Jemesa 4:4 - Vakavakadewa Makawa

⁴ Oi kemudou na dauyalewa kei na dautagane, dou sa sega beka ni kila, ni sa veicati kei na Kalou na veivinakati kei vuravura? ia sa veimecaki kei na Kalou ko koya sa via veiwekani kei vuravura.

Ai Vola Tabu (Vakadewa Makawa Vakavoutaki 2021)

⁴ Oi kemudou na dauyalewa kei na dautagane, dou sa sega beka ni kila ni sa veicati kei na Kalou na veivinakati kei vuravura? Ia sa veimecaki kei na Kalou ko koya sa via veitokani kei vuravura.

AI VOLA TABU

⁴ Oi kemudou na dauyalewa kei na dautagane, dou sa sega beka ni kila, ni sa Veicati kei na Kalou na lomana na veika vakavuravura? ia sa veimecaki kei ua Kalou ko koya sa via lomana na veika vakavuravura.

Vakavakadewa Vou kei na iVola tale eso

⁴ Ni yavu tamata dauveidabui! O ni sega beka ni kila ni sa veimecaki kei na Kalou o koya yadua sa via veitokani kei vuravura?

Ai Vola Tabu Ena Vakavakadewa Vou

⁴ Ni yavu tamata dauveidabui! O ni sega beka ni kila ni sa veimecaki kei na Kalou o koya yadua sa via veitokani kei vuravura?

Jemesa 4:4 Iomraidhean Croise

Vakatekivu 3:15

ia ka'u na vakaveimecakitaki kemudrau kei na yalewa, kei na nomu kawa kei na nona kawa; ena butuqaqia na ulumu ko koya, ia ko na qaqia na bukubuku-ni-yavana.

NA SAME 21:8

Ena tarai ira kecega na nomuni meca na ligamuni: Ena tarai ira sa cati kemuni na ligamuni matau.

NA SAME 50:18

Ni ko a kunea na daubutako, ko a qai lomavata kaya, Ka sa votai vata kei ira na dauyalewa.

NA SAME 73:27

Raica, era na rusa ko ira kecega era sa tiko vakayawa vei kemuni: O ni sa vakarusai ira kecega era sa biuti kemuni me ra gole tani.

Aisea 57:3

Ia koi kemudou, dou toro mai ki ke, na luvena na yalewa daucakai sausau, na kawa ni dauyalewa kei na dautagane.

Jeremaia 2:2

Mo la'ki tukuna e na daliga i Jerusalemi, ka kaya, Sa kaya vakaoqo ko Jiova; Au sa nanumi iko, kei na nodaru veilomani ni ko sa gone, kei na loloma ni nodaru veimusuki, ni ko a muri au voli e na veikau, e na vanua sa sega ni tei.

Jeremaia 9:2

Me sa noqu mada mai na veikau e dua na bure ni vulagi; me'u vakalaivi ira tu na noqu tamata, ka lako tani vei ira! ni ra sa tamata dauyalewa kecega, nai soqosoqo ni daulawaki.

Isikeli 16:32

me vakataki koya ga na yalewa dauveibutakoci sa vakabauta na kai tani mei sosomi ni watina!

Osea 3:1

Sa qai kaya vei au ko Jiova, Mo lako tale, mo mani lomana na yalewa sa daulomani vua na wekana, ka sa dautagane ga, me vaka na loloma i Jiova vei ira na Isireli, era golevi ira na kalou tani, ka vinakata na bilo waini.

Maciu 12:39

A sa vosa ko koya, ka kaya vei ira, Sa dauvakasaqara nai vakatakilakila nai tabatamata ca kai valavala vakatani: ia ena sega nai vakatakilakila me soli kina, nai vakatakilakila ga i Jona na parofita:

Maciu 16:4

ai tabatamata ca ka dauyalewa sa dauvakasaqara e dua nai vakatakilakila; ka na sega ni soli kina e dua nai vakatakilakila, ai vakatakilakila ga i Jona na parofita. A sa qai laivi ira ko koya, ka lako yani.

Maciu 6:24

Sa sega e dua na tamata sa qarava rawa e le rua na turaga; ni na cata e dua, ka lomani koya kadua; se na kabita e dua, ka beci koya kadua. Dou sa sega ni qarava rawa na Kalou kei nai yau.

Luke 19:27

Ia ko ira na noqu meca oqo, era sa sega ni vinakata me’u lewai ira, kauti ira mai kike, ka vakamatea e mataqu.

Joni 15:19

Kevaka dou sa vakavuravura, ena lomana na kai nona ko vuravura; ia ni dou sa sega ni vakavuravura, ka niu sa digitaki kemudou mai vuravura, sai koya oqo sa cati kemudou kina ko vuravura.

Joni 17:14

Au sa solia vei ira na nomuni vosa; a sa cati ira ko vuravura, ni ra sa sega ni vakavuravura, me vaka kau sa sega ni vakavuravura.

Joni 7:7

Sa sega ni cati kemudou rawa ko ira na kai vuravura: ia era sa cati au, ni kau sa vakatakila ni sa ca na nodrai valavala.

Roma 5:10

Io, kevaka eda sa veivinakati kei na Kalou e na vuku ni nona mate na Luvena, ni da sa veimecaki, ena qai rawarawa cake, ni da sa veivinakati tu, me da vakabulai tiko e na vuku ni nona bula.

Roma 8:7

Ni sa veimecaki nai tovo vakayago kei na Kalou: ni sa sega ni vakarogoca na vunau ni Kalou, ia sa dredre sara me vakakina.

1 Korinica 1:20

Evei na vuku? evei na vunivola? evei na dauveileti ni vuravura oqo? sa sega beka ni vakalialiataka na vuku ni vuravura oqo na Kalou?

1 Korinica 1:21

Io, ni sa vuku tu na Kalou, a ra sa sega ni kila na Kalou na kai vuravura e na nodra vuku, sa qai vinakata na Kalou me vakabulai ira era sa vakabauta, e na vosa vakalialia.

Kalatia 1:10

Ia, kau sa qai vakalomavinakataki cei, na tamata, se na Kalou? seu segata beka me ra vinakati au ko ira na tamata? kevaka sa ka ga me ra vinakati au ko ira na tamata, au na qai sega ni talatala nei Karisito.

Jemesa 1:27

Na lotu savasava ka sega ni cala e mata ni Kalou ko Tamada sa vakaoqo, Me sa dauraici ira na luveniyali kei ira na yada, ni ra sa rarawa, me sa qarauni koya talega me kakua ni tauvi koya na duka ni ka vakavuravura.