Jeremaia 11:7 - Vakavakadewa Makawa

⁷ Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Ai Vola Tabu (Vakadewa Makawa Vakavoutaki 2021)

⁷ Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

AI VOLA TABU

⁷ Niʼu a vakadinadina sara vei ira na nomudou qase e na siga kaʼu a kauti ira cake kina mai na vanua ko Ijipita, ka yacova na siga o qo, kaʼu sa sou e na sabogibogi ka vakadinadina, ka kaya, Dou vakarogoca na domoqu.

Vakavakadewa Vou kei na iVola tale eso

⁷ Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Ai Vola Tabu Ena Vakavakadewa Vou

⁷ Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Jeremaia 11:7 Iomraidhean Croise

2 Tui 17:13

A sa vakarota matua ko Jiova vei ira na Isireli, kei ira na Juta, e na gusudra na nona parofita kecega, kei ira kecega na rairai, ka kaya, Dou lesu mada mai na nomudou i valavala ca, ka vakabauta na noqu vunau, kei na noqu i lesilesi, me vaka na vunau kece ka'u a vakarota vei ira na nomudou qase, ka'u a tukuna talega vei kemudou e na gusudra na noqu i talatala na parofita.

2 Veigauna 36:15

A sa talai ira na nonai talatala kivei ira ko Jiova na Kalou ni nodra qase, sa sou e na mataka, ka talai ira; ni sa yalololoma ko koya vei ira na nona tamata, kei na yasana sa dautiko kina ko koya.

Lako Yani 15:26

ka kaya, Kevaka ko ni na vakarorogo vakavinaka ki na domo i Jiova na nomuni Kalou, ka cakava na ka sa dodonu e matana, ka vakatu daligamuni ki na nona vunau, ka vakabauta na ka kecega sa lesia ko koya, ka'u na qai sega ni vakayacora vei kemuni e dua na mate ka'u a vakayacora vei ira na kai Ijipita; ni sai au ko Jiova, ka'u sa vakabulai kemuni tiko.

Jeremaia 11:4

ka'u a vakarota vei ira na nomudou qase e na siga ka'u a kauti ira kina mai na vanua ko Ijipita, mai na lovo kaukamea, ka kaya, Dou vakarogoca na noqu vosa, ka muria me vaka na ka kecega ka'u sa vakarota vei kemudou: dou na yaco kina mo dou noqu tamata, ia koi au ka'u na yaco me'u nomudou Kalou:

Jeremaia 25:3

Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Jeremaia 25:4

Ia sa tala vei kemudou ko Jiova na nonai talatala kecega na parofita, ka sou e na mataka me tala; ia dou sa sega ni vakarorogo, se vakatu daligamudou mo dou rogoca.

Jeremaia 31:32

ena sega ni vaka na veiyalayalati ka'u a cakava kei ira na nodra qase e na siga ka'u a taura kina na ligadra me'u tuberi ira mai na vanua ko Ijipita; ni ra sa vakacataka na noqu veiyalayalati ko ya, ia koi au ka'u sa watidra ga, sa kaya ko Jiova:

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 34:14

Ni sa oti e vitu na yabaki dou dui vakatala yani na wekana sa Iperiu, ka sa volitaki vei iko; ia ni sa qaravi iko ka yabaki ono, mo qai sereki koya me lako tani vei iko: ia era sa sega ni vakarorogo vei au ko ira na nomudou qase, se vakatu daliga mai.

Jeremaia 35:14

Sa vakayacori na vosa i Jionatapi na Rekapaiti, ka vakarota vei ira na luvena me ra kakua ni gunu waini; ia era sa sega ni gunuva ka yacova na siga oqo, ni ra sa vakarorogo ki nai vakaro ni tamadra: ia koi au ka'u a vosa tikoga vei kemudou, ka sou e na mataka me'u vosa; ia dou a sega ga ni vakarogoci au.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 7:13

Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Osea 4:1

Dou rogoca na vosa i Jiova, koi kemudou na Isireli: ni sa dua na veileti i Jiova kei ira na lewe ni vanua, ni sa sega na vosa dina, se na loloma, ka sa sega ni kilai na Kalou e na vanua.

Osea 5:1

Dou rogoca na ka oqo, na bete, ka vakarorogo, na mataqali i Isireli; ia dou vakatu daliga mai, na mataqali ni tui; ni sa baleti kemudou na vosa ni veilewai, ni dou sai cori mai Misipa, kei na lawa sa tevuki mai Tepori.

Sakaraia 1:4

Dou kakua ni vakataki ira na nomudou qase, ka kaci kina ko ira na parofita eliu, ka vaka Sa kaya vakaoqo ko Jiova ni lewe vuqa; Dou lesu mada mai na nomudou i tovo ca, kei na nomudou i valavala ca: ia era a sega ga ni rogoca, se vakarorogo vei au, sa kaya ko Jiova.

Efeso 4:17

O koya oqo kau sa vosa kina, ka vakarota matua e na vuku ni Turaga, mo dou kakua ni valavala tiko me vakataki ira na veimatanitu tani, e na lomadra lialia,

Vakarua 12:32

A ka kecega ka'u sa vakarota vei kemuni, mo ni vakabauta ka cakava: mo ni kakua ni kuria, se vakalailaitaka.

Vakarua 30:20

mo ni lomani Jiova na nomuni Kalou, mo ni vakarorogo ki na nona vosa, mo ni kabiti koya talega: ni sa nomuni vu-ni-bula ko koya, kei koya sa vakabalavutaka na nomuni bula: mo ni tiko kina e na vanua sa bubului kina ko Jiova vei iratou na nomuni qase, vei Eparaama, vei Aisake, kei Jekope, me solia vei iratou.

Vakarua 4:6

Ia mo ni vakabauta ka muria; kemuni na vuku kina ka yalomatua kina e matadra na veimatanitu, era na rogoca nai lesilesi kecega oqo, a ra na kaya, E dina era sa tamata vuku ka yalomatua na matanitu levu oqo.

Vakarua 5:29

Ke sa tiko mada vei ira na yalo vakaoqo, me ra rerevaki au, ka vakabauta tikoga na noqu vunau kecega, me yaco kina vei ira na ka vinaka, kei na nodra kawa talega ka sega ni mudu!

Vakarua 6:2

mo ni rerevaki Jiova kina na nomuni Kalou, mo ni vakabauta na nonai vakaro kecega kei na nona vunau ka'u sa vakarota vei kemuni, koi kemuni, kei na luvemuni, kei na luvena na luvemuni, e na veisiga kecega ko ni sa bula kina; ia me dede kina nomuni bula.

Vakarua 8:6

Ia mo ni vakabauta kina nai vakaro i Jiova na nomuni Kalou, mo ni lako e na nona sala, ka mo ni rerevaki koya.

2 Cesalonaika 3:12

Ia ko ira era sa vakaoqo keitou sa vakarota ka vakamasuta e na vuku ni noda Turaga ko Jisu Karisito, me ra tiko malua ka daucakacaka, ka kania ga na kedra.

1 Samuela 8:9

Ia oqo, mo vakarorogo ki na nodra vosa; ia mo tukuna vakabibi sara vei ira, ka vakatakila vei ira na nonai valavala na tui sa na lewai ira.