Jeremaia 12:12 - Vakavakadewa Makawa

¹² era sa lako mai ki na veitikina cecere kecega mai veikau ko ira na dauvakacaca: ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua: ena sega e dua na tamata me vakacegu.

Ai Vola Tabu (Vakadewa Makawa Vakavoutaki 2021)

¹² Era sa lako mai ki na veitikina cecere kecega ni vanua dravuisiga ko ira na dauvakacaca; ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua; ena sega e dua na tamata me tiko vakacegu.

AI VOLA TABU

¹² ki na veitikina cecere kecega mai veikau era sa mai lako kina na dauvakacaca: ia nai seleiwau i Jiova sa kanakana voli mai nai yalayala ni vanua ki nai yalayala ni vanua: ena sega na vakacegu vua e dua na tamata.

Vakavakadewa Vou kei na iVola tale eso

¹² Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Ai Vola Tabu Ena Vakavakadewa Vou

¹² Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Jeremaia 12:12 Iomraidhean Croise

Aisea 34:6

Sa mamau nai seleiwau i Jiova e na dra; sa boro e na uro, e na dra ni lami kei na dra ni me, e na uro ni ivi ni sipi tagane: ni sa dua nai madrali vei Jiova mai Posira, kei na veivakamatei levu mai na vanua ko Itomi.

Aisea 57:21

sa sega na vakacegu, sa kaya na noqu Kalou, vei ira na tamata i valavala ca.

Jeremaia 15:2

Ia kevaka era taroga vei iko, Me keimami lako yani kivei? mo qai kaya vei ira, Sa kaya vakaoqo ko Jiova; Ko ira sa lesi ki na mate, ki na mate ga; kei ira sa lesi ki nai seleiwau, ki nai seleiwau ga; kei ira sa lesi ki na viakana, ki na viakana ga; kei ira sa la'ki vakabobulataki, ki na veivakabobulataki ga.

Jeremaia 16:5

Ni sa kaya vakaoqo ko Jiova, Kakua ni ko curu ki na vale ni tagi yaso, kakua talega ni la'ki tagicaki ira se vakacegui ira: ni'u sa kauta tani na noqu vakacegu maivei ira na tamata oqo, sa kaya ko Jiova, io na yalololoma kei nai valavala loloma.

Jeremaia 25:11

Ia na vanua taucoko oqo ena lala tu ga, ka vakurabuitaki; ka ra na qaravi tui Papiloni na veimatanitu oqo ka vitusagavulu na yabaki.

Jeremaia 3:2

Mo ta cake ka rai ki na veiyasana cecere, ka raica se dua na tikina dou sega ni veimoceri kina. E na gaunisala ko a waraki ira, me vaka na kai Arepea mai na veikau; ia ko sa vakadukadukalitaka na vanua e na nomu dautagane kei na nomu ca:

Jeremaia 3:21

E dua na domo sa rogo e na veiyasana cecere, na nodra tagi kei na nodra vakamamasu na Isireli: ni ra sa vakavevetaka na nodra sala, ka ra sa guilecavi Jiova na nodra Kalou.

Jeremaia 30:5

Ni sa kaya vakaoqo ko Jiova; Na domo ni sautaninini keitou sa rogoca, sa yaco na rere, ka segai na vakacegu.

Jeremaia 34:17

O koya oqo sa kaya kina ko Jiova; Koi kemudou, dou sa sega ni vakarorogo vei au, mo dou dui tukuna yadua na veisereki vua na wekana, kei na tamata yadua vua na kai nona: raica, au sa tukuna vei kemudou na veisereki, sa kaya ko Jiova, ki nai seleiwau, kei na mate dauveiveitauvi, kei na viakana, ia ka'u na soli kemudou mo dou kau tani ki na veimatanitu kece e vuravura.

Jeremaia 4:27

Ni sa kaya vakaoqo ko Jiova, Ena lala na vanua taucoko; ia ka'u na sega ni vakaotia sara.

Jeremaia 46:10

Oqo na nona siga na Turaga ko Jiova ni lewe vuqa, na siga ni veisausaumi, me cudruvi ira kina na nona meca: ia ena kana ga nai seleiwau, ena mamau ka mateni e na kedra dra: ni sa dua na nonai madrali na Turaga ko Jiova ni lewe vuqa mai na vanua ki na tokalau, e na bati ni uciwai ko Uferetisi.

Jeremaia 47:6

Ko iko nai seleiwau i Jiova, me bogi vica mada mo qai vakacegu? mo daramaki mada ki na nomu taga, mo cegu, ka tiko vakadua.

Jeremaia 48:2

Ena sega tale ni vakacaucautaki ko Moapi: sa naki ca vua ko Esiponi, ka kaya, Me da mai la'ki muduka tani me kakua ni matanitu. Ko iko talega, Matimeni, ko na vagalui; ena cicimuri iko nai seleiwau.

Jeremaia 8:15

Eda a nuitaka na vakacegu, ka sega na vinaka e yaco, kei na gauna ni bula vinaka, ka raica, sa yaco ga na rarawa!

Lele i Jeremaia 3:17

Ia ko sa biuta tani vakayawa na vakacegu mai na yaloqu: au sa guilecava na vinaka.

Isikeli 14:17

Kevaka ka'u na vakayacora ki na vanua nai seleiwau, ka kaya, Nai seleiwau, mo lako voli yani ki na loma ni vanua; ka me'u muduka tani maikina na tamata kei na manumanu:

Isikeli 21:28

Ia ko iko, na luve ni tamata, mo ia na parofisai ka kaya, Sa kaya vakaoqo na Turaga ko Jiova e na vukudra na kawa i Amoni, kei na nodra veivakalialiai; ia mo kaya, Ai seleiwau, ai seleiwau sa ucu tu me ia na veivakamatei, sa soloti vakalevu sara me sa makamakalivata:

Isikeli 21:4

Ia ni'u na muduka tani vei iko na yalododonu kei na tamata ca, ena ucu kina na noqu i seleiwau mai na kena taga me taya na tamata kecega mai na mata ni ceva ka yacova na mata ni tokalau:

Isikeli 21:8

Sa yaco tale vei au na vosa i Jiova, ka vaka,

Isikeli 21:9

Ko iko na luve ni tamata, mo parofisai mada, ka kaya, Sa vosa vakaoqo ko Jiova; Mo kaya, Ai seleiwau, ai seleiwau sa vagata tu, a sa soloti talega:

Isikeli 5:2

e dua na kena wase mo qai vakama e na bukawaqa e na loma ni koro, ni sa oti na veibogi sa buku kina na druadrua: ia mo taura e dua na kena wase, ka taya vakavolivolita e nai sele: ia na kenai katolu ni kena wase mo veibiuyaka ki na mata ni cagi; ia ka'u na ucuna nai seleiwau me muri ira.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.

Emosi 9:4

ia ke ra lako vakabobula e matadra na nodra meca, ka'u na vakarota nai seleiwau ka na vakamatei ira maikea: ia ka'u na wanonovi ira me ra ca kina, ka segai me ra vinaka.

Sefanaia 2:12

Oi kemudou talega na kai Iciopea, dou na vakamatei e na noqu i seleiwau.

Vakarua 32:42

Au na vagunuva na noqu veigasau me mateni e na dra, Ena kania talega na lewe ni tamata na noqu i seleiwau; E na dra ni moku kei na bobula, Vei ira sa liu, era turaga ni meca.

Vakatakila 6:4

A sa dua tani tale na ose sa lako yani, sa damudamu: a sa soli vua sa vodo tiko kina me kauta tani e vuravura na sautu, ka me ra veiraravui tikoga: a sa soli vua nai seleiwau levu.