Jemesa 1:10 - Vakavakadewa Makawa

¹⁰ kei koya e vutuniyau, e na nona malumalumu mai: ni na takali ga ko koya me vaka na se ni co.

Ai Vola Tabu (Vakadewa Makawa Vakavoutaki 2021)

¹⁰ kei koya e vutuniyau e na nona malumalumu mai, ni na takali ga ko koya me vaka na se ni co.

AI VOLA TABU

¹⁰ kei koya e vutuniyau, e na nona vakalolovirataki: ni na takali ga me vaka na se ni co.

Vakavakadewa Vou kei na iVola tale eso

¹⁰ kei koya na lotu Vakarisito sa vutuniyau e dodonu me marau ni sa vakayalomalumalumutaki koya na Kalou. Ni ra na takali yani me vaka na se ni co o ira na vutuniyau.

Ai Vola Tabu Ena Vakavakadewa Vou

¹⁰ kei koya na lotu Vakarisito sa vutuniyau e dodonu me marau ni sa vakayalomalumalumutaki koya na Kalou. Ni ra na takali yani me vaka na se ni co o ira na vutuniyau.

Jemesa 1:10 Iomraidhean Croise

Jope 14:2

Sa tubu mai ko koya me vaka na se ni kau, ka sa tamusuki tale: Sa dro talega me vaka na yaloyalo, ka sa sega ni tiko dei.

NA SAME 102:11

A noqu veisiga sa vaka na yaloyalo ni sa lumaluma na siga; Io ka'u sa malai me vaka na co.

NA SAME 103:15

Ia na tamata, sa vaka ga na co na nona siga: Me vaka na se ni kau ni vanua, sa se ka beta vakakina ko koya.

NA SAME 37:2

Ni ra na tamusuki kusarawa me vaka na co, Me vaka na co drokadroka era na malai yani.

NA SAME 39:6

E dina ni ra yaloyalo walega na tamata ni ra bula voli; E dina ni ra lomaocaoca e na ka walega: Sa daukumuna vata nai yau, ka sa sega ni kila, se ko cei ena taukena.

Aisea 40:6

Sa vosa mai e dua ka vaka, Mo kaci mada! A sa kaya ko koya, A cava me'u sa kacivaka? Sa co ga na tamata kece, ka sa vaka na se ni co na kedrai ukuuku kecega:

Aisea 40:7

sa daumalai na co, a sa daumira na sena, ni sa uvuca nai cegu i Jiova: e dina era sa co ga na tamata.

Aisea 57:15

Ni sa kaya vakaoqo ko Koya sa cecere ka levu, ka sa tikotiko ga e na gauna tawa mudu, na yacana ko Koya ka Yalosavasava; Au sa tiko e na tikina cecere ka tabu, kei koya talega sa ramusu ka malumalumu na yalona, me vakabula na yalo i koya sa yalomalumalumu, ka vakabula na lomadra sa bibivoro.

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Maciu 5:3

Sa kalougata ko ira sa yalomalumalumu: ni sa nodra na matanitu vakalomalagi.

Maciu 6:30

Ia kevaka sa vakasuluma vakaoqo na Kalou na co ni veikau, ka tu edaidai, a sa biu ki na lovo e na mataka ena sega li ni gu vakalevu cake me vakasulumi kemudou, koi kemudou sa lailai na nomudou vakabauta?

1 Korinica 7:31

kei ira era sa vakayagataka na veika ni vuravura oqo, me ra vakataki ira era sa sega ni vakayagataka vakaca: ni sa lako tani yani nai valavala ni vuravura oqo.

Filipai 3:8

Io, e dina ga, niu sa qai vakayalitaka vakadua vei au na ka kecega ni sa uasivi cake kina na veikilai kei Karisito Jisu na noqu Turaga; o koya kau sa vosota kina me yali vei au na ka kecega, ia kau sa vakasama ni sa de-ni-manumanu walega, meu rawai Karisito kina me noqu,

1 Timoci 6:17

Vakarota vei ira era sa vutuniyau e na gauna oqo, me ra kakua ni dokadokai ira se vakararavi e nai yau sa sega ni tu dei, vua ga na Kalou bula, o koya sa solia vakalevu vei keda na ka kecega eda marau kina;

Jemesa 4:14

ia dou sa sega ni kila na ka sa na yaco e na mataka: A cava na nomudou bula? Na kabukabu walega koi kemudou, sa rairai ka sa vakadede vakalailai ga, a sa qai seavu yani.

1 Pita 1:24

Ni Sa vaka na co na tamata kecega, A sa vaka na se ni co nai ukuuku kecega ni tamata. Sa daumalai na co, a sa mira na sena:

1 Joni 2:17

Ia ko vuravura sa lako tani yani, kei na kena gagadre talega; ia ko koya sa cakava na ka sa vinakata na Kalou, sa tu dei ga ka sega ni mudu.