Isikeli 9:8 - Vakavakadewa Makawa

⁸ Ka sa yaco, ni ratou sa ia tiko na veivakamatei, ia ka'u sa vo tiko duaduaga koi au, ka'u sa qai bale vakatoboicu, ka tagi, ka kaya, Isa le, noqu Turaga Jiova! o ni na vakarusai ira kecega na kedra vo na Isireli ni kemuni sa sovaraka na nomuni cudru ki Jerusalemi?

Ai Vola Tabu (Vakadewa Makawa Vakavoutaki 2021)

⁸ Ka sa yaco, ni ratou sa ia tiko na veivakamatei, ia ka'u sa vo tiko duaduaga koi au, ka'u sa qai bale vakatoboicu, ka tagi, ka kaya, “Isa, i Jiova na noqu Turaga! O ni na vakarusai ira kecega na kedra vo na Isireli ni kemuni sa sovaraka na nomuni cudru ki Jerusalemi?”

AI VOLA TABU

⁸ A sa yaco, ni ratou sa ia tiko na veivakamatei, ia kaʼu sa vakavoci mai koi au, kaʼu sa qai bale vakatoboicu, ka tagi, ka kaya, Ule, Turaga Jiova! o na vakarusai ira kecega na vo ni Isireli ni ko sa sovaraka na nomu cudru ki Jerusalemi?

Vakavakadewa Vou kei na iVola tale eso

⁸ Ia ni ra ravuravu tiko kei na veivakamatei, au a vo duadua tikoga oi au, ka'u qai bale vakatoboicu ka tagi, ka kaya, “Isa, na noqu Turaga na Kalou! O ni na vakarusa li na veika kecega sa vo tu e Isireli ni o ni sa sovaraka kece na nomuni cudru ki Jerusalemi?”

Ai Vola Tabu Ena Vakavakadewa Vou

⁸ Ia ni ra ravuravu tiko kei na veivakamatei, au a vo duadua tikoga oi au, ka'u qai bale vakatoboicu ka tagi, ka kaya, “Isa, na noqu Turaga na Kalou! O ni na vakarusa li na veika kecega sa vo tu e Isireli ni o ni sa sovaraka kece na nomuni cudru ki Jerusalemi?”

Isikeli 9:8 Iomraidhean Croise

Vakatekivu 18:23

A sa toro voleka vua ko Eparaama, ka kaya, Ko ni na vakarusa vata beka na yalododonu kei nai valavala ca?

1 Veigauna 21:16

A sa ta cake ko Tevita, ka sa kunea na agilose i Jiova ni sa tu e na maliwa kei vuravura kei lomalagi, ka sa ucu tu e ligana na nonai seleiwau, ka sa dodoka me donui Jerusalemi. Sa qai bale vakatoboicu ko Tevita, kei ira na qase, era sa vakaisulu e nai sulu taga.

Esera 9:5

Ia ni sa vakacabori nai soro e na yakavi, au sa tu cake e na noqu rarawa; ka sa dresulaki tu na noqu i sulu kei na noqu i tutuvi, ka'u sa qai vakatekiduru, ka dodoka yani na ligaqu vei Jiova na noqu Kalou;

Jeremaia 14:13

Au sa qai kaya, Ulei, noqu Turaga Jiova! raica, ko ira na parofita era sa kaya vei ira, Dou na sega ni raica nai seleiwau, ena sega talega vei kemudou na viakana; ni ka'u na solia vei kemudou e na yasana oqo me sautu dina ga.

Jeremaia 14:19

Ko ni sa biuti ira sara beka na Juta? sa vakasisilataki ira beka na Saioni na yalomuni? ena cava ko ni sa cudruvi keimami, ka keimami sa sega ni vakabulai tale rawa? keimami a yadrava na vakacegu, ka sa sega ni yaco e dua na ka vinaka; keimami kaya me yaco na gauna ni veivakabulai, ka raica, sa yaco na ka rarawa ga?

Jeremaia 4:10

Au a qai kaya, Ulei, na Turaga ko Jiova! e dina ko ni sa vakacalai ira vakalevu na tamata oqo, kei Jerusalemi, ni ko a kaya, Dou na tiko vakacegu; ia ka sa lau ki na vu ni yalodra nai seleiwau.

Isikeli 11:13

Ia ni'u sa parofisai tiko, sa qai ciba ko Pilataia na luve i Pinaia. Au sa qai bale vakatoboicu, ka tagi vakadomoilevu, ka kaya, Isa le, noqu Turaga Jiova! ko ni na qai vakaotia sara na kedra vo na Isireli?

Isikeli 4:14

Au a qai kaya, Ulei Turaga Jiova! raica, sa sega ni vakadukadukalitaki na yaloqu: ia na ka sa mate loa, se dresulaki, ka'u a sega ga ni kania mai na gauna ka'u a gone kina ka yacova na siga oqo; sa sega talega ni curu ki na gusuqu e dua na lewe-ni-manumanu vakasisila.

Isikeli 7:8

Sa vo ga e lailai me'u qai sova yani na noqu cudru vei iko, ka vakaotia yani na noqu lesa vei iko: ia ka'u na lewai iko me vaka na nomu i valavala, ka sauma vei iko na nomu i valavala vakasisila kecega.

Tiko mai na Lekutu 14:5

Erau a qai cuva vakatoboicu ko Mosese kei Eroni e na matadra taucoko nai soqosoqo ni Isireli.

Tiko mai na Lekutu 16:4

Ia ni sa rogoca ko Mosese, sa cuva vakatoboicu:

Tiko mai na Lekutu 16:45

Mo drau lako tani mai nai soqosoqo oqo, me'u sa vakarusai ira vakasauri. A rau a cuva vakatoboicu.

Vakarua 9:18

Au a qai cuva sobu e na mata i Jiova, me vaka eliu, ka siga vasagavulu ka bogi vasagavulu; au a sega ni kana madrai, se gunu wai; e na vuku ni nomuni valavala ca kecega kemuni sai valavala ca kina, ni kemuni a caka cala e na mata i Jiova, me vakacudrui koya.

Josua 7:6

A sa dresulaka na nonai sulu ko Josua, ka cuva vakatoboicu i na qele e na mata ni kato i Jiova, ka yakavi mai, o koya kei ira na qase ni Isireli, ka vakabuya na kuvu ni qele ki na buradeladra.