Isikeli 8:6 - Vakavakadewa Makawa

⁶ A sa kaya tale vei au ko koya, ko iko na luve ni tamata, ko sa kunea li na ka era cakava? io na ka sa vakasisila vakalevu era sa cakava eke ko ira na mataqali i Isireli, me'u lako tani vakayawa kina mai na noqu vale tabu? ia mo lesu tale, mo mai raica na ka sa vakasisila vakalevu cake.

Ai Vola Tabu (Vakadewa Makawa Vakavoutaki 2021)

⁶ A sa kaya tale vei au ko koya, “Ko iko na luve ni tamata, ko sa kunea li na ka era cakava? Io na ka sa vakasisila vakalevu era sa cakava eke ko ira na lewe-ni-vuvale i Isireli, me'u lako tani vakayawa kina mai na noqu vale tabu? Ia mo lesu tale, mo mai raica na ka sa vakasisila vakalevu cake.”

AI VOLA TABU

⁶ A sa kaya tale vei au ko koya, Na luve ni tamata, ko sa kunea li na ka era cakava? io na ka vakasisila vakalevu era sa cakava eke na mataqali nei Isireli, meʼu lako vakayawa tani kina mai na noqu vale tabu? ia mo lesu tale, mo mai raica na ka vakasisila vakalevu cake.

Vakavakadewa Vou kei na iVola tale eso

⁶ A kaya tale vei au o koya, “Luve ni tamata, o sa raica li na ka era cakava tiko? Na veika vakasisila lelevu ka ra vakayacora tiko eke o ira na Isireli, me rawa ni vakauti au tani vakayawa mai na noqu Valenisoro? Ia o na raica e levu cake tale na veika vakasisila.”

Ai Vola Tabu Ena Vakavakadewa Vou

⁶ A kaya tale vei au o koya, “Luve ni tamata, o sa raica li na ka era cakava tiko? Na veika vakasisila lelevu ka ra vakayacora tiko eke o ira na Isireli, me rawa ni vakauti au tani vakayawa mai na noqu Valenisoro? Ia o na raica e levu cake tale na veika vakasisila.”

Isikeli 8:6 Iomraidhean Croise

2 Veigauna 29:5

ka sa kaya vei ira, Dou rogoci au, oi kemudou na Livai, dou vakasavasavataki kemudou edaidai, ka vakasavasavataka na vale i Jiova na Kalou ni nomudou qase, ka kauta tani na ka dukadukali mai na tikina tabu.

NA SAME 78:60

A sa biuta kina na nonai tikotiko mai Sailo, Na nona vale tabu sa lesia ko koya me tiko kei ira na tamata;

Vosavakaibalebale 5:14

Sa vo e lailai me'u cakava na ka ca kecega E na kedra maliwa na lewe ni lotu kei nai soqosoqo.

Jeremaia 11:18

Ia ko Jiova sa vakatakila vei au, na ka oqori, ia ka'u sa kila: ko sa qai vakaraitaka mai vei au na nodra i valavala.

Jeremaia 23:11

Ko ira na parofita kei na bete talega era sa tamata ca, io, e na noqu vale ka'u sa kunea na nodra ca, sa kaya ko Jiova.

Jeremaia 26:6

ka'u na qai cakava na vale oqo me vakataki Sailo, ia na koro oqo ka'u na cakava me ka e vosavosacati vei ira na veimatanitu e vuravura.

Jeremaia 3:6

A sa kaya vei au ko Jiova e na gauna i Josaia na tui, Ko sa raica li na ka sa cakava ko Isireli na dauvuki? sa lako ko koya ki na ulu-ni-vanua kecega kei na ruku ni kau bulabula kecega, ka sa ia kina na dautagane.

Jeremaia 32:34

ia era sa vakacuruma na nodra ka vakasisila ki na vale sa vakatokai e na yacaqu, me ra vakavelavelataka:

Jeremaia 7:17

Ko sa sega beka ni raica na ka era cakava e na veikoro vaka-Juta kei na sala ni koro ko Jerusalemi?

Jeremaia 7:30

Ni ra sa cakava na ka ca e mataqu ko ira na Juta, sa kaya ko Jiova: era sa vakaduria na nodra ka vakasisila e na vale sa vakatokai e na yacaqu, me vakadukadukalitaka;

Isikeli 10:18

Sa qai lako tani nai ukuuku i Jiova mai nai lago ni vale, ka tu ki dela ni jerupi.

Isikeli 10:19

A ratou sa vakatetaba ko iratou na jerupi, a sa vuka cake tani e vuravura e mataqu: ni ratou sa lako yani, sa lako vata kei iratou na yava ni qiqi, ka ratou sa la'ki tu ki na matamata-ni-koro ni vale i Jiova vaka ki na tu-i-cake; ia nai ukuuku ni Kalou i Isireli sa donui iratou maicake.

Isikeli 11:22

Ia na jerupi eratou sa qai vakatetaba, kei na yava ni qiqi sa tu vata kei iratou; ia nai ukuuku ni Kalou i Isireli sa donui iratou maicake:

Isikeli 11:23

a sa lako tani nai ukuuku i Jiova mai na loma ni koro, ka la'ki tu ki na ulu-ni-koro mai na yasa ni koro ki na tu-i-cake.

Isikeli 14:6

O koya oqo mo kaya kina vei ira na mataqali i Isireli, Sa kaya vakaoqo na Turaga ko Jiova; Dou veivutuni, ka biuta tani na nomudou matakau; ka mo dou vagolea tani na matamudou mai na nomudou ka vakasisila kecega:

Isikeli 18:12

ka vakasaurarataka na dravudravua kei na luveniyali, ka ia na dauveikoveraki, ka sa sega ni vakasuka na kenai vakadinadina, ia sa ta cake ki na matakau ka sa cakava ga na ka vakasisila,

Isikeli 43:8

Ni ra viritaka vata na nodra i lago kei na noqu i lago, kei na nodra duru ni sogo kei na noqu duru ni sogo, ia na lalaga ga ka tu e na keimami maliwa, ka ra sa vakacacana na yacaqu tabu e nai valavala vakasisila era sa kitaka: ka'u a vakarusai ira kina e na noqu cudru.

Isikeli 47:6

A sa kaya vei au ko koya, Ko sa raica na ka oqo, ko iko na luve ni tamata, se segai? Sa qai kauti au ko koya, ka vakalesui au e na bati ni uciwai.

Isikeli 5:11

Ia, me vaka na dina ni noqu bula, sa kaya na Turaga ko Jiova; Ni ko sa vakadukadukalitaka na noqu vale tabu e na nomu ka velavela kecega, kei na nomu ka vakasisila kecega, oi au talega ka'u na vakalailaitaki iko; ia ka'u na sega ni vosoti iko ka'u na sega talega ni yalololoma vei iko.

Isikeli 8:13

A sa kaya vei au ko koya, Mo baci lesu tale, mo mai raica na ka vakasisila vakalevu cake era sa cakava.

Isikeli 8:14

Sa qai kauti au ko koya ki na matamata-ni-koro ni vale i Jiova sa donuya na mata ni tokalau; ka raica, era sa tiko maikea eso na yalewa era tagicaki Tamusi.

Isikeli 8:7

A sa kauti au ko koya ki na mata ni bai; ia ni'u a vakaraica sa kune e dua na qara e na bai vatu.

Isikeli 8:9

A sa kaya vei au ko koya, Mo curu mada, mo raica na ka vakasisila ca sara era sa cakava eke.

Osea 5:6

Era na lako vata kei na nodra qele ni sipi kei na nodra qele ni pulumokau, me ra qarai Jiova; ka ra na sega ni kunei koya; sa lako tani vei ira ko koya.