Jemesa 1:1 - Vakavakadewa Makawa

¹ Koi au ko Jemesa, nai talatala ni Kalou kei na Turaga ko Jisu Karisito sa loloma yani vei ira na yavusa e tinikarua era sa Duiveiseyaki.

Ai Vola Tabu (Vakadewa Makawa Vakavoutaki 2021)

¹ Koi au ko Jemesa, nai talatala ni Kalou kei na Turaga ko Jisu Karisito: Ko ni sa kidavaki na yavusa e tinikarua sa Duiveiseyaki.

AI VOLA TABU

¹ O JEMESI, nai talatala ni Kalou kei na Turaga ko Jisu Karisito, sa loloma yani vei ira na yavusa e tinikarua era sa duiveiseyaki.

Vakavakadewa Vou kei na iVola tale eso

¹ Mai vei Jemesa, na dauveiqaravi ni Kalou kei na Turaga o Jisu Karisito: Au sa veikidavaki yani vei kemuni na yavusa e tinikarua o ni dui veiseyaki tu e vuravura:

Ai Vola Tabu Ena Vakavakadewa Vou

¹ Mai vei Jemesa, na dauveiqaravi ni Kalou kei na Turaga ko Jisu Karisito: Au sa veikidavaki yani vei kemuni na yavusa e tinikarua o ni dui veiseyaki tu e vuravura:

Jemesa 1:1 Iomraidhean Croise

1 Tui 18:31

A sa kauta ko Ilaija na vatu e tinikarua, me vaka nai wiliwili ni nodra veimataqali na luve i Jekope, o koya ka yaco vua na vosa i Jiova, ka kaya, Ena vakatokai na yacamu ko Isireli;

Esera 6:17

a ra sa vakacabora, ni sa curumi na vale ni Kalou oqo, e dua na drau na pulumokau, e rua na drau na sipi tagane, e va na drau na lami; kei nai soro ni valavala ca e na vukudra kecega na Isireli, e tinikarua na me tagane, me vaka nai wiliwili ni nodra mataqali na Isireli.

Esiteri 3:8

A sa kaya ko Emani vua na tui ko Easuerosi, Sa dua na matanitu era sa dui veiseyaki ka dui tikotiko kei ira na tamata, e na veiyasana kecega ni nomuni matanitu; a sa dua tani na nodra lawa ka sa dua tani na nodra na matanitu kecega; era sa sega talega ni vakabauta na nona lawa na tui: o koya sa sega kina ni yaga vei kemuni na tui mo ni vosoti ira.

Lako Yani 24:4

A sa vola na vosa kecega i Jiova ko Mosese, a sa sou e na mataka, ka cakava nai cabocabo-ni-soro e ruku ni ulu-ni-vanua, kei na duru e tinikarua, me vaka nai wiliwili ni veiyavusa i Isireli era tinikarua.

Lako Yani 28:21

Ia na vatu ena ceuti kina na yacadra na luve i Isireli, e tinikarua, me vaka nai ceuceu ni mama; io na yacadra yadua, me vaka na mataqali e tinikarua.

Lako Yani 39:14

Ia sa ceuti e na vatu me veitaravi vaka na yacadra na Isireli, e tinikarua, ka sa ceuti vaka na ceuceu ni mama na yacadra yadua, na mataqali e tinikarua.

Isikeli 12:15

Ka ra na kila ni sai au ko Jiova, ni'u sa dui vakasevi ira ki na veimatanitu, ka duibiubiuti ira ki na veivanua.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.

Maciu 10:3

ko Filipi, kei Pacolomiu; ko Tomasi, kei Maciu na kumuna nai vakacavacava; ko Jemesa na luve i Alifio, kei Cateo;

Maciu 13:55

sa sega li ni luve ni matai ko koya oqo? sa sega li ni yaca i tinana ko Meri? kei na tacina ko Jemesa, kei Josefa, kei Saimoni, kei Jutasa?

Maciu 19:28

A sa kaya vei ira ko Jisu, Au sa kaya vakaidina vei kemudou, Oi kemudou sa muri au, ni na yaco na veivakadodonutaki, ni na tiko na Luve ni tamata e nai tikotiko vakaturaga ni nonai ukuuku, dou na qai tiko talega e nai tikotiko vakaturaga e tinikarua, me lewai ira na mataqali nei Isireli e tinikarua.

Marika 3:18

kei Adriu, kei Filipi, kei Pacolomiu, kei Maciu, kei Tomasi, kei Jemesa na luve i Alifio, kei Cateo, kei Saimoni e dua vei ira sa vakatokai Na gumatua,

Luke 22:30

mo dou kana ka gunu e na noqu tepeli e na noqu matanitu, ka tiko talega e nai tikotiko vakaturaga, me lewai ira na mataqali nei Isireli e tinikarua.

Luke 6:15

ko Maciu kei Tomasi, ko Jemesa na luve i Alifio, kei Saimoni sa vakatokai Na gumatua,

Joni 12:26

Kevaka sa qaravi au e dua, me muri au ga; ia na vanua kau sa tiko kina, ena tiko talega kina ko koya sa qaravi au: ia kevaka sa qaravi au e dua, ena vakarokorokotaki koya ko Tamaqu.

Joni 7:35

Sa qai veikayaka ko ira na kai Jutia, Ena lako beka kivei ko koya, me da sega kina ni kunei koya? ena lako beka vei ira na duiveiseyaki vei ira na kai Kirisi, ka vakavulici ira na kai Kirisi?

Cakacaka 1:13

Ia ni ra sa curu ki loma, era sa cabe ki nai taba loma ni vale ecake, era sa dautiko kina, ko Pita, kei Jemesa, kei Joni, kei Adriu, kei Filipi, kei Tomasi, ko Pacolomiu, kei Maciu, ko Jemesa na luve i Alifio, kei Saimoni e dua vei ira sa vakatokai Na gumatua, kei Jutasa na taci i Jemesa.

Cakacaka 12:17

A sa vakatabataba vei ira ko koya me ra tiko lo; ka sa tukuna vei ira ni sa kauti koya mai na vale ni veivesu na Turaga. A sa kaya, Laki tukuna na veika oqo vei Jemesa, vei ira talega na veiwekani. Sa qai lako tani ko koya, a sa lako ki na dua na yasana tani.

Cakacaka 15:13

Ia ni rau sa tinia na nodraui tukutuku, sa vosa ko Jemesa, ka kaya, Oi kemuni na veiwekani, ni rogoci au mai:

Cakacaka 15:21

Ni ra sa tiko makawa e na veikoro kecega ko ira sa vunautaki Mosese, ni ra sa wilika e na veivale ni lotu e na veisiga ni vakacecegu.

Cakacaka 15:23

a ra sa volavola vakaoqo me ratou kauta: Oi keimami nai apositolo kei na qase, keimami sa loloma yani vei kemuni na veiwekani sa matanitu tani mai Anitioki kei Siria kei Silisia:

Cakacaka 2:5

A sa tiko mai Jerusalemi na kai Jutia eso, a tamata lotu, mai na veivanua kecega e ruku i lomalagi.

Cakacaka 21:18

Ia ni mataka cake sa lako vata kei keitou ko Paula kei Jemesa; a ra sa tiko kina ko ira kecega na qase.

Cakacaka 23:26

Koi au ko Kilotiu Laisiasa vua na turaga vinaka sara ko Filikesa, sa loloma!

Cakacaka 26:7

ia sai koya na ka oqo era sa vakasama me ra rawata ko ira na neimami yavusa e tinikarua, era dausoro vagumatua e na siga kei na bogi. Ia e na vuku ni nuinui oqo, i Akaripa na tui, era sa beitaki au kina ko ira na Jiu.

Cakacaka 8:1

A sa vinakata na nona mate ko Saula. Ia e na gauna ko ya era sa vakacacani vakalevu kina nai soqosoqo lewe ni soro era sa tiko mai Jerusalemi; a ra sa veiseyaki kina ki na veiyasana i Jutia kei Samaria, ko ira ga nai apositolo e segai.

Roma 1:1

Koi au ko Paula, nai talatala i Jisu Karisito, sa kacivi mei apositolo, ka lesi me'u tukuna nai tukutuku-vinaka ni Kalou,

Kalatia 1:19

ia kau sa sega ni raica e dua tani tale vei ira nai apositolo, ko Jemesa ga na tacina na Turaga.

Kalatia 2:12

Ni sa kana vata eliu ko koya kei ira sa matanitu tani, ni ra sa sega ni tadu mai eso maivei Jemesa; ia ni ra sa tadu mai, sa sega ni via tiko vata kei ira ka sa lako tani ko koya, ni sa rerevaki ira na cili.

Kalatia 2:9

ia ko iratou ko Jemesa, kei Kifa, kei Joni, eratou sa daurogo ni ratou sa duru, ni ratou sa kila na loloma ka soli vei au, eratou sa vakabauti keirau kei Panapasa e na veitauri liga i matau ni keitou sa dua vata, ka me keirau lako vei ira era sa sega ni lotu, ia ko iratou vei ira sa cili:

Vakarua 28:64

Ia ena dui vakasevi kemuni ko Jiova vei ira na matanitu kecega, mai na dua nai yalayala kei vuravura ka yacova na kenai yalayala kadua; ia ko ni na qarava maikea na kalou tani, ko ni a sega ni kila, koi kemuni se ko ira na nomuni qase, io na kau kei na vatu.

Vakarua 30:3

ena qai vukica na nomuni vakabobulataki ko Jiova na nomuni Kalou, ka lomani kemuni, ka lesu ka soqoni kemuni vata tale mai na matanitu kecega, sa dui vakasevi kemuni kina ko Jiova na nomuni Kalou.

Vakarua 32:26

Au a kaya, Au na vakasavi ira ki na tikina vuni, Au na muduki ira me ra kakua ni nanumi tale vei ira na tamata:

Vakarua 4:27

Ena vakasevi kemuni voli ko Jiova ki na veimatanitu, ia kemuni na le vica walega e vo e na kedra maliwa na veimatanitu sa kauti kemuni yani kina ko Jiova:

Filipai 1:1

Oi keirau ko Paula kei Timoci, nai talatala i Jisu Karisito, vei ira kecega era sa lotu mai Filipai, era sa tu vata kei Karisito Jisu. Kei ira nai talatala qase, kei ira na tuirara:

2 Timoci 4:21

Gumatua mo liu mai ni sa bera na vula i liliwa. Sa loloma yani vei iko ko Upolo, kei Putena, kei Laino, kei Kilotia, kei ira kecega na veiwekani.

Vei Taito 1:1

Koi au ko Paula, nai talatala ni Kalou, kei nai apositolo i Jisu Karisito, e na vuku ni nodra vakabauta sa digitaki ira na Kalou, kei na vakatusa nai vakavuvuli dina sa vaka na lotu;

1 Pita 1:1

Oi au ko Pita, nai apositolo i Jisu Karisito, kivei ira era tiko vakavulagi ni ra sa dui se ki Ponito, ki Kalatia, ki Kapatosia, ki Esia, kei Picinia,

2 Pita 1:1

Oi au ko Saimoni Pita, ai talatala kei nai apositolo i Jisu Karisito, vei ira era rawata na vakabauta talei sa tautauvata kei na neitou e na yalododonu ni noda Kalou ko Jisu Karisito nai Vakabula:

Ai Vola I Juta 1:1

O Juta, nai talatala i Jisu Karisito, kei na taci i Jemesa, vei ira era sa tu ga e na loloma ni Kalou na Tamada, a ra sa maroroi me ra sa nei Jisu Karisito, era sa kacivi:

Vakatakila 7:4

Au a rogoca na kedrai wiliwili era sa volai: sa le dua na drau ka vasagavulu ka va talega na udolu, sa volai vei ira kecega na nodra veiyavusa na luve i Isireli.