Jeremaia 13:17 - Vakavakadewa Makawa

¹⁷ Ia kevaka dou na sega ni rogoca, ena tagi na yaloqu e na tikina vuni e na vuku ni nomudou viavialevu; ena tagi vakalevu na mataqu, ia ena dave maikina na wai, ni sa vakabobulataki na qele ni sipi i Jiova.

Ai Vola Tabu (Vakadewa Makawa Vakavoutaki 2021)

¹⁷ Ia kevaka dou na sega ni rogoca, ena tagi na yaloqu e na tikina vuni e na vuku ni nomudou viavialevu; ena tagi vakalevu na mataqu, ia ena dave mai kina na wai, ni sa vakabobulataki na qele ni sipi i Jiova.

AI VOLA TABU

¹⁷ Ia kevaka dou na sega ni rogoca, ena tagi e na tikina vuni na yaloqu e na vuku ni nomudou viavialevu; ena tagi vakalevu na mataqu, ia ena dave maikina na wai, e na vuku ni sa vakabobulataki na qele ni sipi i Jiova.

Vakavakadewa Vou kei na iVola tale eso

¹⁷ Ia kevaka o ni na sega ni vakarorogo, Au sa na tagi vuni Baleta na nomuni qaciqacia; Au na tagi sara vakaukauwa, Ka na titiri na wai ni mataqu, Baleta ni ra sa kau tani vakabobula Na nona tamata na Turaga.”

Ai Vola Tabu Ena Vakavakadewa Vou

¹⁷ Ia kevaka o ni na sega ni vakarorogo, Au sa na tagi vuni Baleta na nomuni qaciqacia; Au na tagi sara vakaukauwa, Ka na titiri na wai ni mataqu, Baleta ni ra sa kau tani vakabobula Na nona tamata na Turaga.”

Jeremaia 13:17 Iomraidhean Croise

NA SAME 119:136

Na uciwai sa dave mai na mataqu, Ni ra sa sega ni vakabauta na nomuni vunau.

NA SAME 80:1

Mo ni vaqara daligamuni mai, na nodra i vakatawa na Isireli, Oi kemuni ko ni a tuberi ira na Josefa me vaka na qele ni sipi; Oi kemuni ka tiko e na maliwa ni Jerupi, mo ni cila mai.

Aisea 63:11

A ra sa qai nanuma na veisiga eliu, na gauna i Mosese kei ira na nona tamata, a ra kaya, Sa evei ko koya ka kauti ira cake mai na waitui, kei ira nai vakatawa ni nona sipi? sa evei ko koya ka solia ki na lomadra na nona Yalo Tabu?

Jeremaia 14:17

Ia mo kaya vei ira na vosa oqo; Me dave sobu na wai mai na mataqu e na siga kei na bogi, ia me kakua ni cegu: ni sa ramusu na goneyalewa ni noqu tamata e na dua na rusa levu, ka sa yaviti vakaca sara.

Jeremaia 15:17

ka'u a sega ni tiko e na nodra i soqosoqo na dauveivakalialiai, se'u marau tiko; ka'u a tiko duaduaga e na vuku ni ligamuni: ni kemuni sa vakasinaiti au e na cudru levu.

Jeremaia 17:16

Ia koi au, ka'u a sega ni vakatotolo ni biuta na noqu i tavi ni vakatawa me'u muri kemuni; ia na siga ca ka'u a sega ni gadreva; ko ni sa kila ga: na ka sa lako tani mai na gusuqu sa dodonu ga e matamuni.

Jeremaia 22:5

Ia kevaka dou na sega ni rogoca na vosa oqo, ka'u sa cavuti au ni'u sa bubului, sa kaya ko Jiova, ni na rusa ga na vale oqo.

Jeremaia 23:1

Ena ca ko ira nai vakatawa era vakacacana ka vakasavi ira na sipi ni noqu vanua veico! sa kaya ko Jiova.

Jeremaia 23:2

O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi; Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira: raica, au na cudruvi kemudou e na vuku ni ca ni nomudou i valavala, sa kaya ko Jiova.

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Lele i Jeremaia 1:16

E na vuku ni ka oqo ka'u sa tagi kina; mai na mataqu, io mai na mataqu sa dave sobu na wai, Ni sa yawa vei au ko koya na dauveivakacegui me na vakabulabulataka na yaloqu: Era sa luveniyali ko ira na luvequ, ni sa gumatua na meca.

Lele i Jeremaia 1:2

Sa tagi vakalevu ko koya e na bogi, Sa tiko ga e baluna na wai ni matana; Sa sega e dua vei ira kecega na wekana me vakacegui koya: Ko ira kece na nonai tokani era sa lawakitaki koya, Era sa vuki tale me nona meca.

Lele i Jeremaia 1:9

A nona dukadukali sa tauva na bele ni nonai sulu; sa sega ni nanuma ko koya ki na nonai otioti; O koya oqo sa ka ni veivakidacalataki na nona lako sobu: sa sega e dua me vakacegui koya. Mo ni raica, Jiova, na noqu rarawa: ni sa vakalevulevui koya na meca.

Lele i Jeremaia 2:18

Sa tagi na lomadra vua na Turaga, ka kaya, Ko iko na bai ni goneyalewa ni Saioni, me dave sobu na wai ni matamu, me vaka na uciwai, e na siga kei na bogi: Mo kakua ni cegu; me kakua ni vakacegu na loa ni matamu.

Lele i Jeremaia 3:48

Sa dave tu mai na mataqu na uciwai levu, e na vuku ni kena rusa na goneyalewa ni kai noqu.

Isikeli 24:16

Ko iko na luve ni tamata, raica, au sa kauta tani vakasauri maivei iko o koya ko sa dauvinakata vakalevu: ia mo kakua ga ni yaso se tagicaka, me kakua talega ni tiri na wai ni matamu.

Isikeli 34:31

Ia koi kemudou na noqu qele ni sipi, na sipi ni noqu vanua veico, dou sa tamata ga, ia koi au, au sa nomudou Kalou, sa kaya na Turaga ko Jiova.

Isikeli 36:38

me vaka na qele ni sipi tabu, me vaka na qele ni sipi mai Jerusalemi e na kena so levu tabu; ena tawa vakakina na veikoro lala e nai soqosoqo levu ni tamata: ka ra na kila ni sai au ko Jiova.

Isikeli 9:4

a sa kaya vua ko Jiova, Mo lako voli yani e na loma ni koro, e na loma i Jerusalemi, ka vola nai vakatakilakila e na yadredra na tamata era sa vutugu ka qoqolou e na vuku ni ka vakasisila kecega sa caka e na loma ni koro.

Malakai 2:2

Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova ni lewe vuqa, ka'u na vakayacora sara na cudru ko ya kivei kemudou, ka vakacataka na ka dou sa vakalougatataki kina: io, ka'u sa vakacataka oti na ka oqo, ni dou sa sega ni vakasara ki na lomamudou.

1 Samuela 15:11

Au sa veivutuni ni ka'u sa buli Saula me tui; ni sa vuki tani ko koya me kakua ni muri au, ka sega ni vakayacora na noqu vosa. A sa rarawa ko Samuela; a sa tagi vei Jiova e na bogi taucoko.

1 Samuela 15:35

Ka sa sega ni raici Saula tale ko Samuela, ka yacova na siga sa mate kina; a sa tagicaki Saula ko Samuela. A sa veivutuni ko Jiova ni sa lesi Saula me nodra tui na Isireli.