Isikeli 7:2 - Vakavakadewa Makawa

² Ia ko iko, na luve ni tamata, sa kaya vakaoqo na Turaga ko Jiova ki na vanua vaka-Isireli; Nai otioti, sa yaco mai nai otioti ki nai yalayala vava ni vanua.

Ai Vola Tabu (Vakadewa Makawa Vakavoutaki 2021)

² Ia ko iko, na luve ni tamata, sa kaya vakaoqo na Turaga ko Jiova ki na vanua vaka-Isireli: Ai vakataotioti! Sa yaco mai nai cavacava ki nai yalayala va-va ni vanua.

AI VOLA TABU

² Ia ko iko, na luve ni tamata, sa vosa vakaoqo na Turaga ko Jiova ki na vanua vaka-Isireli; Nai otioti, sa yaco mai nai otioti ki nai yalayala e va ni vanua.

Vakavakadewa Vou kei na iVola tale eso

² “Luve ni tamata, sa kaya vakaoqo na Kalou o Jiova ki na vanua o Isireli: Sa i koya oqo na i cavacava ni vanua taucoko oqo!

Ai Vola Tabu Ena Vakavakadewa Vou

² “Luve ni tamata, sa kaya vakaoqo na Kalou ko Jiova ki na vanua o Isireli: Sa i koya oqo na i cavacava ni vanua taucoko oqo!

Isikeli 7:2 Iomraidhean Croise

Vakatekivu 6:13

A sa kaya vei Noa na Kalou, Sa rairai mai ki vei au nai otioti ni tamata kecega; ni ra sa vakasinaiti vuravura e nai valavala kaukauwa; ka raica, ka'u na vakarusai ira vata kei vuravura.

2 Veigauna 34:7

Ia ni sa oti na nona basuraka sobu na veicabocabo-ni-soro kei na kalouyalewa ni veikau, ka tukilaka oti na matakau ceuceu me vaka na nuku, ka taya sobu oti na matakau kecega e na veiyasana kecega ni nodra vanua na Isireli, sa qai lesu ko koya ki Jerusalemi.

Aisea 47:7

Ia ko a kaya, Ka'u na Ranadi tikoga ka sega ni mudu; ko sa sega kina ni vakasara ki lomamu na ka oqo, se vakananuma na kenai tinitini.

Jeremaia 12:4

A cava na kena dede me tagi tiko kina na vanua, ka malai yani na co ni veiwere kecega, e na vuku ni nodra ca era tiko kina? sa oti na manumanu ni vanua kei na manumanu vuka; ni ra sa kaya, Ena sega ni kunea ko koya na kedai otioti.

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 51:13

Ko iko sa tiko e dela ni wai levu, ka sa vutuniyau, sa qai yaco na kemui otioti, sa yalani na nomu kocokoco.

Lele i Jeremaia 1:9

A nona dukadukali sa tauva na bele ni nonai sulu; sa sega ni nanuma ko koya ki na nonai otioti; O koya oqo sa ka ni veivakidacalataki na nona lako sobu: sa sega e dua me vakacegui koya. Mo ni raica, Jiova, na noqu rarawa: ni sa vakalevulevui koya na meca.

Lele i Jeremaia 4:18

Era sa cicimuria na we ni yavada, eda dredre kina ni lako voli e na sala ni noda koro: Sa voleka mai na kedai vakataotioti, sa oti na noda gauna; ni sa yaco na kedai otioti.

Isikeli 11:13

Ia ni'u sa parofisai tiko, sa qai ciba ko Pilataia na luve i Pinaia. Au sa qai bale vakatoboicu, ka tagi vakadomoilevu, ka kaya, Isa le, noqu Turaga Jiova! ko ni na qai vakaotia sara na kedra vo na Isireli?

Isikeli 12:22

Ko iko na luve ni tamata, a cava na vosa vakaibalebale ko ya sa tu vei kemudou na Isireli, ka vaka, Sa vakadedetaki na gauna, ka sa sega na raivotu me yaco?

Isikeli 21:2

Ko iko na luve ni tamata, mo rai mada vaka ki Jerusalemi, ka vakatauca na nomu vosa ki na veiyasana tabu, ka parofisaitaka na ka ca ki na vanua ko Isireli,

Isikeli 21:25

Ia ko iko, na turaga ni Isireli na tamata be ka ca, ka sa yaco na kemu siga, me tini kina na caka cala,

Isikeli 21:4

Ia ni'u na muduka tani vei iko na yalododonu kei na tamata ca, ena ucu kina na noqu i seleiwau mai na kena taga me taya na tamata kecega mai na mata ni ceva ka yacova na mata ni tokalau:

Isikeli 21:7

Ia ni ra sa kaya vei iko, A cava ko sa vutugu kina? mo qai kaya, E na vuku ni dua nai rogorogo; ni sa voleka mai: ia ena waicala na loma ni tamata kecega, ka na wadamele na ligadra kecega, ka na ceguoca na yalodra kecega, ia ena vaka na wai na durudra kecega: raica, sa lako tiko mai, ka na vakayacori, sa kaya na Turaga ko Jiova.

Isikeli 35:5

Ni ko sa yaloca tikoga, ka sa soli ira na Isireli ki na kaukauwa ni seleiwau e na gauna ni nodra rarawa, e na gauna ka tini kina na nodra i valavala ca.

Isikeli 40:2

E na raivotu ni Kalou sa kauti au mai ki na nodra vanua na Isireli, ka vakatikori au ki na dua na dela ni ulu-ni-vanua cecere sara, ka sa vaka e tu maikina e dua na koro sa tara rawa tu ki na mata ni ceva.

Isikeli 7:1

A sa yaco tale vei au na vosa i Jiova, ka vaka,

Isikeli 7:3

Sa qai yaco vei iko na kemui otioti, ia ka'u na vakayacora na noqu cudru vei iko, ka lewai iko me vaka na nomu i valavala, ka sauma vei iko na nomu i valavala vakasisila kecega.

Joeli 1:15

Ulei na siga ko ya! ni sa voleka na siga i Jiova, ia ena yaco mai me vaka na veivakarusai maivei Koya sa Kaukauwa.

Emosi 8:10

au na vukica talega na nomudou so levu me soqoni ni tagi, kei na nomudou sere kecega ena vuki me lele; ia ka'u na lewa mo dou sulumaka nai sulu taga, ka na cou mai na ulumudou kecega ia ka'u na cakava na ka oqori me tautauvata kei na so mate sa ia e na vuku ni gone tagane sa dua bauga, kei na kenai otioti me tautauvata kei na dua na siga rarawa sara.

Emosi 8:2

A sa tarogi au ko koya, A cava ko sa raica, Emosi? Au a kaya, E dua na sova vuata dreu. Sa qai kaya vei au ko Jiova, Sa yaco mai nai vakataotioti vei ira na noqu tamata na Isireli; au na sega sara ni vosoti ira tale.

Maciu 24:6

Ia dou na rogoca nai valu, kei nai rogorogo ni valu: mo dou kakua ni kidroa: ni sa kilikili me yaco na ka oqo, ia ka sa bera ga nai vakataotioti.

Vakarua 32:20

A sa kaya ko koya, Au na vunia vei ira na mataqu, Au na raica na kedrai otioti: Ni ra sa kawa dauyalovakatani ko ira, Na gone sa dau sega ni dina.

1 Pita 4:7

Ia ka sa voleka nai vakataotioti ni ka kecega: dou yalomatua kina, ka dauyadrava na masumasu.

Vakatakila 20:8

ena qai lako tani yani ko koya me temaki ira na veivanua era sa tiko e na yasa i vuravura e va, ko Koki kei Mekoki, me vakasoqoni ira vata me ra vala: a kedrai wiliwili sa vaka na mata ni nuku ni matasawa.

Vakatakila 7:1

Ia ni sa oti na veika oqo ka'u a raica na agilose e le va eratou sa tu e na tutu i vuravura e va, ka taura na cagi e va kei vuravura, me kakua ni liwa ki vuravura na cagi, se ki na wasawasa, se ki na dua na kau.