Jeremaia 1:16 - Vakavakadewa Makawa

¹⁶ ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

Ai Vola Tabu (Vakadewa Makawa Vakavoutaki 2021)

¹⁶ Ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

AI VOLA TABU

¹⁶ ia kaʼu na cavuta na noqu lewa vei ira e na vuku ni nodra ca kecega, era sa biuti au, ka vakacaudreva nai madrali boi vinaka ki na kalou tani, ka sorova na cakacaka ni ligadra.

Vakavakadewa Vou kei na iVola tale eso

¹⁶ Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Ai Vola Tabu Ena Vakavakadewa Vou

¹⁶ Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 1:16 Iomraidhean Croise

2 Tui 22:17

ni ra sa biuti au, ka sa vakama na ka boi vinaka ki na kalou tani eso me vakacudrui au kina e na cakacaka kecega ni ligadra; o koya ena waqa kina na noqu cudru ki na tikina oqo, ka na sega ni boko.

2 Veigauna 15:2

a sa curu yani me tavaki Esa, ka sa kaya vua, Ni rogoci au mai, kemuni Esa, kei kemuni kecega na Juta kei na Penijamini: Sa na tiko kei kemuni ko Jiova, kevaka kemuni sa tiko kei koya; ia kevaka kemuni sa vakasaqarai koya, ena kune vei kemuni ko koya, ia kevaka kemuni sa biuti koya, ena biuti kemuni ko koya.

2 Veigauna 28:2

ni sa muria ko koya na nodra i valavala na tui Isireli, ka cakava na matakau e vakawaicalataki kivei ira na Peali.

2 Veigauna 34:25

ni ra sa biuti au, ka vakama na ka boi vinaka vei ira na kalou tani, me ra vakacudrui au e na cakacaka kecega ni ligadra; e na vuku ni ka oqo, ena sovaraki kina na noqu cudru ki na koro oqo, ka na sega ni bokoci.

2 Veigauna 7:19

Ia kevaka dou sa vuki tani, ka biuta na noqu i lesilesi, kei na noqu vunau ka'u sa tauca e matamudou, ka dou sa lako ka qarava na kalou tani, ka soro vei ira;

Aisea 2:8

Ka sa oso na nodra vanua e na matakau; era sa cuva ki na cakacaka ni ligadra, ki na ka sa cakava nai qaqalo ni ligadra:

Aisea 37:19

a ratou sa biuta ki na bukawaqa na nodra kalou: ni ra sa sega ni kalou, na cakacaka walega ni liga ni tamata, na kau kei na vatu: ia eratou sa vakarusai ira kina.

Aisea 44:15

ena qai yaga ki na tamata me buka; a sa kauta mai e dua, ka sa tatalai kina: io, sa vakawaqa, ka sa vavia kina na madrai; io, sa cakava na kalou, a sa rokova; sa cakava me matakau ceuceu, ka sa cuva kina.

Aisea 65:3

na mataqali sa vakacudrui au ki mataqu e na veisiga; era vakacaboi soro e na veiwere, ka vakama nai madrali boi vinaka e na vatu buli:

Jeremaia 10:15

Sa ka lasu ga oqori, na cakacaka dauveivakalialiai: e na gauna era cudruvi kina era na rusa.

Jeremaia 10:3

Ni sa ka lasu na nodra i valavala na tamata: ni sa dua sa taya mai veikau e dua na kau, na cakacaka ni liga ni matai e na matau;

Jeremaia 11:12

Ena qai lako na veikoro i Juta kei na kai Jerusalemi, ka tagi vei ira na kalou era vakama kina na ka boi vinaka: ia era na sega sara ni vakabulai ira e na gauna ni nodra rarawa.

Jeremaia 11:17

Ia ko Jiova ni lewe vuqa ko koya ka tei iko, sa kaya me yacovi iko na ca, e na vuku ni nodra ca na mataqali i Isireli kei na mataqali i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.

Jeremaia 15:6

Ko iko ko sa biuti au, sa kaya ko Jiova, ko sa lako ki muri: o koya oqo ka'u na dodoka kina na ligaqu vei iko, ka vakarusai iko; au sa oca e na veivutuni.

Jeremaia 16:11

ia mo kaya vei ira, E na vukudra na nomudou qase ni ra sa biuti au, sa kaya ko Jiova, ka ra sa muria na kalou tani, ka qaravi ira, ka sorovi ira, ia era sa biuti au, ka ra sa sega ni vakabauta na noqu vunau;

Jeremaia 17:13

Koi kemuni Jiova, era dauvakararavi kina na Isireli, ko ira kece era biuti kemuni era na madua ga, ko ira era lako tani vei au era na volai ga e na qele, ka ni ra sa biuti Jiova na mata-ni-wai bula.

Jeremaia 18:15

ka ni ra sa guilecavi au na noqu tamata, ia era sa vakama kina na ka boi vinaka ki na ka lasu, ka ra sa vakatarabetaki ira e na nodra sala, ka sa biu ga nai lakolako makawa, me ra lako vakatikitiki e na sala sa sega ni buluti;

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 2:13

ni sa rua na ka ca era sa cakava, ko ira na noqu tamata; era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca, ka sa lu tikotikoga.

Jeremaia 2:17

A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 2:28

Ia sa evei na nomu kalou ko sa cakava me yaga vei iko? me ra tu cake mai, kevaka era sa vakabulai iko rawa e na gauna ni nomu rarawa: na nomu kalou, ko iko Juta sa tautauvata na kedrai wiliwili kei na nomu veikoro.

Jeremaia 4:12

io sa dua na cagi kaukauwa mai na veiyasana ko ya, ena lako mai vei au: ia koi au talega ka'u na qai tukuna na lewa vei ira.

Jeremaia 4:28

E na vuku ni ka oqo ena yasovaka ko vuravura, ka na loaloa mai na lomalagi e cake: ni'u sa vosataka, ni'u a nakita, ni'u na sega ni veivutunitaka, ni'u na sega talega ni suka tani maikina.

Jeremaia 44:17

ia keimami na cakava sara ga na ka kece sa cavuta na gusu i keimami, ka me keimami vakama nai madrali boi vinaka vua na ranadi ni lomalagi, ka sova vua nai sevu, me vaka keimami sa daucakava, koi keimami, kei ira na neimami qase, kei na neimami tui, kei na neimami turaga, e na veikoro vaka-Juta, kei na sala ni koro ko Jerusalemi: ni keimami sa mamau kina e na kakana, ka bula vinaka, ia keimami sa sega ni raica kina na ka ca:

Jeremaia 5:29

Me'u sega beka ni sauma na veika oqo? sa kaya ko Jiova: ia me'u sega beka ni cudruvi ira na matanitu sa vakaoqo?

Jeremaia 5:9

Me'u sega beka ni sauma na veika oqo? sa kaya ko Jiova: ia me'u sa sega beka ni cudruvi ira na matanitu sa vakaoqo?

Jeremaia 51:17

Sa vakasesei tani na tamata kecega mai na vuku; sa vakamaduataki na matai kecega e na matakau ceuceu: ni sa ka lasu sara na nona matakau e vakawaicalataki, a sa sega nai cegu e lomadra.

Jeremaia 7:17

Ko sa sega beka ni raica na ka era cakava e na veikoro vaka-Juta kei na sala ni koro ko Jerusalemi?

Jeremaia 7:18

na gone, era ca buka; na tamadra, era tutuvaka na buka; ko ira na yalewa, era natuka na madrai droka, me ra cakava na kena keki na ranadi ni lomalagi, ka ra sova nai sevu me medra na kalou tani, me ra vakacudrui au.

Jeremaia 7:9

Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila;

Isikeli 16:18

ka sa kauta na nomu i sulu veivolavolai, ka vakaisulutaki ira: ia ko sa tauca e matadra na noqu waiwai kei na noqu ka boi vinaka:

Isikeli 24:14

Oi au ko Jiova ka'u sa cavuta; ena yaco ga, ni'u na cakava, ka'u na sega ni suka ki muri, ka'u na sega talega ni vosota, ka'u na sega talega ni veivutuni; me vaka na nomu i tovo, ka vaka na nomu i valavala, era na lewai iko, sa kaya na Turaga ko Jiova.

Osea 11:2

Ni ra sa kacivi ira, era sa lako tani ga vei ira: sa ra soro vei ira na Peali, ia era vakama na ka boi vinaka ki na matakau ceuceu.

Osea 8:6

Ni sa vu vei ira na Isireli na ka oqo: na matai ga sa cakava; ka sa sega ni Kalou: ia ena vorolaki ga na luve ni pulumokau ni Samaria.

Joeli 2:11

ia ko Jiova ena tabalaka na domona ni sa liutaki ira na nona mataivalu: ni sa ka levu sara na nonai valu: sa kaukauwa talega ko koya sa vakayacora na nona vosa: sa ka levu na siga i Jiova ka rerevaki sara; ia ko cei me na vosota rawa?

Cakacaka 7:41

A ra cakava e dua na luve ni pulumokau e na gauna ko ya, a ra sa vakacabora nai soro ki na matakau, a ra sa rekitaka na cakacaka ni ligadra.

Vakarua 28:20

Ena vakayacora vei kemuni ko Jiova na rarawa, kei na lesavi, kei na cudru, e na ka kecega ko ni sa cakava e na ligamuni, ka mo ni kawaboko sara mada, ka rusa vakasauri; e na vuku ni ca ni nomuni valavala, ko ni sa biuti au kina.

Vakarua 31:16

A sa kaya vei Mosese ko Jiova, Raica, ko na moce vata kei ira na nomu qase: ia na tamata oqo era na lako vakatani ni ra muria na veikalou tani ni lewe ni vanua era la'ki tiko e na kedra maliwa, ia era na biuti au, ka vakacataka na noqu veiyalayalati ka'u a cakava kei ira.

Josua 24:20

kevaka ko ni sa laivi Jiova, ka qarava na veikalou ni kai tani, ena qai vuki ko koya ka vakacacani kemuni, ka vakarusai kemuni, ni sa caka vinaka oti vei kemuni.

Vakatakila 9:20

Ia ko ira na tamata sa vo era sa sega ni vakamatei e na mate ca oqo, era sa sega ni veivutunitaka na cakacaka ni ligadra, me ra kua ni vakarokoroko ki na tevoro eso, kei na matakau koula, kei na siliva, kei na parasa, kei na vatu, kei na kau: oqori sa sega ni rai rawa, se rogo rawa, se lako voli: