Jeremaia 11:10 - Vakavakadewa Makawa

¹⁰ era sa lesu tani ki nai valavala ca ni nodra qase eliu, era sa bese ni vakarogoca na noqu vosa, ka ra sa muria ga na kalou tani, me ra qaravi ira: era sa vakacacataka, ko ira na mataqali i Isireli kei na mataqali i Juta, na noqu veiyalayalati o koya ka'u a cakava kei ira na nodra qase.

Ai Vola Tabu (Vakadewa Makawa Vakavoutaki 2021)

¹⁰ Era sa lesu tani ki nai valavala ca ni nodra qase eliu, era sa bese ni vakarogoca na noqu vosa, ka ra sa muria ga na kalou tani, me ra qaravi ira. Era sa voroka ko ira na vale i Isireli kei na vale i Juta na noqu veiyalayalati, o koya ka'u a cakava kei ira na nodra qase.

AI VOLA TABU

¹⁰ era sa lesu tani ki nai valavala ca ni nodra qase eliu, era sa bese ni vakarogoca na noqu vosa, a ra sa muria ga na kalou tani, me qaravi ira: era sa vakacacataka, ko ira na mataqali i Isireli kei na mataqali i Juta, na noqu veiyalayalati o koya kaʼu a cakava kei ira na nodra qase.

Vakavakadewa Vou kei na iVola tale eso

¹⁰ Era sa vakayacora tale na nodra i valavala ca na nodra qase, o ira era a sega ni via muria na noqu vosa. Era a cuva ki na veikalou tani ka qaravi ira. E rau sa voroka na veiyalayalati o Isireli kei Juta au a cakava kei ira na nodra qase.

Ai Vola Tabu Ena Vakavakadewa Vou

¹⁰ Era sa vakayacora tale na nodra i valavala ca na nodra qase, o ira era a sega ni via muria na noqu vosa. Era a cuva ki na veikalou tani ka qaravi ira. E rau sa voroka na veiyalayalati o Isireli kei Juta au a cakava kei ira na nodra qase.

Jeremaia 11:10 Iomraidhean Croise

NA SAME 78:57

Era sa vuki tani ga, ka cakacaka vakailasu me vaka na nodra qase: A ra sa vakatikitiki tani me vaka na dakai titi e daulasu.

Aisea 24:5

Sa vakadukadukalitaki talega ko vuravura e na vuku ni lewena; ni a sa talaidredre ki na vunau, era sa vakatanitaka nai lesilesi, era sa vakacataka na veiyalayalati tawa mudu.

Jeremaia 13:10

Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Jeremaia 17:23

ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

Jeremaia 22:9

Era na qai kaya, Ni ra sa biuta na veiyalayalati i Jiova na nodra Kalou, ka soro vei ira na kalou tani, ka qaravi ira.

Jeremaia 31:32

ena sega ni vaka na veiyalayalati ka'u a cakava kei ira na nodra qase e na siga ka'u a taura kina na ligadra me'u tuberi ira mai na vanua ko Ijipita; ni ra sa vakacataka na noqu veiyalayalati ko ya, ia koi au ka'u sa watidra ga, sa kaya ko Jiova:

Jeremaia 44:16

Keimami na sega ni vakarorogo ki na vosa, ko sa mai tukuna vei keimami e na yaca i Jiova:

Jeremaia 44:5

A ra sa sega ni vakarorogo, se vakatu daligadra me ra saumaki mai na nodra ca, ka me ra kakua ni vakama nai madrali boi vinaka vei ira na kalou tani.

Jeremaia 7:28

Ia mo kaya vei ira, Oqo na matanitu sa sega ni vakarorogo ki na vosa i Jiova na nodra Kalou, ka ra bese ni vakavulici: sa oti na vosa dina, ka sa mudu mai na gusudra.

Jeremaia 9:6

a nomu vale sa tu e na loma ni veivakaisini; e na vuku ni veivakaisini era sa bese ni kilai au, sa kaya ko Jiova.

Isikeli 16:59

Ni sa kaya vakaoqo na Turaga ko Jiova; Io ka'u na cakava vei iko me vaka na ka ko sa cakava, ni ko sa beca na bubului ni ko sa vakacacana na veiyalayalati.

Isikeli 44:7

ni dou a kauti ira mai na kai tani, sa sega ni cilivi na yalodra, ka sega ni cilivi na yagodra, me mai tiko e na noqu tikina tabu, me vakacacana, io na noqu vale, ni dou a vakacabora tiko na noqu madrai, kei na uro kei na dra, ka ra sa vakacacataka na noqu veiyalayalati e na vuku ni nomudou i valavala vakasisila kecega.

Isikeli 5:6

Ia sa vorata vakalevu ko koya na noqu lewa ka ni uasivi cake e na ca ka sa uasivi sobu na veimatanitu, sa vorata vakalevu talega na noqu i lesilesi ko koya, ka vakalailai na veivanua sa vakavolivoliti koya: ni ra sa biuta na noqu lewa, ka ra sa sega ni muria na noqu i lesilesi.

Osea 6:4

A cava me'u cakava vei kemudou, na Ifireimi? a cava me'u cakava vei kemudou, na Juta? ni sa vaka na o ni mataka na nomudou yalololoma ka vaka na tegu sa yali sara e na mataka caca.

Osea 6:7

Ia ko ira, era sa vaka na tamata sa vakacacataka na veiyalayalati: ia maikea era sa ia na veivakaisini vei au.

Osea 7:16

Era lesu, ka segai vua sa Cecere sara: era sa vaka na dakai daulasu: ena bale e nai seleiwau ko ira na nodra turaga e na vuku ni cudru ni yamedra: a ka oqo era na vakalialiai kina e na vanua ko Ijipita.

Vunau ni Soro 26:15

ka sa beca ga na noqu i lesilesi, se sa cata na noqu lewa na lomamudou, mo dou kakua kina ni kitaka na noqu vunau kecega, ka sa vakacataka ga na noqu veiyalayalati:

Sefanaia 1:6

kei ira era sa vuki tani vei Jiova; ka ra sa sega ni vakasaqarai Jiova, se tarogi koya.

Sakaraia 1:4

Dou kakua ni vakataki ira na nomudou qase, ka kaci kina ko ira na parofita eliu, ka vaka Sa kaya vakaoqo ko Jiova ni lewe vuqa; Dou lesu mada mai na nomudou i tovo ca, kei na nomudou i valavala ca: ia era a sega ga ni rogoca, se vakarorogo vei au, sa kaya ko Jiova.

Sakaraia 7:11

A ra sa bese ga ni vakarorogo, ka ra vuki vakanadaku, ka ra sogota na daligadra, me ra kakua ni rogoca.

Sakaraia 7:13

A sa yaco, me vaka ni sa kaci ko koya, ka ra bese ni rogoca; sa ra kaci vaka talega kina ko ira, ia ka'u a bese ga ni rogoca, sa kaya ko Jiova ni lewe vuqa:

Vakarua 31:16

A sa kaya vei Mosese ko Jiova, Raica, ko na moce vata kei ira na nomu qase: ia na tamata oqo era na lako vakatani ni ra muria na veikalou tani ni lewe ni vanua era la'ki tiko e na kedra maliwa, ia era na biuti au, ka vakacataka na noqu veiyalayalati ka'u a cakava kei ira.

Vakarua 9:7

Mo ni nanuma, kakua ni guilecava, ni ko a dauvakacudrui Jiova na nomuni Kalou mai na vanua liwa: mai na siga ko ni a lako tani mai na vanua ko Ijipita, ka yacova na siga kemuni a yaco kina ki na yasana oqo, ko ni sa talaidredre ga vei Jiova.

Iperiu 8:9

Ena sega ni vaka na veiyalayalati ka'u a cakava vei ira na nodra qase E na siga ka'u a taura kina na ligadra me tuberi ira mai na vanua ko Ijipita; Ni ra sa sega ni tu dei e na noqu veiyalayalati, A sa kaya kina ko Jiova, ka'u a sega ni maroroi ira.

Dauveilewai 2:11

A ra sa kitaka na ka ca e na mata i Jiova ko ira na Isireli, ka qaravi ira na Peali:

Dauveilewai 2:17

Ia era sa sega ga ni vakarorogo kivei ira na nodra dauveilewai, ka ra sa lako vakatani ga ka muria eso na kalou tani, a ra sa cuva vei ira: era sa vuki kusarawa mai na sala era a lako kina ko ira na nodra qase, era a talairawarawa ki na vunau i Jiova: ia era sa sega ni cakacaka vakakina.

Dauveilewai 2:19

Ia ni sa mate na dauveilewai, era sa qai vuki tale, ka uasivi ira na nodra qase e na ca, ni ra muria eso na kalou tani me ra qaravi ira, ka cuva vei ira; era sa sega ni vakacegu mai na nodra i valavala, kei na nodra i tovo vakalomaqa.

1 Samuela 15:11

Au sa veivutuni ni ka'u sa buli Saula me tui; ni sa vuki tani ko koya me kakua ni muri au, ka sega ni vakayacora na noqu vosa. A sa rarawa ko Samuela; a sa tagi vei Jiova e na bogi taucoko.