Jeremaia 10:19 - Vakavakadewa Makawa

¹⁹ Ulei na noqu mavoa! sa ka rarawa na noqu yaviti: ia koi au ka'u a kaya, E dina sa ka ni veivakararawataki oqo, ia ka'u na vosota ga.

Ai Vola Tabu (Vakadewa Makawa Vakavoutaki 2021)

¹⁹ Ulei na noqu mavoa! Sa ka rarawa na noqu yaviti. Ia koi au ka'u a kaya, “E dina sa ka ni veivakararawataki oqo, ia ka'u na vosota ga.”

AI VOLA TABU

¹⁹ Ule na noqu vue! sa ka rarawa na noqu yaviti: ia koi au kaʼu a kaya, E dina sa ka veivakararawataki o qo, ia kaʼu sa na vosota ga.

Vakavakadewa Vou kei na iVola tale eso

¹⁹ Era sa tabalaka na tagi Na lewe i Jerusalemi. Oilei, keimami sa mavoa vakaca sara! Ena sega ni mavo rawa na neimami mavoa. Ka keimami sa nanuma ga Ni sa rawa me vosoti na ka oqo!

Ai Vola Tabu Ena Vakavakadewa Vou

¹⁹ Era sa tabalaka na tagi Na lewe i Jerusalemi. Oilei, keimami sa mavoa vakaca sara! Ena sega ni mavo rawa na neimami mavoa. Ka keimami sa nanuma ga Ni sa rawa me vosoti na ka oqo!

Jeremaia 10:19 Iomraidhean Croise

NA SAME 39:9

Au a galu, au a sega ni dalaga; Ni kemuni a vakayacora.

NA SAME 77:10

Au a qai kaya, Oqo na noqu lialia: Ia ka'u na nanuma na veiyabaki ni liga i matau i Koya sa Cecere sara.

Aisea 8:17

Ia ka'u na waraki Jiova, ko koya sa tabonaka na matana mai na mataqali i Jekope, ka'u na waraki koya tiko.

Jeremaia 14:17

Ia mo kaya vei ira na vosa oqo; Me dave sobu na wai mai na mataqu e na siga kei na bogi, ia me kakua ni cegu: ni sa ramusu na goneyalewa ni noqu tamata e na dua na rusa levu, ka sa yaviti vakaca sara.

Jeremaia 14:7

Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga: ni sa ka levu na neimami dauvuki; keimami sai valavala ca vei kemuni.

Jeremaia 17:13

Koi kemuni Jiova, era dauvakararavi kina na Isireli, ko ira kece era biuti kemuni era na madua ga, ko ira era lako tani vei au era na volai ga e na qele, ka ni ra sa biuti Jiova na mata-ni-wai bula.

Jeremaia 4:19

Na ketequ, na ketequ! sa sautaribariba na vu ni lomaqu; sa kudrukudru na yaloqu e lomaqu; au sa sega ni galu rawa, ni ko sa rogoca, na yaloqu, na rorogo ni davui, na kaila ni valu.

Jeremaia 4:31

Ni'u sa rogoca e dua na domo sa vaka na domo ni yalewa sa taratara, ka vaka na yaluma i koya sa vakasucuma na nona ulumatua, na domo ni goneyalewa ni Saioni, ni sa tagicaki koya ga, ni sa dodoka na ligana, ka kaya, Ulei koi au oqo! ni sa luvu na yaloqu e na vukudra na daulaba!

Jeremaia 8:21

E na vuku ni nona mavoa na goneyalewa ni noqu tamata ka'u sa mavoa; au sa vakaveveku mata mai; au sa kidacala sara mai.

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Lele i Jeremaia 1:2

Sa tagi vakalevu ko koya e na bogi, Sa tiko ga e baluna na wai ni matana; Sa sega e dua vei ira kecega na wekana me vakacegui koya: Ko ira kece na nonai tokani era sa lawakitaki koya, Era sa vuki tale me nona meca.

Lele i Jeremaia 3:48

Sa dave tu mai na mataqu na uciwai levu, e na vuku ni kena rusa na goneyalewa ni kai noqu.

Maika 7:9

Na cudru i Jiova ka'u na vosota ga, ni'u sai valavala ca vua, me na ia mada ko koya na veitotaki e na vukuqu, ka cudruvaki au: ena kauti au yani ki na rarama, au na raica na nona cakacaka dodonu.