Jemesa 4:1 - Vakavakadewa Makawa

¹ Sa vu maivei na veiba kei na veivala vei kemudou? sa sega li ni vuna na nomudou gagadre ca sa veivala e na veitiki ni yagomudou?

Ai Vola Tabu (Vakadewa Makawa Vakavoutaki 2021)

¹ Sa vu mai vei na veiba kei na veivala vei kemudou? Sa sega li ni vuna na nomudou gagadre ca sa veivala e na veitiki ni yagomudou?

AI VOLA TABU

¹ SA maivei na veiba kei na veivala vei kemudou? sa sega li mai na nomudou marau sa veivala e na veitiki ni yagomudou?

Vakavakadewa Vou kei na iVola tale eso

¹ Era vu mada mai vei na veivala kei na veiba ena kemuni maliwa? Era sega li ni ra vu tiko mai na veimataqali gagadre ca ka ra veisaqasaqa tiko ena yagomuni?

Ai Vola Tabu Ena Vakavakadewa Vou

¹ Era vu mada mai vei na veivala kei na veiba ena kemuni maliwa? Era sega li ni ra vu tiko mai na veimataqali gagadre ca ka ra veisaqasaqa tiko ena yagomuni?

Jemesa 4:1 Iomraidhean Croise

Jeremaia 17:9

Sa ka dauveivakaisini duaduaga na yalo ni tamata, ka sa dredre ni vinaka: ko cei me kila rawa?

Maciu 15:19

Ni sa curu yani mai na yalo na nanuma ca, na daulaba, na dauyalewa, na daudara, na daubutako, na veibeitaki vakailasu, na vosa vakacaca:

Joni 8:44

A tamamudou na tevoro, ia dou sa via kitaka na gagadre ca ni tamamudou. Ko koya na dauveivakamatei mai nai vakatekivu, a sa sega ni vakabauta na ka dina, ni sa sega vei koya na ka dina. Ni sa vosa lasu ko koya, sa vosataka na ka sa tu vua; ni sa daulasulasu ko koya, ka sa vu ni ka oqo.

Roma 7:23

ia ka'u sa kunea e dua tani na vunau e na veitikiqu, a rau sa veivala kei na vunau sa tu e na lomaqu, a sa vakabobulataki au ki na vunau ni ca, o koya sa tiko e na veitikiqu.

Roma 7:5

Ni da sa tiko vakayago ga, sa dautubu vakaukauwa e na veitikida na gagadre ca, sa tubu mai na vunau, me vuataki kina na mate.

Roma 8:7

Ni sa veimecaki nai tovo vakayago kei na Kalou: ni sa sega ni vakarogoca na vunau ni Kalou, ia sa dredre sara me vakakina.

Kalatia 5:17

Ni sa veivala na gagadre ni tovo vakayago kei na Yalo Tabu, a sa veivala na Yalo Tabu kei nai tovo vakayago: ia sa veimecaki koi rau oqo; dou sa sega kina ni cakava na veika dou sa vinakata.

Kolosa 3:5

O koya mo dou qai vakamatea na veitikimudou vakavuravura, a dauyalewa, nai valavala tawa-savasava, na garogaro ca, na dodomo ca, kei na kocokoco, o koya na dauqarava na kalou lasu:

2 Timoci 2:23

Ia mo dro tani mai na veileti lialia eda sega ni vakatavulici kina, ni ko sa kila era sa vakavuna ga na veileti.

Vei Taito 3:3

Ni da sa lialia eliu koi keda talega, eda sa talaidredre, eda sa vakacalai, eda sa daugoleva na gagadre ca kei na marau e vuqa, eda sa lomaca ka vuvu, eda sa vakasisila, eda sa dauveicati vakataki keda.

Vei Taito 3:9

Ia na ka lialia sa dauveiletitaki mo biuta ga, kei nai vola ni kawa, kei na veiba, kei na dauveiletitaka na vunau; ni sa sega ni yaga oqo, ka sa ka wale sara.

Jemesa 1:14

ia sa dauveretaki na tamata yadua, ni sa vecei koya na nona garogaro ca ka bacani koya.

Jemesa 4:3

Dou sa kerekere ga, ka sega ni rawata, ni dou sa kerekere vakaca, mo dou vakayalia e na nomudou gagadre ca.

1 Pita 1:14

me vaka na gone e dautalairawarawa, dou kakua ni vakatauvatani kemudou kei na gagadre ca eliu ni dou a lialia:

1 Pita 2:11

Oi kemudou sa lomani, au sa vakamasuti kemudou, ni dou sa vakataki ira na vulagi kei ira era dauveilakoyaki, mo dou tarovi kemudou mai na gagadre ca ni yago, sa veivala kei na yalo;

2 Pita 2:18

Ni ra sa vosataka na vosa sa tubu cake walega e na lialia, era sa lari ira sa qai bula walega maivei ira era sa dauia na caka cala, e na vuku ni gagadre ca ni yago, e nai valavala vakasisila.

2 Pita 3:3

ni dou sa kila mada oqo, ni na lako mai e na gauna emuri sara eso na dauveivakasewasewani, era na dauvakadamurimuria na nodra gagadre ca,