako Yani 10:3

A rau a la'ki curu vei Fero ko Mosese kei Eroni, a rau sa kaya vua, Sa vosa vakaoqo ko Jiova na nodra Kalou na Iperiu, A cava na kena dede ni ko sa bese tiko ni vakamalumalumutaki iko vei au? mo laivi ira na noqu tamata me ra lako, me ra qaravi au:

Lako Yani 39:28

kei nai sala e na lineni matailalai, kei nai sala vinaka e na lineni matailalai, kei na tarausese lekaleka lineni ni wa muloci matailalai,

Vosavakaibalebale 27:24

Ni sa sega ni tawa mudu nai yau: Ia nai sala vakaturaga ena yaco tiko li ki nai tabatamata kecega?

Aisea 3:20

nai sala, kei na sinucodo ni vesa, kei nai vau, kei na tavaya ka boi vinaka, kei nai vakadaro ni ca,

Aisea 3:26

Ena levu na tagi kei na yaso e na nona matamata-ni-koro; ia ko koya ni sa lala tu ena tiko sobu e na qele.

Aisea 47:1

Lako sobu mai, ka mani dabe e na kuvu-ni-soso, ko iko na goneyalewa ni Papiloni; mo tiko e na qele, sa sega nai tikotiko vakaturaga, ko iko na goneyalewa ni kai Kalitia: ni ko na sega ni vakatokai tiko na yalewa vakamarama.

Jeremaia 22:24

Me vaka na dina ni noqu bula, sa kaya ko Jiova, ke sa mama ni taba e na ligaqu i matau, ko Konaia na luve i Jioiakimi na tui Juta, ke'u sa na cavuti iko tani;

Jeremaia 22:26

Ia ka'u na biuti iko tani, kei na tinamu ka vakasucumi iko, ki na dua na vanua tani drau a sega ni sucu kina; ia drau na mate ga maikea.

Jeremaia 29:2

(ni ra sa lako tani oti mai Jerusalemi ko Jekonaia na tui, kei koya na kuini, kei ira na matanivanua, kei na turaga ni Juta kei Jerusalemi, kei ira na matai ni kaukamea kei ira na matai tani;)

Jeremaia 36:16

Ia ni ra sa rogoca na vosa kecega, era sa dui rere na tamata yadua, ka ra kaya vei Peruki, Keitou na tukuna vakaidina vua na tui na vosa kecega oqo.

Lele i Jeremaia 1:6

A sa takali vua na goneyalewa ni Saioni na nona totoka kecega; Ko ira na nona turaga, era sa vaka na ati sa sega ni kunea rawa na vanua veico, A ra sa lako tu ga ka sega na nodra kaukauwa e na mata i koya sa vakasava.

Lele i Jeremaia 1:9

A nona dukadukali sa tauva na bele ni nonai sulu; sa sega ni nanuma ko koya ki na nonai otioti; O koya oqo sa ka ni veivakidacalataki na nona lako sobu: sa sega e dua me vakacegui koya. Mo ni raica, Jiova, na noqu rarawa: ni sa vakalevulevui koya na meca.

Lele i Jeremaia 2:10

Era sa tiko sobu e na qele, era sa galu toka na qase kei koya na goneyalewa ni Saioni: Era sa kabua na uludra e na kuvu-ni-soso; era sa sulumaka nai sulu taga: Era sa cuva ki na qele ko ira na goneyalewa ni Jerusalemi.

Lele i Jeremaia 5:16

Sa lutu tani nai sala vakaturaga mai na ulu i keimami: Ulei koi keimami oqo, ni keimami sai valavala ca!

Isikeli 16:12

ka vakaiukuukutaki iko e na mama ni ucu, kei na mama ni daligamu, ka vakaisalataki iko e nai sala lagilagi.

Isikeli 21:26

sa kaya vakaoqo na Turaga ko Jiova; Mo luvata tani nai sala dina, ka kauta tani nai sala vakatui: ena sega ni koyakoya tiko: o koya sa vakasivoi, mo toroya cake, kei koya sa levu cake, mo vakasivoya.

Isikeli 24:17

Mo kakua ni qoqolou, mo kakua talega ni tagicaka na mate, mo vakaisala ga, ka daramaka vei iko na nomu i vava, kakua ni ubia na tebenigusumu, ka mo kakua ni kana e na burua.

Isikeli 24:23

ena vakaisala talega na ulumudou, ka vakaivava na yavamudou: dou na sega ni yaso se tagi, ia sa na lutu sobu na yagomudou e na vuku ni nomudou i valavala ca, ka dou na dui vutugu vakataki kemudou.

Isikeli 44:18

Me ra vakaisala e nai sala lineni ga; ka me ra vakatarausese lekaleka e na lineni; me ra kakua ni vauca vei ira e dua na ka era na bunobunoa kina.

Taniela 5:20

Ia ni sa dokadokai koya, ka sa vakaukauwataki na yalona e na viavialevu, sa qai vakasivoi ko koya mai na nonai tikotiko vakatui, ka ra sa kauta tani maivua na ka sa rogo kina:

Jona 3:6

Ni sa rogo vei tui Ninive na vosa oqori, ka sa tu cake ko koya mai na nonai tikotiko vakaturaga, ka luvata tani na nonai sulu vakatui, ka sa vakaisulutaki e nai sulu taga, ka la'ki tiko e na dravusa.

Maciu 18:4

ia ko koya sa vakamalumalumutaki koya me vaka na gone lailai oqo, ko koya ga sa levu cake e na matanitu vakalomalagi.

Jemesa 4:10

Dou vakamalumalumutaki kemudou e na mata ni Turaga, ka na laveti kemudou cake ko koya.

1 Pita 5:6

O koya oqo mo dou qai vakamalumalumutaki kemudou e ruku ni liga kaukauwa ni Kalou, me vakalevulevui kemudou cake ko koya e na gauna sa lokuci: