Jeremaia 1:9 - Vakavakadewa Makawa

⁹ A sa dodoka mai na ligana ko Jiova, ka tara na gusuqu. Ka sa kaya vei au ko Jiova, Raica, ka'u sa tauca na noqu vosa ki na gusumu.

Ai Vola Tabu (Vakadewa Makawa Vakavoutaki 2021)

⁹ A sa dodoka mai na ligana ko Jiova, ka tara na gusuqu; ka sa kaya vei au ko Jiova, “Raica, ka'u sa tauca na noqu vosa ki na gusumu.

AI VOLA TABU

⁹ A sa dodoka mai na ligana ko Jiova, ka tara na gusuqu. A sa kaya vei au ko Jiova, Raica, kaʼu sa tauca na noqu vosa ki na gusumu.

Vakavakadewa Vou kei na iVola tale eso

⁹ A qai dodoka mai na ligana o Jiova, ka tara na tebe ni gusuqu, ka kaya vei au, “Raica, au sa tauca na noqu vosa ena gusumu,

Ai Vola Tabu Ena Vakavakadewa Vou

⁹ A qai dodoka mai na ligana ko Jiova, ka tara na tebe ni gusuqu, ka kaya vei au, “Raica, au sa tauca na noqu vosa ena gusumu,

Jeremaia 1:9 Iomraidhean Croise

Aisea 49:2

Ka sa cakava na gusuqu me tautauvata kei nai seleiwau gata; sa tabonaki au e na yaloyalo ni ligana; ka sa cakavi au me'u gasau makamakalivata; sa vunitaki au e na nona taga ni gasau;

Aisea 50:4

Sa solia vei au na Turaga ko Jiova na yame sa vakavulici rawa, me'u vuku i tokona e a vosa na tamata sa ceguoca: sa vakayadrati au ko koya e na veimataka, sa vakaturorogo na daligaqu, me'u vakarorogo me vakataki ira era sa vakatavulici.

Aisea 51:16

Ia ka'u sa vakacuruma na noqu vosa ki na gusumu, ia ka'u sa ubi iko e na yaloyalo ni ligaqu, me'u tea na lomalagi, ka tauyavutaki vuravura, ka kaya vei ira mai Saioni, Koi kemudou na noqu tamata.

Aisea 59:21

Ia koi au, sa vakaoqo na noqu veiyalayalati kei ira, sa kaya ko Jiova; Na Yaloqu, o koya sa tu vei iko, kei na noqu vosa ka'u sa tauca ki na gusumu, ena sega ni lako tani e na gusumu, se na gusudra na nomu kawa, se na gusudra na kawa ni nomu kawa, mai na gauna oqo ka sega ni mudu, sa kaya ko Jiova.

Jeremaia 15:19

O koya oqo sa kaya kina ko Jiova, Kevaka ko na saumaki mai, ka'u na qai vakayacori iko tale, mo mai tu ga e mataqu: ia kevaka ko na wasea tani na ka talei mai na ka sa sega ni yaga, ko na qai vaka ga na gusuqu: me ra saumaki mai vei iko ko ira; ia ko iko mo kakua ni saumaki vei ira.

Jeremaia 34:6

A sa tukuna ko Jeremaia na parofita na vosa kecega oqo vei Setekaia na tui Juta mai Jerusalemi:

Jeremaia 36:2

Mo taura e dua nai vola vivigi, ka vola kina na vosa kecega ka'u sa tukuna vei iko ka baleti ira na Isireli, kei ira na Juta, kei na veimatanitu kecega, mai na siga ka'u a vosa kina vei iko, io mai na gauna i Josaia, ka yacova na siga oqo.

Jeremaia 5:14

O koya sa kaya kina ko Jiova na Kalou ni lewe vuqa, Ni dou sa cavuta na vosa oqo, raica, ka'u na cakava na noqu vosa e na gusumu me bukawaqa, kei na tamata oqo me ra buka, ia ena kani ira.

Isikeli 3:10

Sa kaya talega vei au ko koya, Ko iko na luve ni tamata, na vosa kece ka'u na vosataka vei iko mo tugana ga ki lomamu, ka rogoca e daligamu.

Taniela 10:10

Ka raica, sa qai tarai au e dua na liga, a sa vakaduri au e na duruqu kei na qeteqete ni ligaqu.

Taniela 10:16

Ka raica, sa dua e rairai vaka e dua vei ira na luve ni tamata sa qai tara na tebenigusuqu: ka'u a qai dalaga, ka vosa, ka kaya vua sa wavu tu e mataqu, Noqu turaga, e na vuku ni raivotu sa yaco kina vei au na noqu rarawa, ia sa sega ni vo tiko vei au na kaukauwa.

Tiko mai na Lekutu 23:5

A sa solia na vosa ki na gusu i Pelami ko Jiova, a sa kaya, Mo lesu vei Pelaki, ka vosa vakaoqo.

Maciu 10:19

Ia ni ra sa soli kemudou yani, kakua ni lomaocaoca se dou na vosa vakaevei se cava dou na kaya: ni na soli vei kemudou e na tiki-ni-siga ko ya na ka mo dou vosataka:

Marika 7:33

A sa kauti koya vakatikitiki maivei ira na lewe vuqa, a sa daramaka na nonai qaqalo ki na daligana ruarua ni tamata, ka kasivi, ka tara na yamena;

Luke 12:12

ni na vakavulici kemudou na Yalo Tabu e na tiki-ni-siga ko ya e na ka e dodonu mo dou kaya.

Luke 21:15

ni’u na solia vei kemudou na gusu, kei na vuku ena sega e dua na nomudou meca ena veiletitaka rawa, se vorata.

Vakarua 18:16

me vaka na ka kecega ko ni a kerea vei Jiova na nomuni Kalou mai Orepi, e na siga ni soqoni vata, ka kaya, Me'u kakua ni rogoca tale na domo i Jiova na noqu Kalou, me'u kakua talega ni raica tale na bukawaqa levu oqo, de'u mate kina.

Vakarua 18:17

A sa kaya vei au ko Jiova, Sa ka dodonu na ka era sa kaya:

Vakarua 18:18

au na vakatubura vei ira e dua na parofita maivei ira na wekadra, me vakataki iko, ia ka'u na vakacuruma na noqu vosa ki na gusuna; ia ena tukuna vei ira na ka kecega ka'u na vakarota vei koya: