Jemesa 2:1 - Vakavakadewa Makawa

¹ Oi kemudou na wekaqu, dou kakua ni taura vata na digitaki ira na tamata, kei na vakabauti Jisu Karisito, na noda Turaga sa vakarokorokotaki.

Ai Vola Tabu (Vakadewa Makawa Vakavoutaki 2021)

¹ Oi kemudou na wekaqu, dou kakua ni vakaduiduitaki ira na tamata e na nomudou taura na vakabauti Jisu Karisito, na noda Turaga sa vakarokorokotaki.

AI VOLA TABU

¹ OI kemudou ua wekaqu, dou kakua ni taura vata na digitaki ira na tamata, kei na vakabauti Jisu Karisito, na noda Turaga sa vakarokorokotaki.

Vakavakadewa Vou kei na iVola tale eso

¹ Oi kemuni na wekaqu, me vaka ni da sa vakabauta vata na noda Turaga lagilagi o Jisu Karisito, mo ni kakua sara ni vakaduiduitaka na tamata ena vuku ni kedra i rairai e taudaku.

Ai Vola Tabu Ena Vakavakadewa Vou

¹ Oi kemuni na wekaqu, me vaka ni da sa vakabauta vata na noda Turaga lagilagi ko Jisu Karisito, mo ni kakua sara ni vakaduiduitaka na tamata ena vuku ni kedra i rairai e taudaku.

Jemesa 2:1 Iomraidhean Croise

2 Veigauna 19:7

E na vuku ni ka oqo me tiko kina vei kemudou na rerevaki Jiova; dou nanuma, ka kitaka: ni sa sega e dua nai valavala ca vei Jiova na noda Kalou, ka sega ni doka vakailoa na tamata, ka sega ni taura nai solisoli ko koya.

Vosavakaibalebale 24:23

A ka talega oqo sa nodra na vuku. Sa sega ni vinaka me vinakati ira loa na tamata ni ia na veilewai.

Vosavakaibalebale 28:21

Sa sega ni vinaka me vinakata loa na tamata; Ni na caka ca na tamata ko ya me dua kina na tiki ni kakana.

Vunau ni Soro 19:15

Dou kakua ni cakava e dua na ka sa sega ni dodonu ni dou sa ia na veilewai: mo kakua ni golevi koya sa dravudravua, se dokai koya na turaga levu: mo lewa vakadodonu ga vua na kai nomu.

Maciu 22:16

A ra sa talai ira na nodra tisaipeli vua, kei ira nai tokani i Eroti, me ra kaya, Vakavuvuli, keitou sa kila ko sa dina, ka sa vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua: ni ko sa sega ni doka na matadra na tamata:

Cakacaka 10:34

Sa qai vosa ko Pita, ka kaya, E dina ka’u sa qai kila ni sa sega ni digitaki ira vakailoa na tamata na Kalou:

Cakacaka 20:21

ni’u a vakarota tiko kivei ira na Jiu, vei ira talega na veimatanitu tani, na veivutuni vua na Kalou, kei na vakabauta na noda Turaga ko Jisu Karisito.

Cakacaka 24:24

Ia sa bogi vica, sa lako mai ko Filikesa kei na watina ko Tarusila, na yalewa ni Jutia, ka sa talaki me lako mai ko Paula, ka sa vakarogoci koya ni sa vosataka na vakabauti Karisito Jisu.

Cakacaka 7:2

Sa qai kaya ko koya, Oi kemudou na mataveiwekani, kei na qase, dou vakarorogo mada: A Kalou vakaiukuuku sa rairai eliu vua na noda qase ko Eparaama, ni sa tiko mai Mesopotemia, sa tiko emuri mai Karana,

Roma 1:11

Ni'u sa gadreva vakalevu me'u raici kemudou, me'u solia vei kemudou nai solisoli vakayalo eso, mo dou vakataudeitaki kina;

1 Korinica 2:8

ia ka sa sega e dua na turaga ni vuravura oqo sa kila: ia kevaka era sa kila, era sa sega ni vakota ki na kauveilatai na Turaga vakaiukuuku.

Vakarua 1:17

ni kakua ni kila na tamata ni kemuni sa ia na lewa: ni rogoci koya na tamata wale me vakataki koya sa tamata yaco; ni kakua ni rerevaka na mata ni tamata; ni kemuni sa lewa e na vuku ni Kalou: ia na ka sa dredre vei kemuni, mo ni kauta mai vei au, ia ka'u na rogoca.

Vakarua 16:19

Mo ni kakua ni kauta vakatani na lewa; mo ni kakua ni vinakata na mata ni tamata, se taura nai solisoli: ni sa vakamatabokotaka na matana na vuku nai solisoli, ka kauta vakatani na nodra vosa na dodonu.

Kolosa 1:4

ni keirau a rogoca na nomudou vakabauti Karisito Jisu, kei na nomudou loloma vei ira kecega era sa lotu,

1 Timoci 1:19

mo taura matua na vakabauta, kei na lewa-eloma vinaka: oqori era sa biuta eso, a sa kasa kina na nodra vakabauta ka mate:

1 Timoci 5:21

Au sa vakarota e na mata ni Kalou kei na mata ni Turaga ko Jisu Karisito, kei na matadra na agilose digitaki, mo muria na veika oqo ka kakua ni vinakata e dua ka cata e dua, mo kakua ni kitaka e dua na ka e na veidigidigi walega.

Vei Taito 1:1

Koi au ko Paula, nai talatala ni Kalou, kei nai apositolo i Jisu Karisito, e na vuku ni nodra vakabauta sa digitaki ira na Kalou, kei na vakatusa nai vakavuvuli dina sa vaka na lotu;

Vei Taito 2:13

ni da waraka na ka ni veivakalougatataki eda sa nuitaka, kei na nona rairai vakaiukuuku na Kalou levu na nodai Vakabula ko Jisu Karisito;

Iperiu 1:3

o koya sa cila kina na nona serau kei na yaloyalo ni nonai tovo, a sa tokona na ka kecega e na nona vosa mana, a sa tiko sobu e na liga i matau i Koya sa levu sara maicake, ni sa vuya laivi oti vakataki koya na nodai valavala ca;

Iperiu 12:2

ka me da vakaraici Jisu, o koya sa vakatekivuna ena sauma talega na noda vakabauta; o koya, e na vuku ni marau sa viritu e matana, sa vosota na kauveilatai, ka sa sega ni madua ni sa vakalialiai kina, a sa qai tiko sobu ko koya e na liga i matau ni tikotiko-vakaturaga ni Kalou.

Jemesa 1:16

Dou kakua ni cala, oi kemudou na wekaqu lomani.

Jemesa 1:19

O koya oqo, oi kemudou na wekaqu lomani, mo dou kusarawa yadua me vakarorogo, mo dou berabera ga ni vosa, mo dou berabera ni cudru:

Jemesa 2:3

ia dou sa vakarokorokotaki koya sa vakaisulu e nai sulu vakaiukuuku, ka kaya vua, Mo tiko e na yasana vinaka oqo; ia dou sa kaya vua na tamata dravudravua, Mo mani tu yani ki kea, se mai tiko e ruku ni tutu-ni-yavaqu:

Jemesa 2:9

ia kevaka dou sa digitaki ira na tamata, dou sa qai valavala ca, ka sa beitaka vei kemudou na vunau nai valavala ca.

Jemesa 3:17

Ia na vuku maicake sa savasava mada, emuri sa dauia na veivakacegui, sa yalomalua, sa vakamasuti rawarawa, sa sinai e na loloma kei na vua vinaka, sa sega ni digitaki ira vakatani na tamata, se dauveivakaisini.

2 Pita 1:1

Oi au ko Saimoni Pita, ai talatala kei nai apositolo i Jisu Karisito, vei ira era rawata na vakabauta talei sa tautauvata kei na neitou e na yalododonu ni noda Kalou ko Jisu Karisito nai Vakabula:

Ai Vola I Juta 1:16

O ira oqo na dauvosakudrukudru, na daudidi, era sa muria na nodra gagadre ca; (a sa vosataka na vosa vakaviavialevu sara na gusudra), a ra sa daudokai ira na tamata eso me ra vakaiyau kina vei ira.

Vakatakila 14:12

Oqo gona na nodra vosota na tamata yalosavasava: sa tu eke ko ira era sa vakabauta na vosa ni Kalou, ka taura tikoga na vakabauti Jisu.