Jeremaia 12:3 - Vakavakadewa Makawa

³ Ia koi kemuni Jiova, ko ni sa kilai au: ko ni a raici au, ka sa vakatovolea na lomaqu vei kemuni: mo ni yarataki ira me vaka na sipi me vakamatei, ka lesi ira ki na siga ni veivakamatei.

Ai Vola Tabu (Vakadewa Makawa Vakavoutaki 2021)

³ Ia koi kemuni Jiova, ko ni sa kilai au; ko ni sa raici au ka vakatovolei au—na lomaqu sa tu vei kemuni. Mo ni yarataki ira me vaka na sipi me vakamatei, ka tawasei ira me baleta na siga ni veivakamatei.

AI VOLA TABU

³ Ia ko iko, Jiova, ko sa kilai au: ko a raici au, ka sa vakatovolea na lomaqu vei iko: mo yarataki ira me vaka na sipi me vakamatei, ka lesi ira ki na siga ni veivakamatei.

Vakavakadewa Vou kei na iVola tale eso

³ Io Jiova, o ni sa kilai au, O ni sa raici au, Ka vakatovolea na lomaqu vei kemuni. Ni yarataki ira oqo Me vaka na sipi sa kau me vakamatei; Tawasei ira tani Me yacova na siga me ra vakamatei kina.

Ai Vola Tabu Ena Vakavakadewa Vou

³ Io Jiova, o ni sa kilai au, O ni sa raici au, Ka vakatovolea na lomaqu vei kemuni. Ni yarataki ira oqo Me vaka na sipi sa kau me vakamatei; Tawasei ira tani Me yacova na siga me ra vakamatei kina.

Jeremaia 12:3 Iomraidhean Croise

2 Tui 20:3

Au masuti kemuni, Jiova, mo ni nanuma mada na noqu lako voli e matamuni e na yalodina kei na yalo e dua bau, kei na noqu caka vinaka e matamuni. A sa tagi vakalevu ko Esekaia.

1 Veigauna 29:17

Au sa kila talega, noqu Kalou, ni kemuni sa dauvakatovolea na yalo, ia ko ni sa vinakata na yalododonu. Koi au, ni sa dodonu na yaloqu au sa solia na ka kecega oqo e na yalo e vinakata: ia ka'u sa qai raica e na marau na nomuni tamata, era sa tiko eke, me soli ka vei kemuni e na yalo e vinakata.

Jope 23:10

Ia sa kila ko koya na sala ka'u sa muria: Ni sa vakatovolei au oti ko koya, ka'u na qai lako mai me vaka na koula.

NA SAME 11:5

Sa vakatovolea na tamata yalododonu ko Jiova: Ia na tamata lomaca kei koya sa vinakata nai valavala kaukauwa, sa cati koya na yalona.

NA SAME 139:23

Mo ni dikevi au, na Kalou, mo ni kila na lomaqu: Mo ni vakatovolei au, ka kila na nanuma ni lomaqu:

NA SAME 17:3

O ni sa vakatovolea na yaloqu; o ni sa lako mai vei au e na bogi; Ko ni a vakatovolei au sara, ia sa sega na ka ko ni na kunea; Sa lomaqu ga me sega ni lako vakatani na gusuqu.

NA SAME 26:1

I Jiova, mo ni lewai au; ni'u a muria lako na noqu yalododonu: Au a vakararavi talega vei Jiova; ka'u na sega ni tidara.

NA SAME 7:9

Me oti laivi mada na nodra ca na tamata ca; ia mo ni vakataudeitaka na yalododonu: Ni sa vakatovolea na yalo kei na ivi ni tamata na Kalou yalododonu.

Jeremaia 15:15

Koi kemuni, Jiova, ko ni sa kila: mo ni nanumi au, ka mai raici au, ka cudruvaki au vei ira era vakacacani au; e na vuku ni nomuni dauvosota, kakua ga ni kauti au tani: ni kila ga, ni sai kemuni ka'u sa vakarogocataki kina.

Jeremaia 17:16

Ia koi au, ka'u a sega ni vakatotolo ni biuta na noqu i tavi ni vakatawa me'u muri kemuni; ia na siga ca ka'u a sega ni gadreva; ko ni sa kila ga: na ka sa lako tani mai na gusuqu sa dodonu ga e matamuni.

Jeremaia 17:18

Me ra vakamaduataki ko ira era vakacacani au, ia me'u kakua ni vakamaduataki koi au me ra taqaya ko ira, ia me'u kakua ni taqaya koi au: mo ni vakayacora vei ira na siga ca, ia mo ni vakarusai ira e na rusa vakarua.

Jeremaia 20:12

Ia, koi kemuni Jiova ni lewe vuqa, ko ni sa vakatovolea na yalododonu, ka dikeva na ivi kei na loma ni tamata, me'u raica mada na nomuni cudruvi ira: ni ka'u sa tukuni au vei kemuni.

Jeremaia 48:15

Sa vakacacani ko Moapi, ia na nona veikoro sa lako cake, ia ko ira na nona cauravou digitaki era sa lako sobu ki na veivakamatei, sa kaya na Tui, ko Jiova ni lewe vuqa na yacana.

Jeremaia 50:27

vakamatea kece na nona pulumokau; me ra lako sobu ga me ra vakamatei: Ulei ko ira! ni sa yaco mai na kedra siga, na gauna me ra cudruvi kina.

Jeremaia 51:4

Ia era na bale ga na moku e na vanua ni kai Kalitia; kei ira era lausua, e na saqata ni koro.

Joni 21:17

A sa kaya vakatolu vua, Saimoni, na luve i Jona, ko sa lomani au, se segai? Sa rarawa na loma i Pita ni sa kaya vakatolu vua ko koya, O sa lomani au, se segai? A sa kaya vua, Kemuni na Turaga, ko ni sa kila na ka kecega; ko ni sa kila niu sa lomani kemuni. Sa kaya vua ko Jisu, Vakani ira na noqu sipi.

Jemesa 5:5

Dou a marau tikoga e vuravura, dou a daukana tiko; dou a dauvakania na lomamudou, e na siga sa ia kina na dauveivakamatei.

2 Pita 2:12

Ia ko ira oqo me vaka na manumanu tawa vuku, sa muria na lomadra, sa caka me vesuki ka vakarusai, era sa vosavakacacataka na veika era sa sega ni kila; ia era na rusa sara e na nodra i valavala e veivakarusai;