Isikeli 8:12 - Vakavakadewa Makawa

¹² Sa qai kaya vei au ko koya, Ko sa kunea li, ko iko na luve ni tamata, na ka era sa dui cakava ko ira na qase ni mataqali i Isireli e na butobuto, na tamata yadua e na bure ni nona matakau? ni ra sa kaya, Sa sega ni raici keda ko Jiova; sa biuti vuravura ko Jiova.

Ai Vola Tabu (Vakadewa Makawa Vakavoutaki 2021)

¹² Sa qai kaya vei au ko koya, “Ko sa kunea li, ko iko na luve ni tamata, na ka era sa dui cakava ko ira na qase ni vale i Isireli e na butobuto, na tamata yadua e na bure ni nona matakau? Ni ra sa kaya, ‘Sa sega ni raici keda ko Jiova; sa biuti vuravura ko Jiova.’ ”

AI VOLA TABU

¹² Sa qai kaya vei au ko koya, Ko sa kunea li, na luve ni tamata, na nodra ka na qase ni mataqali nei Isireli era sa dui cakava e na butobuto, na tamata yadua e na loqi ni nona matakau? ni ra sa kaya, O Jiova, sa sega ni raici keda; o Jiova, sa biuti vuravura.

Vakavakadewa Vou kei na iVola tale eso

¹² A sa tarogi au na Kalou, “Luve ni tamata, o sa raica li na ka era dui cakava buto tiko na qase ni Isireli, na tamata yadua ena burekalou ni nodra dui kalou matakau? Ni ra sa kaya, ‘Sa sega ni raici keda o Jiova, sa biuta na vanua o koya.’ ”

Ai Vola Tabu Ena Vakavakadewa Vou

¹² A sa tarogi au na Kalou, “Luve ni tamata, o sa raica li na ka era dui cakava buto tiko na qase ni Isireli, na tamata yadua ena burekalou ni nodra dui kalou matakau? Ni ra sa kaya, ‘Sa sega ni raici keda ko Jiova, sa biuta na vanua o koya.’ ”

Isikeli 8:12 Iomraidhean Croise

2 Tui 17:9

A ra sa kitaka vuni ko ira na Isireli na veika sa sega ni dodonu vei Jiova na nodra Kalou, a ra sa tara na nodra veitikina cecere mai na nodra veikoro kecega, mai na nodra qatava nai vakatawa, ka yacova na koro sa vakabai.

NA SAME 10:11

Sa kaya e lomana, Sa guilecava ko koya na Kalou; Sa vunia na matana, ena sega sara ni raica.

NA SAME 14:1

Sa kaya e lomana na tamata lialia, Sa sega na Kalou. Era sa ca sara, era sa kitaka nai valavala velavela, Sa sega e dua sa caka vinaka.

NA SAME 73:11

Era sa kaya, Sa kila vakaevei na Kalou? Ka sa vuku vakacava ko Koya sa Cecere sara?

Aisea 29:15

Ulei! ko ira era segata matua me ra vunia tani vei Jiova na nodra bose, a ra ia na nodra cakacaka e na butobuto, a ra sa kaya, Ko cei sa raici keitou? ia ko cei sa kilai keitou?

Aisea 47:10

Ia ko a vakararavi ki na nomu i valavala ca: ko a kaya, Sa sega e raici au. A nomu vuku kei na nomu daukila ka, oqori sa vakauti iko vakatani; ia ko a kaya e lomamu, Koi au, ka sa sega tale e dua, koi au ga.

Isikeli 14:1

Sa qai lako mai vei au eso vei ira na qase ni Isireli, ka tiko e mataqu.

Isikeli 20:1

A sa yaco e nai kavitu ni yabaki, e nai kalima ni vula, e nai katini ni siga ni vula, era sa lako mai eso na qase ni Isireli me tarogi Jiova, a ra sa mai tiko e mataqu.

Isikeli 8:11

a ra sa qarava ko ira e lewe vitusagavulu na tagane era qase ni mataqali i Isireli, ia ko Jeasanaia na luve i Safani sa tu e na kedra maliwa, ka ra dui taura e ligana na nona miqa ni ka boi vinaka; ka sa dua na o loaloa ni ka boi vinaka sa kuvu cake tu.

Isikeli 8:13

A sa kaya vei au ko koya, Mo baci lesu tale, mo mai raica na ka vakasisila vakalevu cake era sa cakava.

Isikeli 8:15

Sa qai kaya vei au ko koya, Ko sa kunea li na ka oqo, ko iko na luve ni tamata? mo baci lesu tale, mo mai raica na ka vakasisila vakalevu cake e na ka oqo.

Isikeli 8:17

Sa qai kaya vei au ko koya, Ko sa kunea li na ka oqo, ko iko na luve ni tamata? Sa ka wale beka vei ira na mataqali i Juta, ni ra cakava na ka vakasisila era sa cakava tiko eke? ni ra sa vakasinaita na vanua e nai valavala kaukauwa, a ra qai lesu tale me ra mai vakacudrui au: ka raica, era sa kauta na taba ni kau kina ucudra.

Isikeli 9:9

Sa qai kaya vei au ko koya, A nodra caka cala na mataqali i Isireli kei Juta sa ka levu vakaidina sara, ka sa robota na vanua na dra, ia na koro sa sinai tu e na veivakaucacataki: ni ra sa kaya, Sa biuti vuravura ko Jiova, ia sa sega ni raica ko Jiova.

Sefanaia 1:12

Ia ena yaco e na gauna ko ya, ka'u na kauta eso na cina ka qara voli e Jerusalemi, ka cudruvi ira na tamata era vaka na waini sa cevata tu e na kena soko, era kaya e lomadra, Ena sega ni cakava na ka vinaka ko Jiova, ena sega talega ni cakava na ka ca.

Efeso 5:12

Ni sa ka e veivakamaduataki me vosataki na veika era sa daukitaka vuni.

Vakarua 27:15

Me cudruvi na tamata sa cakava e dua na matakau ceuceu se na matakau sa vakawaicalataki, na ka vakasisila vei Jiova, na cakacaka ni matai, ka vakaduria e na tikina vuni. A ra na vosa na tamata kecega, ka vakaemeni.