Isikeli 7:4 - Vakavakadewa Makawa

⁴ Ia na mataqu ena sega ni vosoti iko, au na sega talega ni yalololoma vei iko: ni ka'u na sauma vei iko na nomu i valavala, ia na nomu i valavala vakasisila sa na tu ga vei iko: ia dou na kila ni sai au ko Jiova.

Ai Vola Tabu (Vakadewa Makawa Vakavoutaki 2021)

⁴ Ia na mataqu ena sega ni vosoti iko, ka'u na sega talega ni yalololoma vei iko; ni ka'u na totogitaki iko baleta na nomu i valavala, ia na nomu i valavala vakasisila sa na tu ga vei iko. Ia dou na qai kila kina ni sai au ko Jiova.

AI VOLA TABU

⁴ Ia ena sega ni vosoti iko na mataqu, au na sega talega ni yalololoma: ni sa nomui valavala kaʼu na sauma vei iko, ia na nomu ka vakasisila sa na tu ga vei iko: ia dou na kila ni sai au ko Jiova.

Vakavakadewa Vou kei na iVola tale eso

⁴ Au na sega ni vosoti iko ka sega talega ni yalololoma vei iko. Ia ka'u na cudruvi iko ga ena vuku ni nomu i valavala, ni sa tu oqori vei iko na i valavala vakasisila. Ena ka oqo o na qai kila kina ni sai au o Jiova.”

Ai Vola Tabu Ena Vakavakadewa Vou

⁴ Au na sega ni vosoti iko ka sega talega ni yalololoma vei iko. Ia ka'u na cudruvi iko ga ena vuku ni nomu i valavala, ni sa tu oqori vei iko na i valavala vakasisila. Ena ka oqo o na qai kila kina ni sai au ko Jiova.”

Isikeli 7:4 Iomraidhean Croise

Jeremaia 13:14

ka'u na botobotolaki ira vata na tamata kei na kai nona, io ko ira vata na qase kei na luvedra, sa kaya ko Jiova: ka'u na sega ni lomana, se vosota, se yalololoma kina, ka'u na vakarusai ira ga.

Jeremaia 16:18

Ia ka'u na sauma eliu me rauta vakarua na nodra caka cala kei na nodra i valavala ca; ni ra sa vakadukadukalitaka na noqu vanua e na yago mate ni nodra ka velavela, io ena nodra ka vakasisila era sa vakasinaita kina na noqu i tikotiko.

Jeremaia 25:14

Ni ra na qali talega ki na veimatanitu e vuqa vei ira talega na turaga levu eso: ia ka'u na sauma vei ira me vaka na nodra i valavala, kei na cakacaka ni ligadra.

Isikeli 11:21

Ia ko ira sa lomadra ga me ra muria na nodra i valavala velavela kei na nodra ka vakasisila ka'u na sauma ga kivei ira, sa kaya na Turaga ko Jiova.

Isikeli 12:20

Ia ena lala mai na veikoro sa tawa, ka na rusa na vanua; ia dou na kila ni sai au ko Jiova.

Isikeli 16:43

Ni ko sa sega ni vakananuma na gauna ko a gone kina, ka sa vakararawataki au tikoga e na ka kece oqo; raica, koi au ka'u na sauma talega kina na nomu i valavala ki na ulumu, sa kaya na Turaga ko Jiova: ia ko na sega ni cakava tiko na ca oqo mei kuri ni nomu i valavala vakasisila kecega.

Isikeli 22:31

O koya oqo ka'u sa sovaraka kina vei ira na noqu cudru; ka'u sa vakarusai ira e na bukawaqa ni noqu cudru: ka'u sa sauma kivei ira na nodra i valavala, sa kaya na Turaga ko Jiova.

Isikeli 23:31

Ko sa muria ga nai valavala ni tuakamu; o koya oqo ka'u na solia kina na mena bilo ki na ligamu.

Isikeli 23:49

Ia era na sauma vei kemudrau na nomudrau i valavala velavela, ena tau talega vei kemudrau nai sau ni valavala ca ni nomudrau matakau: ka drau na kila ni sai au na Turaga ko Jiova.

Isikeli 24:14

Oi au ko Jiova ka'u sa cavuta; ena yaco ga, ni'u na cakava, ka'u na sega ni suka ki muri, ka'u na sega talega ni vosota, ka'u na sega talega ni veivutuni; me vaka na nomu i tovo, ka vaka na nomu i valavala, era na lewai iko, sa kaya na Turaga ko Jiova.

Isikeli 33:29

Era na qai kila ni sai au ko Jiova, ni'u sa vakalalataka sara na vanua e na vuku ni nodra i valavala vakasisila kecega era sa cakava.

Isikeli 5:11

Ia, me vaka na dina ni noqu bula, sa kaya na Turaga ko Jiova; Ni ko sa vakadukadukalitaka na noqu vale tabu e na nomu ka velavela kecega, kei na nomu ka vakasisila kecega, oi au talega ka'u na vakalailaitaki iko; ia ka'u na sega ni vosoti iko ka'u na sega talega ni yalololoma vei iko.

Isikeli 6:14

Ia ka'u na dodoka na ligaqu vei ira, ka vakalalataka na vanua, io, me lala vakalevu ka lala vakalailai na veikau mai Tipila, e na nodra i tikotiko kecega: ka ra na kila ni sai au ko Jiova.

Isikeli 6:7

a ra na bale ko ira sa vakamatei e na kemudou maliwa, ia dou na kila ni sai au ko Jiova.

Isikeli 7:27

Ena tagi ko koya na tui, io ko koya na turaga ena vakaisulu e na rusa; a ligadra talega na lewe ni vanua, ena taqaya: ka'u na cakacaka vei ira me vaka na nodra i valavala; ia ka'u na cudruvi ira me vaka na ka sa dodonu vei ira; a ra na kila ni sai au ko Jiova.

Isikeli 7:3

Sa qai yaco vei iko na kemui otioti, ia ka'u na vakayacora na noqu cudru vei iko, ka lewai iko me vaka na nomu i valavala, ka sauma vei iko na nomu i valavala vakasisila kecega.

Isikeli 7:9

Ia na mataqu ena sega dina ni vosota, au na sega talega ni yalololoma: ka'u na sauma vei iko me vaka na nomu i valavala, ia na nomu ka vakasisila ena tu ga vei iko; ia dou na kila ni sai au ko Jiova sa ia na veicudruvi.

Isikeli 8:18

O koya oqo ka'u na cakacaka kina e na cudru: ena sega ni vosovoso na mataqu, au na sega talega ni yalololoma: ia ke ra tagi vakadomoilevu e na daligaqu, ka'u na sega ni rogoci ira.

Isikeli 9:10

Io koi au talega, ena sega ni vosovoso na mataqu, au na sega talega ni yalololoma, a nodra i valavala ka'u na sauma sara ga ki na uludra.

Osea 12:2

Sa dua talega na ka e veiletitaka kei Juta ko Jiova, ia ena cudruvi Jekope ko koya me vaka na nonai valavala; ka na saumi koya me vaka na nona cakacaka.

Osea 9:7

Sa yaco mai na siga ni veicudruvi, sa yaco mai na siga ni veisausaumi; era na kila ko ira na Isireli: sa sesewa na parofita, sa kudru na tamata sa curumi, e na vuku ni levu ni nomudou caka cala, kei na veicati levu.

Emosi 7:8

A sa kaya vei au ko Jiova, A cava ko sa raica, Emosi? Au a kaya, E dua na vatu i vakarau. Sa qai kaya na Turaga, Raica, au na viritu e dua na vatu i vakarau e na kedra maliwa na noqu tamata na Isireli: au na sega sara ni vosoti ira tale:

Sakaraia 11:6

Ni'u na sega ni lomani ira tale na lewe ni vanua, sa kaya ko Jiova, ia raica, ka'u na soli ira na tamata yadua ki na liga ni kai nona, ki na ligana talega na nona tui: ka ra na vakacacana na vanua, ia ka'u na sega ni vakabulai ira mai na ligadra.

Iperiu 10:30

Ni da sa kilai koya sa kaya, Sa noqu i tavi me'u cudruvaka, au na sauma ga. Ka sa kaya tale, Ena lewai ira na nona tamata ko Jiova.