Isikeli 8:16 - Vakavakadewa Makawa

¹⁶ A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Ai Vola Tabu (Vakadewa Makawa Vakavoutaki 2021)

¹⁶ A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tokalau; a ra sa cuva ki na mata-ni-siga vaka ki na tokalau.

AI VOLA TABU

¹⁶ A sa kauti au ko koya ki na lomanibai eloma ki na vale i Jiova, ka, raica, ni sa tu mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, ia na dakudra sa qara ki na vale i Jiova, kei na matadra kivakaki cake; a ra sa cuva ki na mata-ni-siga kivakaki cake.

Vakavakadewa Vou kei na iVola tale eso

¹⁶ Sa qai kauti au o koya ki na lomanibai ni Valenisoro; ka raica, sa tiko ena katuba ni i tikotiko vakaturaga ena kedrau tadrua na i curucuru kei na i cabocabonisoro, era a tiko kina e rauta ni lewe 25 na tagane. Era a duri vakanadaku tu ki na i tikotiko vakaturaga, ka ra vakanamata vaka ki na tokalau ka sokalou ki na matanisiga.

Ai Vola Tabu Ena Vakavakadewa Vou

¹⁶ Sa qai kauti au o koya ki na lomanibai ni Valenisoro; ka raica, sa tiko ena katuba ni i tikotiko vakaturaga ena kedrau tadrua na i curucuru kei na i cabocabonisoro, era a tiko kina e rauta ni lewe 25 na tagane. Era a duri vakanadaku tu ki na i tikotiko vakaturaga, ka ra vakanamata vaka ki na tokalau ka sokalou ki na matanisiga.

Isikeli 8:16 Iomraidhean Croise

1 Tui 8:29

me rai tiko na matamuni ki na vale oqo e na bogi kei na siga, ki na tikina ko ni a kaya kina, Ena tiko maikea na yacaqu; mo ni rogoca kina na masumasu sa cabora na nomuni tamata e na tikina oqo.

2 Tui 16:14

Ia nai cabocabo-ni-soro parasa ka tu e na mata i Jiova, sa kauta ko koya mai na mata ni vale, mai na tadrua ni cabocabo-ni-soro kei na vale i Jiova, ka tauca ki na yasa ni cabocabo-ni-soro, vaka ki na tokalau.

2 Tui 21:5

A sa cakava ko koya eso nai cabocabo-ni-soro e na vuku ni kalokalo kecega ni lomalagi e na loma ni rara vakabai ruarua mai na vale i Jiova.

2 Tui 23:11

A sa kauta tani na ose era vakacabora ki na mata-ni-siga ko ira na tui Juta, mai nai curucuru ki na vale i Jiova, ka voleka ki na vale i Necani-meleki na matanivanua, sa tu mai nai bili, a sa vakama e na bukawaqa na qiqi sa vakacabori ki na mata-ni-siga.

2 Tui 23:5

A sa vakaoti ira na bete vakatevoro ko koya, ko ira ka ra lesia na tui Juta me vakama na ka boi vinaka e na veitikina cecere e na veikoro ni Juta, kei na veivanua sa voliti Jerusalemi: o ira talega era vakama na ka boi vinaka vei Peali, ki na mata-ni-siga, kei na vula, kei na kalokalo daulako, kei na kalokalo kecega ni lomalagi.

2 Veigauna 29:6

Ni ra sa caka cala ko ira na noda qase, ka cakava na ka ca e na mata i Jiova na noda Kalou, a ra sa biuti koya, ka vagolea tani na matadra mai na vale i Jiova, ka vuki vakanadaku.

2 Veigauna 7:7

Sa vakatabuya talega ko Solomoni na lomanibai e na mata ni vale i Jiova: ni sa vakacabora maikea ko koya nai soro kama, kei na uro ni soro ni veivinakati, ni sa lailai nai cabocabo-ni-soro parasa sa cakava ko Solomoni, me vakacabori kina nai soro kama, kei nai madrali laukana, kei na uro.

Jeremaia 2:27

ni ra kaya ki na kau, Ko iko na tamaqu; ki na vatu talega, Ko iko ko a vakasucumi au: ka ni ra sa vakanadaku vei au, ka sega ni vakanamata mai: ia e na gauna ni nodra rarawa era na kaya, Mo ni tu cake mai, ka vakabulai keimami.

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 44:17

ia keimami na cakava sara ga na ka kece sa cavuta na gusu i keimami, ka me keimami vakama nai madrali boi vinaka vua na ranadi ni lomalagi, ka sova vua nai sevu, me vaka keimami sa daucakava, koi keimami, kei ira na neimami qase, kei na neimami tui, kei na neimami turaga, e na veikoro vaka-Juta, kei na sala ni koro ko Jerusalemi: ni keimami sa mamau kina e na kakana, ka bula vinaka, ia keimami sa sega ni raica kina na ka ca:

Jeremaia 7:18

na gone, era ca buka; na tamadra, era tutuvaka na buka; ko ira na yalewa, era natuka na madrai droka, me ra cakava na kena keki na ranadi ni lomalagi, ka ra sova nai sevu me medra na kalou tani, me ra vakacudrui au.

Jeremaia 8:2

ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa daulakova, oqori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Isikeli 10:3

Ia na jerupi eratou sa tu e na yasa ni vale ki nai matau, ni sa curu kina na tamata; ia sa curuoso na lomanibai eloma e na o.

Isikeli 11:1

A sa laveti au cake na yalo, ka kauti au ki na matamata-ni-koro ni vale i Jiova ki na isiti, o koya sa donuya na tu-i-cake: ka raica, sa tu mai na matamata-ni-koro e lewe ruasagavulu ka lima na tamata; ia ka'u a raica e dua vei ira ko Jeesanaia na luve i Asuri, kei Pilataia na luve i Pinaia, erau sa turaga vei ira na tamata.

Isikeli 23:35

O koya oqo sa kaya kina na Turaga ko Jiova; Ni ko sa guilecavi au, ka vakanadakui au, me yaco vei iko na kenai sau ni nomu i valavala velavela kei na nomu dautagane.

Isikeli 23:39

Ka ni rau a vakacabori ira oti na luvedrau ki na nodrau matakau, erau sa qai lako mai e na siga dina ko ya ki na noqu vale tabu me vakavelavelataka; io, sa vakaoqo na ka erau sa cakava e na noqu loma ni vale.

Isikeli 40:28

A sa kauti au ko koya ki na lomanibai ki loma e na matamata-ni-koro ki na ceva; ka sa vakarauta na matamata-ni-koro ki na ceva, ka sa vaka ga nai vakarau ko ya;

Isikeli 40:6

Sa qai lako mai ko koya ki na matamata-ni-koro sa qara donu vaka ki na tu-i-cake, ka sa cabeta na kenai kabakaba, ka vakarauta e dua nai lago ni matamata-ni-koro, a sa dua ga na gasau na kena raraba; kei na lago kadua, a sa dua ga na gasau na kena raraba.

Isikeli 43:5

A sa tuberi au cake na yalo, ka kauti au ki loma ni bai eloma; ka raica, sa curuoso na serau i Jiova e na loma ni vale.

Isikeli 43:8

Ni ra viritaka vata na nodra i lago kei na noqu i lago, kei na nodra duru ni sogo kei na noqu duru ni sogo, ia na lalaga ga ka tu e na keimami maliwa, ka ra sa vakacacana na yacaqu tabu e nai valavala vakasisila era sa kitaka: ka'u a vakarusai ira kina e na noqu cudru.

Isikeli 45:19

ia me kauta ko koya na bete eso na dra ni soro ni valavala ca, me kureitaka ki na duru ni sogo ni vale, kei na tutuna vava ni rara ni cabocabo-ni-soro, kei na duru ni matamata-ni-koro ni lomanibai eloma.

Isikeli 46:1

Sa kaya vakaoqo na Turaga ko Jiova; A matamata-ni-koro ni lomanibai eloma sa donuya na tu-i-cake me sogo tu e na bogi ono sa ia kina na cakacaka; ia me qai dolavi e na siga tabu, ka me dola talega e na siga ni vula vou.

Isikeli 7:23

Mo cakava na sinucodo: ni sa robota na vanua na veilabati; kei na koro sa sinai tu e nai valavala kaukauwa.

Isikeli 8:15

Sa qai kaya vei au ko koya, Ko sa kunea li na ka oqo, ko iko na luve ni tamata? mo baci lesu tale, mo mai raica na ka vakasisila vakalevu cake e na ka oqo.

Joeli 2:17

Me ra mai tagi na bete e na macawa ni curucuru ni vale kei nai cabocabo-ni-soro, ka me ra kaya, Mo ni yalololoma mai, Jiova, vei ira na nomuni tamata, ka kakua ni solia na nomuni votavota me vakarogocataki, ka me lewai ira ko ira na veimatanitu: me ra veikayaka vakacava ko ira na veimatanitu, Sa evei li na nodra Kalou?

Vakarua 17:3

a sa la'ki qarava eso na kalou tani, ka sa cuva kina, se na mata-ni-siga, se na vula, se dua na kalokalo mai lomalagi, na ka ka'u sa vunautaka me kakua;

Vakarua 4:19

ia de ko ni ta cake ki lomalagi, ka raica na mata-ni-siga, kei na mata-ni-vula, kei na veikalokalo, nai vavakoso kecega mai lomalagi, kemuni sa qai vecei tani me sorova, ka qarava, na veika oqori sa solia ko Jiova na nomuni Kalou ki na veimatanitu kecega e ruku ni lomalagi taucoko: