Jeremaia 11:17 - Vakavakadewa Makawa

¹⁷ Ia ko Jiova ni lewe vuqa ko koya ka tei iko, sa kaya me yacovi iko na ca, e na vuku ni nodra ca na mataqali i Isireli kei na mataqali i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.

Ai Vola Tabu (Vakadewa Makawa Vakavoutaki 2021)

¹⁷ Ia ko Jiova-ni-lewevuqa ko koya ka tei iko, sa kaya me yacovi iko na ca, e na vuku ni nodra ca na vale i Isireli kei na vale i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.”

AI VOLA TABU

¹⁷ Ia ko Jiova ni lewe vuqa, o koya ka tei iko, sa vosa me yacovi iko na ca, e na vuku ni nodra ca na mataqali i Isireli kei na mataqali i Juta, a ya era sa cakava vei ira me vakacudrui au, ni ra sa vakacaudreva na ka boi vinaka vei Peali.

Vakavakadewa Vou kei na iVola tale eso

¹⁷ E a tei Isireli kei Juta o Jiova ni lewevuqa, ia oqo sa tukuna mo ni rusa. Era sa vakavuna ga vaka i ira na ka oqo baleta ni ra sa kitaka na veika ca; era sa vakacudrui au ena nodra vakacaboisoro vei Peali.”

Ai Vola Tabu Ena Vakavakadewa Vou

¹⁷ E a tei Isireli kei Juta ko Jiova ni lewevuqa, ia oqo sa tukuna mo ni rusa. Era sa vakavuna ga vaka i ira na ka oqo baleta ni ra sa kitaka na veika ca; era sa vakacudrui au ena nodra vakacaboisoro vei Peali.”

Jeremaia 11:17 Iomraidhean Croise

2 Samuela 7:10

ka'u na lesia e dua na tikina vei ira na noqu tamata na Isireli, ka vakataudeitaki ira, me ra tiko e na nodra tikina dina ka sega ni yavala tale; ka me kakua ni vakamalumalumutaki ira tale ko ira na tamata ca, me vaka eliu,

2 Veigauna 28:25

Ia e na veikoro yadua e Juta sa cakava na veitikina cecere, me vakama kina na ka boi vinaka kivei ira na kalou tani, ka sa vakacudrui Jiova na Kalou ni nona qase.

NA SAME 44:2

Ni kemuni a vakasevi ira tani e na ligamuni na lewe ni veimatanitu, ka sa tei ira ga kina; Kemuni sa vakararawataki ira na tamata, ka sa vakasevi ira tani.

NA SAME 80:15

Ka vakaruruga na ka sa tea na ligamuni matau, Kei na luvemuni ko ni a vakaukauwataka me nomuni.

NA SAME 80:8

O ni a kauta mai e dua na vaini mai Ijipita: O ni sa biuta tani na veimatanitu, ka qai tea.

Aisea 5:2

ka sa viribaita, ka biuta tani na kena veivatu, ka tea kina na vaini vinaka sara, ka sa tara e dua na vale-cecere e loma, a sa kelia kina nai keli-ni-waini: ka sa qai nuitaka me vuataka na vuana, a sa vuataka na vua ca.

Aisea 61:3

me solia vei ira era sa tagi e Saioni nai sala vakaiukuuku mei sosomi ni dravusa; kei na waiwai ni reki mei sosomi ni tagi; kei nai sulu ni vakavinavinaka mei sosomi ni lomabibi; ka ra na vakatokai na kau dauvuataka nai valavala dodonu, ka tea ko Jiova, me vakacaucautaki kina ko koya.

Jeremaia 1:14

A sa kaya vei au ko Jiova, Mai na tokalau ena yaco e dua na ca kivei ira kecega na lewe ni vanua:

Jeremaia 11:11

O koya oqo sa kaya kina ko Jiova, Raica, au na vakayacora vei ira na ca, ka ra na sega ni dro tani rawa maikina, era na qai tagi vei au, ia ka'u na sega ga ni rogoci ira.

Jeremaia 11:13

Ni sa tautauvata na kenai wiliwili ni nomu veikoro kei nai wiliwili ni nomu kalou, ko iko Juta; ka sa tautauvata nai wiliwili ni sala ni koro mai Jerusalemi kei nai wiliwili ni cabocabo-ni-soro dou sa vakaduria ki na ka ni veivakamaduataki ko ya, io nai cabocabo-ni-soro me vakama kina na ka boi vinaka vei Peali.

Jeremaia 12:2

Ko ni sa tei ira, io, sa ti sobu na wakadra: era sa tubu, io, era sa vua: sa voleka koi kemuni e na gusudra, ka yawa ki na lomadra.

Jeremaia 18:15

ka ni ra sa guilecavi au na noqu tamata, ia era sa vakama kina na ka boi vinaka ki na ka lasu, ka ra sa vakatarabetaki ira e na nodra sala, ka sa biu ga nai lakolako makawa, me ra lako vakatikitiki e na sala sa sega ni buluti;

Jeremaia 18:8

kevaka ena lesu na vanua ko ya mai na nodra ca, ka'u a lewa me ra ca kina, ka'u na qai veivutunitaka na ca ka'u a nanuma me'u cakava vei ira.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 2:21

Ia koi au ka'u a tei iko mo vaini vinaka ga, mo kau dinadina sara; ia ko sa qai vuki vakaevei mo kau ca ni vaini tani vei au?

Jeremaia 24:6

ni'u na vakaraici ira me ra vinaka kina, ka kauti ira tale mai ki na vanua oqo: ia ka'u na tarai ira cake, ka sega ni basuka sobu; ka'u na tei ira, ka sega ni cavuta:

Jeremaia 26:13

o koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

Jeremaia 26:19

Sa ra vakamatei koya li ko Esekaia na tui Juta kei ira na Juta kecega? sa sega ni rerevaki Jiova beka ga ko koya, ka masuti Jiova, ka sa veivutuni mai ko Jiova e na vuku ni ca sa kaya ena caka vei ira? Ia de sa da vakayacora kina vei keda na ca levu.

Jeremaia 32:29

a ra na lako mai na kai Kalitia erai valu mai ki na koro oqo, ka visa na koro oqo e na bukawaqa, ka vakama kei na kena veivale, era sa vakacabora kina e dela ni vale nai madrali boi vinaka vei Peali, ka livia nai sevu vei ira na kalou tani, me vakacudrui au.

Jeremaia 32:30

Ni ra sa cakava tikoga na ka ca e mataqu ko ira na Isireli kei ira na Juta mai na gauna era sa gone kina: ni ra sa vakacudrui au tikoga e na cakacaka ni ligadra ko ira na Isireli, sa kaya ko Jiova.

Jeremaia 35:17

o koya oqo sa kaya kina ko Jiova ni lewe vuqa, na Kalou ni Isireli; Raica, au na vakayacora kivei ira na Juta kei ira kece na kai Jerusalemi na ca kecega ka'u sa cavuta me yaco vei ira; ni'u sa vosa vei ira, ka ra sa sega ni goleva; ka'u sa kacivi ira, ka ra sa sega ni rogo mai.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 40:2

Ia na kapiteni ni valu i vakatawa sa kauti Jeremaia, ka kaya vua, Ko Jiova na nomu Kalou sa cavuta na ca oqo ki na yasana oqo:

Jeremaia 40:3

ka sa vakayacora, ka sa cakava ko Jiova me vaka na nona vosa: ni dou sai valavala ca vei Jiova, ka sega ni vakarorogo ki na domona, o koya ga sa yacovi kemudou kina na ka oqo.

Jeremaia 42:10

Kevaka dou na tiko dina ga e na vanua oqo, au na qai tarai kemudou cake, ka sega ni talaraki kemudou sobu, au na tei kemudou, ka sega ni cavuti kemudou cake: ni'u sa veivutuni e na vuku ni ca ka'u sa cakava vei kemudou.

Jeremaia 44:5

A ra sa sega ni vakarorogo, se vakatu daligadra me ra saumaki mai na nodra ca, ka me ra kakua ni vakama nai madrali boi vinaka vei ira na kalou tani.

Jeremaia 44:8

ni dou sa vakacudrui au e na cakacaka ni ligamudou, ni dou sa vakama nai madrali boi vinaka vei ira na kalou tani e na vanua ko Ijipita, dou sa mai tiko kina, mo dou muduki kemudou tani, mo dou vosavosacati, ka vakalialiai e na veivanua kece e vuravura?

Jeremaia 45:4

Mo vosa vakaoqo vua, Sa vaka ko Jiova; Raica, na ka ka'u sa tara ka'u na basuka sobu, kei na ka ka'u sa tea ka'u na cavuta cake, io na vanua taucoko oqo.

Jeremaia 7:18

na gone, era ca buka; na tamadra, era tutuvaka na buka; ko ira na yalewa, era natuka na madrai droka, me ra cakava na kena keki na ranadi ni lomalagi, ka ra sova nai sevu me medra na kalou tani, me ra vakacudrui au.

Jeremaia 7:9

Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila;

Isikeli 17:5

Sa kauta talega eso na sore ni kau ni vanua, ka tea e na dua na were bulabula; sa kauta ko koya ki na bati ni wai levu, ka tea me vaka na vu ni wilou.

Osea 10:1

A vaini dautubu wale ko ira na Isireli, sa vuataka ga na vuana me kena: me vaka na kena levu ni vuana, sa ra vakalevutaka vakakina nai cabocabo-ni-soro; me vaka na kena vinaka ni nodra vanua, sa ra cakava na matakau vinaka.