Jeremaia 11:15 - Vakavakadewa Makawa

¹⁵ A cava sa mai kitaka e na noqu vale ko koya ka'u sa lomana, ni sa ia ko koya nai valavala ca levu, ia na yago savasava sa yali sara vei iko? ni ko sa caka ca, ko sa qai reki.

Ai Vola Tabu (Vakadewa Makawa Vakavoutaki 2021)

¹⁵ A cava sa mai kitaka e na noqu vale ko koya ka'u sa lomana, ni sa ia ko koya nai valavala ca levu, ia na yago savasava sa yali sara vei iko? Ni ko sa caka ca, ko sa qai reki.

AI VOLA TABU

¹⁵ Sa nei koya kaʼu sa lomana na cava e na noqu vale, ni sa ia ko koya nai valavala ca levu, ia na yago savasava sa lako tani vei iko? ni ko sa caka ca, ko sa qai reki.

Vakavakadewa Vou kei na iVola tale eso

¹⁵ A sa kaya o Jiova, “Era sa kitaka na veika ca na tamata au sa dau lomana. Na dodonu cava sa tu vei ira me ra kitaka kina na nodra veika vakasisila ena noqu vale. Ena rawa li ki na bubului kei na veisoro manumanu me na tarova na nomuni vakarusai? Era nanuma beka era na dro rawa ena sala oqo?

Ai Vola Tabu Ena Vakavakadewa Vou

¹⁵ A sa kaya ko Jiova, “Era sa kitaka na veika ca na tamata au sa dau lomana. Na dodonu cava sa tu vei ira me ra kitaka kina na nodra veika vakasisila ena noqu vale. Ena rawa li ki na bubului kei na veisoro manumanu me na tarova na nomuni vakarusai? Era nanuma beka era na dro rawa ena sala oqo?

Jeremaia 11:15 Iomraidhean Croise

NA SAME 50:16

Ia vei ira nai valavala ca, sa kaya na Kalou, A cava soti ko sa tukuna kina na noqu vunau, Ka sa cavuta talega e gusumu na noqu veiyalayalati?

NA SAME 60:5

Me vakabulai kina ko koya ko ni sa lomana; Mo ni vakabulai au e na ligamuni matau, ka rogoci au.

Vosavakaibalebale 10:23

Sa vaka na qito vua na lialia me kitaka na ka ca: Ia na tamata yalomatua sa taukena na vuku.

Vosavakaibalebale 15:8

Sa ka vakasisila vei Jiova na nodra i soro nai valavala ca: Ia na nodra masu na yalododonu sa vinakata ko koya.

Vosavakaibalebale 2:14

Era reki ni ra kitaka na ka ca, Ka marautaka nai valavala veve ni tamata ca;

Vosavakaibalebale 21:27

A nodra i soro na tamata ca sa ka vakasisila: Ka vakalevu, ni sa nanuma ca ko koya ni sa kauta mai.

Vosavakaibalebale 26:18

Me vakataki koya na lialia dina sa veibiuyaka na bukawaqa, Kei na gasau, kei na mate,

Vosavakaibalebale 28:9

O koya sa vaqara tani na daligana me kakua ni rogoca na vunau, Ena ka vakasisila na nona masumasu.

Aisea 50:1

Sa kaya vakaoqo ko Jiova: Sa evei nai vola ni veibiu nei tinamu, ka'u sa vakatalai koya kina? se ko cei ka'u sa dinau vua ka'u sa volitaki iko kina. Raica, e na vuku ni nomudou i valavala ca dou sa volitaki kina: e na vuku talega ni nomudou talaidredre sa veibiu kina na tinamudou.

Jeremaia 12:7

Au sa biuta na noqu vale, au sa vakalaiva na noqu i votavota; au sa soli koya ka'u sa lomana e na vu ni yaloqu ki na ligadra na nona meca.

Jeremaia 13:27

A nomu veibutakoci, kei na nomu daugagano, kei na levu ni nomu dautagane io na nomu i valavala vakasisila e na veiyasana cecere ni vanua, ka'u sa raica oti. Ena ca vei iko, Jerusalemi! ko na sega li ni vakasavasavataki? ena yaco ga ninaica?

Jeremaia 15:1

Sa qai kaya vei au ko Jiova, Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo: biuti ira tani me'u kua ni raica, me ra lako tani ga.

Jeremaia 2:2

Mo la'ki tukuna e na daliga i Jerusalemi, ka kaya, Sa kaya vakaoqo ko Jiova; Au sa nanumi iko, kei na nodaru veilomani ni ko sa gone, kei na loloma ni nodaru veimusuki, ni ko a muri au voli e na veikau, e na vanua sa sega ni tei.

Jeremaia 23:11

Ko ira na parofita kei na bete talega era sa tamata ca, io, e na noqu vale ka'u sa kunea na nodra ca, sa kaya ko Jiova.

Jeremaia 3:14

Dou lesu mai, na gone dauvuki, sa kaya ko Jiova; ni'u sa veiwatini kei kemudou: ka'u na qai kauti kemudou, e dua mai na dua na koro, ka rua mai na dua na mataqali, ia ka'u na kauti kemudou mai ki Saioni:

Jeremaia 3:8

Ia ka'u a raica, ni sai koya dina oqo ni sa dautagane ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

Osea 3:1

Sa qai kaya vei au ko Jiova, Mo lako tale, mo mani lomana na yalewa sa daulomani vua na wekana, ka sa dautagane ga, me vaka na loloma i Jiova vei ira na Isireli, era golevi ira na kalou tani, ka vinakata na bilo waini.

Maciu 22:11

A sa qai curu mai na tui me raici ira era sa tiko me ra kana, a sa raica kina e dua na tamata sa sega ni vakaisulu e nai sulu ni vakawati:

Luke 8:28

Ia ni sa raici Jisu, sa qoqolou cake, ka cuva sobu vua, ka kaya e na domo levu, A cava vei kedaru, i Jisu na Luve ni Kalou cecere sara? au sa vakamasuti iko, mo kakua ni vakararawataki au.

Roma 11:28

E nai tukutuku-vinaka, era sa veimecaki ko ira e na vukumudou: ia e nai lesilesi ga, era sa vinakati e na vukudra na qase.

1 Korinica 13:6

sa sega ni rekitaka na ca, ia sa rekitaka na dina;

Vei Taito 1:15

Sa savasava na ka kecega vei ira era sa yalosavasava: ia vei ira era sa dukadukali ka sega ni vakabauta sa sega na ka sa savasava; ia sa dukadukali na nodra lewa-eloma kei na yalodra.

Jemesa 4:16

Ia dou sa qai marau ka dokadokai kemudou: e ca na marau kecega sa vaka ko ya.