Isikeli 8:3 - Vakavakadewa Makawa

³ A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni tokalau; a sa tu maikina nai tikotiko ni matakau i na Vuvu, sa vakatubura na veivakavuvutaki.

Ai Vola Tabu (Vakadewa Makawa Vakavoutaki 2021)

³ A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni vualiku; a sa tu mai kina nai tikotiko ni matakau ni veivuvutaki, sa vakatubura na veivuvutaki.

AI VOLA TABU

³ A sa dodoka mai ka vaka sa ligana, ka tauri au e na drau ni uluqu; a sa laveti au cake na Yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro kiloma sa donuya na mata ni tokalau; a sa tu maikina nai tikotiko ni matakau i na Vuvu, e sa ia na vei vakavuvutaki.

Vakavakadewa Vou kei na iVola tale eso

³ A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Ai Vola Tabu Ena Vakavakadewa Vou

³ A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Isikeli 8:3 Iomraidhean Croise

1 Tui 18:12

Ia ni'u sa lako tani vei iko, ena kauti iko tani na yalo i Jiova, ia ka'u na sega ni kila se ko sa kau kivei; ia ni'u sa lako ka tukuna vei Eapi, ka sega ni kunei iko ko koya, ena qai vakamatei au: ia koi au na nomu tamata, au sa rerevaki Jiova ni'u sa cauravou, ka yacova na gauna oqo.

2 Tui 16:14

Ia nai cabocabo-ni-soro parasa ka tu e na mata i Jiova, sa kauta ko koya mai na mata ni vale, mai na tadrua ni cabocabo-ni-soro kei na vale i Jiova, ka tauca ki na yasa ni cabocabo-ni-soro, vaka ki na tokalau.

2 Tui 2:16

A ra sa kaya vua, Raica, sa tiko kei keitou na nomu tamata e le limasagavulu na tamata kaukauwa; me ra lako mada, ka vakasaqarai koya na nomu turaga: de kauti koya cake beka na Yalo i Jiova, ka biuti koya ki na dua na ulu-ni-vanua, se ki na dua na kikilo. A sa kaya ko koya, Dou kakua ga ni talaki.

2 Tui 21:7

A sa vakatikora na matakau ni kalouyalewa ni veikau sa cakava ko koya, e na vale ka kaya kina ko Jiova vei Tevita kei Solomoni na luvena, E na vale oqo, ka mai Jerusalemi talega, ka'u a digitaka mai na nodra veimataqali kecega na Isireli, ka'u na vakatikora kina na yacaqu, ka tawa mudu:

NA SAME 78:58

A ra sa vakacudrui koya e nodra veiyasana cecere, Ka vakauqeta na nona vuvu e na vuku ni nodra matakau ceuceu.

Lako Yani 20:4

Mo kakua ni cakava vei iko e dua na matakau ceuceu; se dua nai vakatakarakara ni ka mai lomalagi e cake, se dua na ka e tu e vuravura era, se dua na ka e na wasawasa e na yasa i vuravura:

Lako Yani 20:5

mo kakua ni cuva vei ira, se qaravi ira: ni'u sa Kalou vuvu, koi au ko Jiova na nomu Kalou, au sa sauma na nodra caka ca na qase vei ira na luvedra, ka yacova nai katolu ni tabatamata kei na kenai kava, vei ira sa cati au;

Lako Yani 34:14

ni sa tabu mo dou sorova na kalou tani: ni sa Kalou vuvu ko Jiova, sai koya sa yacana ko Vuvu:

Jeremaia 32:34

ia era sa vakacuruma na nodra ka vakasisila ki na vale sa vakatokai e na yacaqu, me ra vakavelavelataka:

Jeremaia 7:30

Ni ra sa cakava na ka ca e mataqu ko ira na Juta, sa kaya ko Jiova: era sa vakaduria na nodra ka vakasisila e na vale sa vakatokai e na yacaqu, me vakadukadukalitaka;

Isikeli 1:1

E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.

Isikeli 10:3

Ia na jerupi eratou sa tu e na yasa ni vale ki nai matau, ni sa curu kina na tamata; ia sa curuoso na lomanibai eloma e na o.

Isikeli 11:1

A sa laveti au cake na yalo, ka kauti au ki na matamata-ni-koro ni vale i Jiova ki na isiti, o koya sa donuya na tu-i-cake: ka raica, sa tu mai na matamata-ni-koro e lewe ruasagavulu ka lima na tamata; ia ka'u a raica e dua vei ira ko Jeesanaia na luve i Asuri, kei Pilataia na luve i Pinaia, erau sa turaga vei ira na tamata.

Isikeli 11:24

Ia na yalo, sa qai laveti au cake, ka kauti au ki Kalitia, vei ira na bobula, e na raivotu e na Yalo ni Kalou. Ka sa lako cake tani vei au na raivotu ka'u a raica.

Isikeli 2:9

Ia ni'u a vakaraica, raica, sa dua na liga sa dodo mai vei au; ka raica, sa tu kina e dua nai vola vivigi;

Isikeli 3:12

Sa qai laveti au cake na yalo, ia ka'u sa rogoca mai dakuqu e dua na rorogo levu, sa kaya, Me vakavinavinakataki nai ukuuku i Jiova mai na nona yasana.

Isikeli 3:14

Ia na yalo, sa laveti au cake, ka kauti au yani, ia ka'u sa lako ka rarawa tu ka katakata na yaloqu; ia na liga i Jiova sa tiko vakaukauwa ga vei au.

Isikeli 37:1

Sa tiko vei au na liga i Jiova, ka sa kauti au yani e na Yalo i Jiova, ka vakatikori au e na loma ni dua na buca sa sinai tu e na sui,

Isikeli 40:2

E na raivotu ni Kalou sa kauti au mai ki na nodra vanua na Isireli, ka vakatikori au ki na dua na dela ni ulu-ni-vanua cecere sara, ka sa vaka e tu maikina e dua na koro sa tara rawa tu ki na mata ni ceva.

Isikeli 43:5

A sa tuberi au cake na yalo, ka kauti au ki loma ni bai eloma; ka raica, sa curuoso na serau i Jiova e na loma ni vale.

Isikeli 43:8

Ni ra viritaka vata na nodra i lago kei na noqu i lago, kei na nodra duru ni sogo kei na noqu duru ni sogo, ia na lalaga ga ka tu e na keimami maliwa, ka ra sa vakacacana na yacaqu tabu e nai valavala vakasisila era sa kitaka: ka'u a vakarusai ira kina e na noqu cudru.

Isikeli 5:11

Ia, me vaka na dina ni noqu bula, sa kaya na Turaga ko Jiova; Ni ko sa vakadukadukalitaka na noqu vale tabu e na nomu ka velavela kecega, kei na nomu ka vakasisila kecega, oi au talega ka'u na vakalailaitaki iko; ia ka'u na sega ni vosoti iko ka'u na sega talega ni yalololoma vei iko.

Isikeli 7:20

Ia na nona ka vakaiukuuku ka vakaturaga, sa vakaduria ko koya me ka lagilagi sara: ia na matakau ni nodra ka vakasisila ka velavela era sa cakava kina: o koya oqo ka'u sa cakava me ka vakasisila vei ira:

Isikeli 8:5

Sa qai kaya vei au ko koya, ko iko na luve ni tamata, mo ta cake mada ki na sala vaka ki na tokalau. Au a qai ta cake ki na sala vaka ki na tokalau, ka raica, sa tu mai na mata ni tokalau mai na matamata-ni-koro ni cabocabo-ni-soro na matakau ko ya i na Vuvu mai nai curucuru.

Isikeli 9:2

Ka raica, e lewe ono na tagane eratou sa lako tu mai na sala mai na matamata-ni-koro e cake, sa donuya na tokalau a ratou sa dui taura yadua e ligana na nonai yaragi ni ravuravu; ia e dua vei iratou na tagane sa vakaisulu e na lineni, ka sa tu vua e dua na tavaya wai ni volavola: a ratou sa curu ki loma, ka tu voleka ki nai cabocabo-ni-soro parasa.

Taniela 10:10

Ka raica, sa qai tarai au e dua na liga, a sa vakaduri au e na duruqu kei na qeteqete ni ligaqu.

Taniela 10:18

Sa baci mai tarai au tale e dua sa vaka na tamata na kenai rairai, ka sa vakaukauwataki au,

Taniela 5:5

Ia e na tiki-ni-siga ko ya sa rairai nai qaqalo ni liga ni tamata, ka volavola ki nai botani lase ni lalaga ni vale levu ni tui ka me donuya nai tutu-ni-cina: ia sa raica ko koya na tui na tiki ni ligana ka volavola.

Cakacaka 8:39

Ia ni rau sa cabe cake mai na wai, sa kauti Filipi tani na Yalo ni Turaga, a sa sega ni raica tale na matanivanua: a sa lako e nona sala ko koya ka reki tiko.

Vakarua 32:16

Era sa vakavuvutaki koya e na ka tani eso, Era sa vakacudrui koya e na ka vakasisila eso.

Vakarua 32:21

Era sa vakavuvutaki au e na vuku ni ka sa sega ni Kalou; Era sa vakacudrui au e na nodra veika vakailasu: Ia ka'u na vakavuvutaki ira e na vukudra era sega ni noqu tamata: Au na vakacudrui ira e na matanitu sesewa.

Vakarua 4:24

Ni sa bukawaqa katakata ko Jiova na nomuni Kalou, io sa Kalou vuvu.

Vakarua 5:9

mo kakua ni cuva vei ira, se qaravi ira: ni'u sa Kalou vuvu, koi au ko Jiova na nomu Kalou, au sa sauma na nodra caka ca na qase vei ira na luvedra, ka yacova nai katolu ni tabatamata kei na kenai kava, vei ira era sa cati au;

Vakarua 6:15

(ni sa Kalou vuvu ko Jiova na nomuni Kalou e na kemuni maliwa) de waqa vei kemuni na cudru i Jiova na nomuni Kalou, ka vakawabokotaki kemuni mai na dela i vuravura.

Josua 24:19

A sa kaya vei ira na tamata ko Josua, Kemuni sa sega ni qaravi Jiova rawa: ni sa Kalou yalosavasava ko koya; sa Kalou vuvu ko koya; ena cudruva na nomuni talaidredre, kei na nomuni valavala ca: