Jeremaia 13:16 - Vakavakadewa Makawa

¹⁶ Dou vakarokorokotaki Jiova na nomudou Kalou, ni sa bera ni vakayacora na butobuto, ni sa bera talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Ai Vola Tabu (Vakadewa Makawa Vakavoutaki 2021)

¹⁶ Dou vakarokorokotaki Jiova na nomudou Kalou ni se bera ni vakayacora na butobuto, ni se bera talega ni tarabe na yavamudou e na veiulunivanua loaloa; ka dou sa yadrava na rarama, ka sa vukica ga ko koya me yaloyalo ni mate ka cakava me butobuto sara.

AI VOLA TABU

¹⁶ Dou vakarokorokotaki Jiova na nomudou Kalou, ni sa sega ni vakayacora na butobuto, ni sa sega talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Vakavakadewa Vou kei na iVola tale eso

¹⁶ Ni vakarokorokotaka na Turaga Na nomuni Kalou; Ni se bera ni kauta mai na butobuto Ka bera ni qai tavutu na yavamuni Ena veiulunivanua ena buto ni yakavi; Ni se bera ni vuki me butobuto loaloa sara, Na rarama o ni nuitaka tiko.

Ai Vola Tabu Ena Vakavakadewa Vou

¹⁶ Ni vakarokorokotaka na Turaga Na nomuni Kalou; Ni se bera ni kauta mai na butobuto Ka bera ni qai tavutu na yavamuni Ena veiulunivanua ena buto ni yakavi; Ni se bera ni vuki me butobuto loaloa sara, Na rarama o ni nuitaka tiko.

Jeremaia 13:16 Iomraidhean Croise

Jope 3:5

Me sa nodrau ga na butobuto kei na yaloyalo ni mate; Me ubia tikoga na o; Me ka rerevaki sara ga na kena butobuto.

NA SAME 107:10

O ira era sa tiko e na butobuto kei na yaloyalo ni mate, Ni ra sa vesuki e na rarawa kei na kaukamea;

NA SAME 107:14

Sa kauti ira tani mai na butobuto kei na yaloyalo ni mate, Ka musulaka na kedrai vesu.

NA SAME 29:2

Dou vakarokoroko ki na yaca i Jiova me vaka sa dodonu: Dou cuva vei Jiova e nai ukuuku ni yalosavasava.

NA SAME 44:19

Ia ko ni sa vakamavoataki keimami e na vanua ni gata, O ni sa ubi keimami talega e na yaloyalo ni mate.

Lako Yani 10:21

A sa kaya vei Mosese ko Jiova, Mo dodoka na ligamu vaka ki lomalagi, me yaco mai na butobuto e na vanua ko Ijipita, io me ra vakayayamo voli kina.

Vosavakaibalebale 4:19

Ia na nodra sala nai valavala ca sa vaka na butobuto: Era sa sega ni kila na ka era sa tarabe kina.

Dauvunau 11:8

Ia kevaka sa yabaki vuqa na nona bula na tamata, ka sa rekitaka kecega; ia me nanuma talega ko koya na veisiga butobuto; ni na sa vuqa mai. Na ka kecega sa na muri mai sa ka walega.

Aisea 5:30

A ra na qolouvaki ira e na siga ko ya me vaka na vadugu ni wasawasa: ia ni sa rai ki vanua e dua, raica, sa butobuto! sa ka rarawa! ka sa tabonaki na rarama e na kena o.

Aisea 59:10

Eda sa vakayayamo voli ki na bai me vakataki ira na mataboko, ka me vakataki ira sa sega na matadra eda sa vakayayamo ga: eda sa tarabe e na siga levu me vaka e na bogi; ka me vakataki ira na mate, e na bogi loaloa.

Aisea 59:9

O koya oqo sa yawa kina vei keda na veilewai, ka sa sega ni vauci keda na veivakadonui: eda sa vakanananu ki na rarama, ka raica, sa butobuto; ki na serau ni siga, ia eda sa lako tu e na butobuto loaloa.

Aisea 60:2

Io, raica, na butobuto, ena ubi vuravura; kei na butobuto loaloa, na veimatanitu; ia ena cadra mai vei iko ko Jiova; kei na nona serau, ena raici ni sa cilavi iko:

Aisea 8:22

A ra na rai talega ki vuravura; ka kunea na ka rarawa kei na butobuto, na butobuto kei na yaluma; ka ra na vakasavi tani ki na butobuto loaloa.

Jeremaia 14:19

Ko ni sa biuti ira sara beka na Juta? sa vakasisilataki ira beka na Saioni na yalomuni? ena cava ko ni sa cudruvi keimami, ka keimami sa sega ni vakabulai tale rawa? keimami a yadrava na vakacegu, ka sa sega ni yaco e dua na ka vinaka; keimami kaya me yaco na gauna ni veivakabulai, ka raica, sa yaco na ka rarawa ga?

Jeremaia 2:6

ka ra sa sega talega ni kaya, Evei ko Jiova ka kauti keda cake mai na vanua ko Ijipita, ka tuberi keda e loma ni veikau, e na vanua liwa lala ka sukusukura, na vanua ni dausiga kei na yaloyalo ni mate, na vanua sa sega e dua e lakova, ka sega na tamata e tiko kina?

Jeremaia 23:12

O koya oqo ena yaco kina na nodra sala me vaka sa titidara e na butobuto: era na veibili yani, ka bale kina; ni'u na vakayacora na ca vei ira, io na yabaki me ra cudruvi kina, sa kaya ko Jiova.

Jeremaia 4:23

Au a raici vuravura, ka raica, sa sega ni vakarautaki, ka sa lala tu, kei na lomalagi, ka sa sega na kena rarama.

Jeremaia 50:6

Ko ira na noqu tamata era sa sipi ka yali; ko ira na nodra i vakatawa era sa vakasesei ira, era sa vakalesui ira tani ki na veiulu-ni-vanua: ka ra sa veilakoyaki voli ki na veiulu-ni-vanua, era sa guilecava na nodra i vakavakacegu.

Jeremaia 6:21

O koya sa kaya kina ko Jiova, Raica, ka'u na tauca vei ira na tamata oqo na ka me ra toqi kina, ka ra na bale vata kina na qase kei na luvedra; na tamata kei na wekana erau na rusa.

Jeremaia 8:15

Eda a nuitaka na vakacegu, ka sega na vinaka e yaco, kei na gauna ni bula vinaka, ka raica, sa yaco ga na rarawa!

Lele i Jeremaia 4:17

Ia koi keda, sa malumalumu tiko na matada ni da waraka na nodai vukevuke sa sega ni yaga: Ni da yadra tiko, eda sa yadrava na vanua sa sega ni vakabulai keda rawa.

Isikeli 21:15

Ka'u sa vaqara nai seleiwau rerevaki ki na nodra matamata-ni-koro kecega me waicala kina na lomadra, ka me vakalevutaki na kedra veivakarusai; io, sa makamakalivata mai, ka soloti tu me ia kina na veivakamatei:

Isikeli 34:12

Me vaka sa vakasaqara na nona qele ni sipi nai vakatawa e na siga sa tiko kina e na kedra maliwa na nona sipi sa veiseyaki; au na vakasaqara vakakina na noqu qele ni sipi, ka kaliraki ira mai na veiyasana kecega era sa dui veiseyaki kina e na siga loaloa ka butobuto.

Isikeli 36:15

Au na sega talega ni vakarogoya tale vei iko na kedrai rogorogo ca na veimatanitu, ko na sega ni bitaki tale e na nodra veivakalialiai na veimataqali ko na sega tale ni vakabalea na nomu veimatanitu, sa kaya na Turaga ko Jiova.

Joeli 2:2

e dua na siga butobuto ka loaloa, a siga ni o kei na butobuto levu, me vaka na mataka ni sa kida mai e na veiulu-ni-vanua: io, e dua na mataqali lewe vuqa ka kaukauwa; sa sega sara e vakakina eliu, ena sega talega me vakakina emuri, e na veiyabaki ni tabatamata sa veitaravi.

Emosi 4:13

Mo kila ni sai koya ka bulia na veiulu-ni-vanua, ka vakatubura na cagi, ka sa tukuna vua na tamata na ka e vakananuma kina, o koya sa cakava na mataka me butobuto, ka sa butuka na veiyasana cecere kei vuravura, na yacana ko Jiova, na Kalou ni lewe vuqa.

Emosi 5:18

E ca vei kemudou sa gadreva me yaco na siga i Jiova! e vaka tale evei na kena yaga vei kemudou? a siga i Jiova sa butobuto, ka sega ni rarama.

Malakai 2:2

Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova ni lewe vuqa, ka'u na vakayacora sara na cudru ko ya kivei kemudou, ka vakacataka na ka dou sa vakalougatataki kina: io, ka'u sa vakacataka oti na ka oqo, ni dou sa sega ni vakasara ki na lomamudou.

Joni 12:35

Sa qai kaya vei ira ko Jisu, Sa tiko vakalailai ga vei kemudou na rarama: dou lako ni sa tu vei kemudou na rarama, de yacovi kemudou na butobuto: ia ko koya sa lako e na butobuto, sa sega ni kila se sa lako kivei.

Josua 7:19

A sa kaya vei Ekani ko Josua, Na luvequ, mo vakavinavinaka mada vei Jiova na Kalou ni Isireli, ka vakatusa mada vua; ka tukuna mai vei au na ka ko sa cakava; kakua ni vunia vei au.

1 Pita 2:8

kei Na vatu era sa tarabe kina, kei na vatu era sa bale kina; ni ra sa tarabe e na vosa, ni ra sa talaidredre: era sa lesi talega me ra vakakina.

1 Samuela 6:5

Ia dou qai cakava eso nai vakatakarakara ni nomudou somunadara, ka so nai vakatakarakara ni nomudou kalavo sa vakacacana na vanua; ia dou vakarokorokotaka na Kalou ni Isireli: ena qai vakamamadataka beka ko koya na ligana vei kemudou, kei ira na nomudou kalou, kei na nomudou vanua.