Isikeli 9:2 - Vakavakadewa Makawa

² Ka raica, e lewe ono na tagane eratou sa lako tu mai na sala mai na matamata-ni-koro e cake, sa donuya na tokalau a ratou sa dui taura yadua e ligana na nonai yaragi ni ravuravu; ia e dua vei iratou na tagane sa vakaisulu e na lineni, ka sa tu vua e dua na tavaya wai ni volavola: a ratou sa curu ki loma, ka tu voleka ki nai cabocabo-ni-soro parasa.

Ai Vola Tabu (Vakadewa Makawa Vakavoutaki 2021)

² Ka raica, e lewe ono na tagane eratou sa lako mai na yasana e vaka ki na matamata-ni-koro e cake, sa donuya na vualiku, ka ratou sa dui taura yadua e ligana na nona i yaragi ni ravuravu; ia e dua vei iratou na tagane sa vakaisulu e na lineni, ka sa tu vua e dua na kato ni yaya ni volavola. A ratou sa curu ki loma, ka duri volekata nai cabocabo-ni-soro parasa.

AI VOLA TABU

² Ka, raica, e lewe ono na tagane eratou sa lako tu mai na sala mai na matamata-ni-koro ecake, sa donuya na tokalau, a ratou sa dui taura yadua na nonai yaragi dauveiyaviti e na ligana; ia e dua vei iratou na tagane sa vakaisulu e na malo, ka sa dua na nona tavaya wai ni volavola e na tolona: a ratou sa curu yani, ka tu volekata nai cabocabo-ni-soro parasa.

Vakavakadewa Vou kei na iVola tale eso

² Raica, e ratou sa lako mai e lewe ono na tamata mai na matamata ni koro e cake, vaka ki na vualiku, e ratou sa dui taura tu e ligana na i yaragi ni ravuravu; ia e dua vei iratou na tagane a vakaisulu ena lineni, ka tu vua e dua na kato ni yaya ni volavola. E ratou a curu ki loma, ka la'ki tu e mata ni cabocabonisoro parasa.

Ai Vola Tabu Ena Vakavakadewa Vou

² Raica, e ratou sa lako mai e lewe ono na tamata mai na matamata ni koro e cake, vaka ki na vualiku, e ratou sa dui taura tu e ligana na i yaragi ni ravuravu; ia e dua vei iratou na tagane a vakaisulu ena lineni, ka tu vua e dua na kato ni yaya ni volavola. E ratou a curu ki loma, ka la'ki tu e mata ni cabocabonisoro parasa.

Isikeli 9:2 Iomraidhean Croise

2 Tui 15:35

Ia ka sa sega ni biu na veitikina cecere; sa ra vakacaboi soro tiko ko ira na tamata, ka vakama tiko na ka boi vinaka e na veitikina cecere. Sa cakava ko koya na matamata-ni-koro ni vale i Jiova, e cake.

2 Veigauna 27:3

Ka sa cakava ko koya na matamata-ni-koro e cake ni vale i Jiova, ka sa tara vakalevu e na dela ni bai mai Ofeli.

2 Veigauna 4:1

Ka sa cakava e dua nai cabocabo-ni-soro parasa, sa ruasagavulu na kiupiti na kena balavu, ka ruasagavulu na kiupiti na kena raraba, ka tini na kiupiti na kena cecere.

Lako Yani 40:29

A sa vakatura nai cabocabo-ni-soro kama me voleka ki na katuba ni vale ni Kalou na vale ni veitavaki, ka cabora e delana nai soro kama kei nai madrali laukana; me vaka ka vakarota vei Mosese ko Jiova.

Jeremaia 1:15

ni'u na kacivi ira kece na veimataqali ni veimatanitu mai na tokalau, sa kaya ko Jiova; a ra na lako mai, ka ra na dui vakatura na nodra i tikotiko vakaturaga e na matamata-ni-koro mai Jerusalemi, kei na kena bai kecega e vakavolivolita, kei na veikoro vaka-Juta kecega:

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 26:10

Ni ra sa rogoca na turaga ni Juta na ka oqo, era sa qai lako cake mai na vale ni tui ki na vale i Jiova, ka ra tiko sobu e nai curucuru ki na matamata-ni-koro vou ni vale i Jiova.

Jeremaia 4:6

Dou vakarewataka na kuila vaka ki Saioni: dou dro, kakua ni berabera: ni'u na vakayacora mai na tokalau, na ka ca kei na veivakarusai levu.

Isikeli 10:2

A sa vosa ko koya vua na tamata sa vakaisulu e na lineni, ka kaya, Mo curu mada ki na maliwa ni yava ni qiqi e ruku ni jerupi, ka yakuta e na ligamu na qilaiso sa waqa tu mai na kedratou maliwa na jerupi, ka duibiubiuta ki na dela ni koro. A sa curu kina ni'u sa raica tiko.

Isikeli 8:3

A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni tokalau; a sa tu maikina nai tikotiko ni matakau i na Vuvu, sa vakatubura na veivakavuvutaki.

Isikeli 9:11

Ka raica, sa mai tukutuku na tamata sa vakaisulu e na lineni, ka sa dua na nona tavaya wai ni volavola e na tolona, ka kaya, Au sa cakava me vaka na ka ko sa vakarota vei au.

Isikeli 9:3

Ia nai ukuuku ni Kalou i Isireli sa lako cake mai na Jerupi, ka tu kina, ki nai lago ni vale. Ka sa kaci ko koya ki na tamata sa vakaisulu e na lineni, ka sa tu vua e dua na tavaya wai ni volavola;

Taniela 10:5

au a qai ta cake, ka vakaraica, ka raica, sa dua na tamata sa vakaisulu e nai sulu lineni, ia na tolona sa vauci e na koula dina ni Ufasi:

Taniela 12:6

A sa kaya e dua vua na tamata sa vakaisulu lineni e tiko e cake ko koya sa tiko e ra na uciwai, A cava na kena dede me na qai yaco nai otioti ni veika oqo e veivakurabuitaki?

Vunau ni Soro 16:4

me curumaka ko koya nai curucuru balavu lineni sa tabu, ka daramaka na yagona e na tarausese lineni lekaleka, ka vau na tolona e nai vau lineni, ka vakaisala e nai sala lineni: oqo nai sulu tabu; me sili mada ko koya e na wai, ka qai vakaisulu kina.

Emosi 9:1

Au a raica na Turaga ni sa tu e na dela ni cabocabo-ni-soro: ka sa kaya ko koya, Mo yavita na kenai ukuuku momokiti, me yavala kina na duru ni sogo: ia mo yavita na uludra kecega; ia na kena vo vei ira ka'u na vakamatea e nai seleiwau: ena sega e dua vei ira me dro bula, ena sega talega ni vakabulai ko koya sa dro.

Vakatakila 15:6

ia ko iratou na agilose e le vitu eratou sa lako mai na vale ni lotu, eratou sa taura na mate ca e vitu, eratou vakaisulu e na lineni savasava sara ka vulavula, a sa vau na lomaseredratou e na wa koula.