Jemesa 2:5 - Vakavakadewa Makawa

⁵ Dou rogoca, oi kemudou na wekaqu lomani, Sa sega beka ni digitaki ira na Kalou era sa dravudravua e na ka vakavuravura me ra vutuniyau e na vakabauta me ra taukena talega na matanitu sa yalataka ko koya vei ira era sa lomani koya?

Ai Vola Tabu (Vakadewa Makawa Vakavoutaki 2021)

⁵ Dou rogoca, oi kemudou na wekaqu lomani. Sa sega beka ni digitaki ira na Kalou era sa dravudravua e na ka vakavuravura me ra vutuniyau e na vakabauta ka me ra taukena talega na matanitu sa yalataka ko koya vei ira era sa lomani koya?

AI VOLA TABU

⁵ Dou rogoca, oi kemudou na wekaqu lomani, Sa sega beka ni digitaki ira ko na Kalou era sa dravudravua e ua ka vakavuravura me ni vutuniyau e na vakabauta, me ra taukena talega na matanitu sa yalataka ko koya vei ira era sa lomani koya?

Vakavakadewa Vou kei na iVola tale eso

⁵ Oi kemuni na wekaqu lomani, ni vakarorogo mada! Sa digitaki ira na tamata dravudravua ena ka ni vuravura oqo na Kalou me ra vutuniyau ena vakabauta, ka me ra taukena talega na matanitu sa yalataka oti o koya vei ira sa lomani koya.

Ai Vola Tabu Ena Vakavakadewa Vou

⁵ Oi kemuni na wekaqu lomani, ni vakarorogo mada! Sa digitaki ira na tamata dravudravua ena ka ni vuravura oqo na Kalou me ra vutuniyau ena vakabauta, ka me ra taukena talega na matanitu sa yalataka oti o koya vei ira sa lomani koya.

Jemesa 2:5 Iomraidhean Croise

1 Tui 22:28

A sa kaya ko Maikaia, Kevaka ko ni na lesu dina mai e na vakacegu, sa qai sega ni vosa e na gusuqu ko Jiova. A sa kaya, Mo ni rogoca kecega, oi kemuni na tamata.

Jope 34:10

O koya oqo mo dou vakarorogo kina vei au, koi kemudou na tamata yalomatua; Me yawa vua na Kalou, me caka ca; Me yawa talega vua sa Kaukauwa, me sega ni dodonu

Jope 34:19

Me qai kaya vakacava vei koya sa sega ni vinakati ira loa na turaga, Ka sega ni nanumi ira vakalevu na vutuniyau, ka vakalailai na dravudravua? Ni ra sa cakacaka ni ligana ko ira kecega.

Jope 38:14

Sa vuki oqori me tautauvata kei na tete ki na ka sa tabaki kina; A sa tu mai na ka ko ya me vaka nai sulu.

Lako Yani 20:6

ia ka'u sa vakatakila na loloma vei ira nai tabatamata e udolu, vei ira era sa lomani au, ka muria na noqu vunau.

Vosavakaibalebale 13:7

E dua sa vakavutuniyautaki koya, ka sa sega na nona ka; Sa dua tani sa vakadravudravuataki koya, ka sa levu tu ga na nonai yau.

Vosavakaibalebale 7:24

O koya dou mai rogoci au mada, ragone, Ka vakarorogo ki na vosa ni gusuqu.

Vosavakaibalebale 8:32

Dou qai vakarorogo kina kivei au, ragone: Ni ra sa kalougata ko ira era sa muria na noqu sala:

Aisea 14:32

Ia na vosa cava me qai tau vei ira na mata ni veivanua? Ni sa tauyavutaki Saioni ko Jiova, ka ra na dro kina ko ira na nona tamata era vakararawataki.

Aisea 29:19

Ko ira talega na yalomalumalumu, era na kuria na nodra marautaki Jiova; kei ira na tamata dravudravua, era na rekitaki Koya na Yalosavasava ni Isireli.

Sefanaia 3:12

Au na vakavoca ga vei iko e dua na mataqali yalomalumalumu ka dravudravua, ka ra na vakararavi e na yaca i Jiova.

Sakaraia 11:11

A sa musuki e na siga ko ya: ka ra sa qai kila kina ko ira na qele ni sipi vakaloloma ko ira era sa vakarorogo vei au ni sa vosa i Jiova oqo.

Sakaraia 11:7

Ia ka'u na vakania na qele ni sipi e dauvakamatei, na sipi ka vakaloloma sara. Ia ka'u a taura e rua nai titoko; e dua ka'u a vakatoka na Loloma, ka dua ka'u a vakatoka nai Vau; au a qai vakania na qele ni sipi.

Maciu 11:5

Era sa rai na mataboko, ka lako na lokiloki; sa vakasavasavataki na vukavuka, ka rogo rawa na didivara; sa vakaturi cake tale na mate sara, a sa vunautaki nai tukutuku-vinaka vei ira na dravudravua.

Maciu 25:34

Ena qai kaya na Tui vei ira e na ligana i matau, Ni lako mai, koi kemuni sa vakalougatataki vei Tamaqu, mo ni rawata na matanitu sa vakarautaki me nomuni mai nai vakatekivu kei vuravura:

Maciu 5:3

Sa kalougata ko ira sa yalomalumalumu: ni sa nodra na matanitu vakalomalagi.

Marika 7:14

Ia ni sa kacivi ira kecega mai na lewe vuqa ko koya, sa kaya vei ira, Dou rogoci au koi kemudou kecega, ka mo dou kila:

Luke 12:21

Sa vakakina ko koya sa daubinia nai yau me nona, a sa sega ni vutuniyau e na ka ni Kalou.

Luke 12:32

Kakua ni rere, na qele-ni-sipi lailai; ni sa vinakata sara na Tamamudou me solia vei kemudou na matanitu.

Luke 16:22

Ia sa mate ko koya sa dravudravua, ka ra sa qai kauti koya ko ira na agilose ki na lomasere i Eparaama. Sa mate talega ko koya sa vutuniyau, ka sa bulu;

Luke 16:25

A sa kaya ko Eparaama, Na luvequ, nanuma ni ko a rawata na nomu veika vinaka ni ko a bula tiko, sa vaka talega kina ko Lasarusa na veika ca; ia edaidai sa qai vakacegui eke ko koya, ia ko iko, ko sa vakararawataki;

Luke 22:29

Ia ka’u sa solia vei kemudou e dua na matanitu me vaka sa solia mai vei au ko Tamaqu;

Luke 6:20

A sa ta cake vei ira na nona tisaipeli, ka kaya, Dou sa kalougata na dravudravua; ni sa nomudou na matanitu ni Kalou.

Joni 7:48

Sa vakabauti koya e dua vei ira na turaga se vei ira na Farisi, se segai?

Cakacaka 7:2

Sa qai kaya ko koya, Oi kemudou na mataveiwekani, kei na qase, dou vakarorogo mada: A Kalou vakaiukuuku sa rairai eliu vua na noda qase ko Eparaama, ni sa tiko mai Mesopotemia, sa tiko emuri mai Karana,

Roma 8:17

ia kevaka eda sa gone, eda na qai taukei; eda na taukena na veika ni Kalou, eda sai taukei vata kei Karisito; kevaka eda sa vosota vata kaya na ca, eda na vakalougatataki vata kaya talega.

1 Korinica 2:9

Ia sa vaka nai vola, Sa sega na mata sa kunea, se na daliga sa rogoca, Ka sa sega ni curu ki na loma ni tamata, Na veika sa vakarautaka na Kalou me nodra era sa lomani koya.

2 Korinica 4:15

Ni sa yaco e na vukumudou na ka kecega me vakarokorokotaki vakalevu cake na Kalou e na loloma sa levu sara, ni sa vakavinavinaka ko ira na lewe vuqa.

2 Korinica 6:10

keitou sa vaka keitou sa daurarawa, ia keitou sa reki tikoga; sa vaka keitou sa dravudravua, ia keitou sa vakavutuniyautaki ira na lewe vuqa; sa vaka ni sa sega vei keitou e dua na ka, ia ka sa tu vei keitou na ka kecega.

2 Korinica 8:9

Ni dou sa kila na loloma ni noda Turaga ko Jisu Karisito, ni sa vutuniyau ko koya, ia sa yaco me dravudravua e na vukumudou, mo dou vutuniyau mai e na vuku ni nona dravudravua.

Efeso 1:18

ni sa vakararamataki na mata ni yalomudou; mo dou kila kina nai nuinui sa kacivi kemudou kina ko koya, kei na kena levu ni ukuuku sa taukena ko koya vei ira sa lotu,

Efeso 3:8

vei au, io vei au ka uasivi sobu sara vei ira kecega era sa lotu, sa soli kina na loloma oqo, meu vunautaka vei ira na veimatanitu nai yau nei Karisito, sa sega ni kilai rawa;

1 Cesalonaika 2:12

mo dou ia nai valavala sa kilikili kei ira sa nona na Kalou, o koya sa kacivi kemudou ki na nona matanitu kei na vanua vakaiukuuku.

2 Cesalonaika 1:5

oqo nai vakatakilakila ni lewa dodonu ni Kalou, mo dou vakabau kina mo dou yaga me rawata na matanitu ni Kalou, o koya dou sa vakararawataki talega kina:

1 Timoci 6:18

me ra caka vinaka, me ra vutu ni cakacaka e yaga, me ra lomasoli, me ra via veivuke;

2 Timoci 4:18

Ena vakabulai au na Turaga mai na ka ca kecega, ka na vakayacori au talega ki na nona matanitu vakalomalagi: me ia vua na vakarokoroko ka sega ni mudu. Emeni.

2 Timoci 4:8

emuri, sa maroroi me noqu nai sala vakaturaga ni valavala dodonu, o koya ena solia mai vei au na Turaga, o koya na turaga-ni-lewa dodonu, e na siga ko ya; ia ena sega vei au duaduaga, vei ira kece talega era sa vinakata na nona rairai mai.

Iperiu 11:26

ni sa vakadinata sai yau levu me vakalialiai e na vuku i Karisito, ia na ka lailai nai yau mai Ijipita: ni sa vakaraica tu na kenai sau.

Jemesa 1:12

Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.

Jemesa 1:16

Dou kakua ni cala, oi kemudou na wekaqu lomani.

Jemesa 1:19

O koya oqo, oi kemudou na wekaqu lomani, mo dou kusarawa yadua me vakarorogo, mo dou berabera ga ni vosa, mo dou berabera ni cudru:

Jemesa 1:9

Ia me reki na tamata dravudravua e na nona laveti cake:

1 Pita 1:4

me da taukena kina nai votavota sa sega ni ca rawa, a sa sega ni dukadukali, a sa sega ni malai mai, sa maroroi mai lomalagi me nomudou,

2 Pita 1:11

ni na soli vakayauyau vakakina me rawarawa vei kemudou me curu ki na matanitu tawa mudu ni noda Turaga kei nai Vakabula ko Jisu Karisito.

Vakatakila 2:9

A sa kila na nomu cakacaka, kei na nomu dauvakararawataki, kei na nomu dravudravua (ia ko sa vutuniyau ga), kei na nodra vosa vakacaca era kaya era sa Jiu, ka ra sa segai, era sai vavakoso i Setani ga.

Vakatakila 21:7

O koya sa gumatua ena rawata na ka kecega oqo. Au na nona Kalou koi au, ia ena luvequ ko koya.

Vakatakila 3:18

au sa vakavulici iko mo mai volia vei au na koula sa vakatovolei e na bukawaqa, mo vutuniyau kina; kei nai sulu vulavula, mo vakaisulu kina, me kakua ni rairai na nomu luvawale e veivakamaduataki; mo lumuta talega na matamu e nai lumu ni mata, mo rai rawa.

Dauveilewai 9:7

A sa tukuni vei Jocame, a sa lako ko koya ka la'ki tu e dela ni ulu-ni-vanua ko Kirisimi, ka tabalaka cake na domona, ka kaci, ka kaya vei ira, Dou rogoci au mai, na kai Sikemi, ena rogoci kemudou kina na Kalou:

1 Samuela 2:30

O koya oqo sa kaya kina ko Jiova na nodra Kalou na Isireli, Au a kaya vakaidina me vakaitavi e na mataqu na nomu lewe-ni-vale, kei na lewe-ni-vale i tamamu, ka sega ni mudu: ia ka sa qai kaya ko Jiova, Me yawa sara vei au oqo; ni'u na vakarokorokotaki ira era sa vakarokorokotaki au, ia ko ira era sa beci au, era na beci talega.

1 Samuela 2:8

Sa vueta cake ko koya na dravudravua mai na kuvu ni qele; Sa vueta cake na dravudravua ko koya mai nai binibini de ni manumanu, Ka me vakatikora vata kei ira na turaga, Ka me ra taukena talega nai tikotiko vakaturaga sa vakaiukuuku: Ni sa nei Jiova na duru kece kei vuravura, A sa vakadeitaka kina na vuravura.